السلام عليكم الي عرف فيكم الطريقة دبال تحضير ط§ظ„ظƒظˆط´ط±ظٹ تحط لينا المقادير الله اجازيكم بالخير
a;,k gd[vfhj hg;,avd hgh;gm hgaufdm ]dhg lwv
هد الطريقة انا كنديرها ديمة و تيطلع غزال جربيها و ردي عليا راه ساهلة بزاف
تاخدي مقدار من الروز اللي يكفيك و تصلقيه و نفس الشى مكرونة اي شكل بغيتي و الشعرية
تصلقي العدس و تحتفظي بيه
تصلقي الحمص و تحتفضي بيه
يالله لصوص هي المهمة فهاد الشي كولوا
انا تندير فيها بصلة مشلظة نشوحها فالزيت مزيان منين تشحر نزيد عليها الثومة محكوكة تتطلع ريحتها و نزيد عليها مطيشة محكوكة و العطرية اللي تتنسمي بها اللي تتعجبك انا تندير التحميرة و الإبزار و الملح و الكمون ونخليها تشحر مزيان و ندوقها الا حامظة تنزيدها شوية السكر باش نحيد الحموضة يالله سالسنا من لصوص نخلوها على جنب
ناخد البصلة و نشنفها طويلة و نحمرها فالزيت تيتغير لونا قهويى غلق ونحيدها نخليه على جنب
و تندير عاود بحال المرقة شوية الما مع كنور فوق البوطة و نزيد عليه الثومة محكوكة غير ياخد غلية و نطفي عليه
فالخلاط تندير ماطيشة و الفلفة خضرة الحارة و الملحو البزار و زيت الزيتونونخلطهوم و نديرهم في زليفات صغار مع صحن التقديم اللي بغى الحار يزيدوا قداموا
ايوا نجيد الصحن اللي غادي نقدم فيه و ندير فيه الزورز و المكرونة و الشعرية اللي صلقناهم و صفيناهم و نزوقهم من الفوق بالحمص و العدس المصلوق و ندير عليهم الصلصة ديال مطيشية اللي جهزنا من قبل و نزوق بالبصلة المحمرة و نحط معاهم باقي لصوص ديال مطيشة للبغى يزيدها قداموا و الصلصة الحارة و الصلصة ديال الثومة كل واحدة في حاجة باينة اللي بغي شي حاجة يهز و دير قداموا و بالصحة الراحة
كناخد الرز المصري كنقعو فالما و من بعد كنطيبو عادي كرز ابيض و كل كاس رز كياخد كاس و نص ماء غليان يعني كندير شويه الزيت و نضيف الرز و الملحة و نحركو حتي يتقرمش و نضيف الماء غليان و نسد و نقص عليه و نخليه
العدس كنغسلو مزيان و نديرو يتصلق فالماء مع شويه كنور و الابزار و فص ثوم و الى خاصو الملحة نزيد ليه و نخليه حتى يطيب و لكن ميتهراش خصو يبقى شاد راسو
نصلق الماكارونة ندير الماء حتى يغلي و نضيف الملح و شويه الزيت و نسلقها و حتى هي تكون شادة راسها
ناخد البصل لكيكون ناشف من الماء ماشي لكيكون فيه الماء بزاف باش يجي مقرمش و نقطعو جوانح و نقليه و نحطو يستقطر من الزيت
الصوص كنحك 5 فصوص ثوم و نحمرهم فشويه الزيت غير يعطيو الريحة مزيان نضيف ليهم نص كاس صغير من الخل و بعدي راسك باش الريحة متقهركش و من بعد نضيف عصير مطيشة مضروبة فالخلاط و مصفية و نضيف الملحة و الابزار و الكمون و نخليه حتى تعقاد و تبقى جارية شويه
محيت طيب ناخد شويه و نضيف ليه السودانية الحارة
ندير الدقة لهيا 4 فصوص ثوم مدقوقين مزيان و نضيف ليهم شويه الخل و عصير حامضة و شويه الماء غليان و الكمون و الابزار و شويه الملحة و نخليوها تبرد
نجيو دبا للتقديم ديري الرز و عليه ماكارونة و عليه العدس و كبي الصلصة و الى بغيتي الحار ضيفيه و من بعد الدقة و اخيرا البصل و كلي بالصحة و الراحة