طارط بالفلون والحامض

[frame="9 80"]

هاد الطارط اللي غنقدم ليكم مكونة من 3 طبقات

الطبقة الاولى هي لكيك

2بيض + 1دانون + نصف كاس زيت + نصف كاس سكر+ كاس ونصف دقيق + كيس خميرة الزا + كيس فاني

تخلط كل العناصر مثل طريقة الكيك العادي
ويدخل الفرن (ينصح استعمال قالب الكيك اللي كيتفتح من الجناب)

الطبقة الثانية كريم باتسيير
1 و نصف كاس حليب
2 ملاعق معامرينش الكريم باتسيير
2 ملاعق سكر

نديروه على نار مهيلة مع التحريك حتى يتقال ونصبوه على الكيك ديالنا

و نديرو من فوق الفواكه اللي عندنا (التفاح البنان الفريز الخوخ كيوي ………)
انا درت
البنان والتفاح

الطبقة الثالثة جيلي الفراولة (ولكن مزور مشي جيلي دالصح :p)
انا درت 2حامضات مخلطين مع كاس ديال الماء مع السكر
1 فلان ديال الفراولة
ديريه على نار مهيلة حتى يغلي وديريه على الكيك من فوق الفواكه
(انا لقيتو خفييييف و زدت ليه شوي ديال مايزينا و قساح شويا)

اوا كيف جاكم

(كنشكر بزاف الاخوات اللي ساعدوني فالموضوع اللي طلبت منهم طريقة تحضير الجيلي اللي منهم الغاليات : mounia maaroufi + myriama+ bent bladi+ ام شهودة )))

شكرا بزاف الحبيبات ديالي

[/frame]

---

‘hv’ fhgtg,k ,hgphlq

المشاركة الأصلية كتبت بواسطة haffousa

تبارك الله عليك الحبيبة…

الله يبارك فيك الغالية ديالي
شكرا لمرورك العطر

المشاركة الأصلية كتبت بواسطة myriama

هذا واجب اختي
بالصحة و الراحة جاتك غزالة إو فين حقي هههه
و تستاهلي 5 نجمات

الله يعطيك الصحة الحبيبة ديالي
والطارط كلها ليك بصحتك الغالية ديالي
و شكرا على النجمات الحبيبة الله يحقق ليك كل ما تمناي يا رب