طارطة بالليمون والبطاطة لذيددددة دخلو تشوفو

طارطة بالبطاطة والليمون غادة تعجبكم بزاف
السلام عليكم جميعا على باركة الله
المقادير:
1/2كيلو البطاطة
3البيضات
كاس العنبة سنيدة
دانون ڤاني
خمارة وحدة الحلوة
1ڤاني
3معالق كبار الدقيق
كاس العنبة الزيت
كريم باتيسري:
1/2لتر الحليب
3معالق كريم باتيسري بودر(عند محلات الخاصة بالحلويات)
3معالق كبار سنيدة
گلاصاج:
3معالق كبار سنيدة
كاس كبير عصير الليمون طبيعي(نخلي شوية باش نسقي)
3معالق كبار مايزينة(النشا)
الطريقة:
ناخد البيض+ڤاني+سنيدةونطرب بالطراب مزيان ونزيد الزيت ودانون ونطرب حتى تماسك
ناخد البطاطة ونسلقها ونمعكها بشوكة
من بعد نزيد البطاطة على المقادير ونزيد نطرب ونكب الدقيق والخمارة ونحرك مزيان حتى تجانس العناصر كاملة
كريم باتيسري: ناخد الحليب وكريم باتيسري وسنيدة ونطربهم ونحطهم فوق النار حتى يعقاد مع التحريك وحيدهم من العافية
الگلاصاج:ناخد مايزينة والليمون سنيدة ونطرب ونحطهم فوق النار حتى يعقاد مع التحراك ونزيد شوية ديال روح الليمون باش يعطي البريون للكلاصاج
المرحلة النهائية: ناخد الخليط اللي وجدت من قبل ديال البطاطة والبيض…….الخ
ونكبهم في المول ديال الفران وندخلها تطيب مرة مرة نقلبها دغيا كتطيب من الفوق والتحت بالطبع
ملي تخرج نسقيها ط¨ط§ظ„ظ„ظٹظ…ظˆظ† اللي بقا ونكب كريم باتيسري فوق منها وندخلها الثلاجة حتى تشد فراسها ملي تخرج نكب الكلاصاج من الفوق وندخلها الثلاجة
من بعد ملي نخرجها نزوق بالفواكه اللي موجودة عندي ولا كان عندي كريم فريش ندورو عليها من الجناب عاد نزوق بالفواكه
وبالصحة والراحة كنتمنى تعجبكم راها لذيذة بزاف
قريب نحطها بالصور ان شاء الله

---

‘hv’m fhggdl,k ,hgf’h’m g`d]]]]m ]og, ja,t,

تبارك الله عليك باينة غتجي لذيذة

الله يبارك فيك الشريفة كون شفتي الصورة غادة تكون هدرة اخرررررى هه هه هه

تبارك الله عليك باينة غتجي لذيذة

هي غير لذيذة وصافي شي حاجة كتر من لذيذة يا اختي

تبارك الله عليك

جزاكي الله خير

تبارك الله عليك

الله يبارك فيك يا الوريدة