شكون حملت بمخزون البويضات قليل

بعد ما حيدت الفيبروم (الكورة)فرحت ملي عرفت انه سبب الاجهاضات المتعددة لي كانت كتوقع واخر زيارة ليا عند الطبيب البارح شاف التحاليل لفى بان المخزون ديال ط§ظ„ط¨ظˆظٹط¶ط§طھ ناقص بزاف وقال ليا احتمال ضعيف بزاف نحمل ونصحني ندير التلقيح الاصطناعي وانا ما متحمساش لان احتمال نجاحو ضعيف انا عمري38 وبعد كامل دوك المعاناة ديال الاجهاضات م ما مستعداش لسلسلة معاناة اخرى ط´ظƒظˆظ† لي عندها نفس هاد المشكل نتعاود ليا حسيت بالانكسار وغلبوني دموعي ولكن رجائي في الله عضيم

---

a;,k plgj flo.,k hgf,dqhj rgdg

اختي ما تقنطيش من رحمة الله..

صاحبتي ما كانوش عندها البويضات نهائيا و كانتش كتجيها الحيضة و حملت طبيعيا..

استغفري الله و دعي و شكي همك لله سبحانه و تعالى و ان شاء الله ما يخيبكش مولانا

اختي هاديك غي هضرة خاوية بدليل انك حملت شحال من مرة غادي تحملي انشاء الله انا راه بحالك فالسن اوقالو لي عندك انسداد الانابيب اوتحطمت اوكتاءبت ممكن دخلي لملف ديالي او غادي تفهمني ولللللللكن يقيني فالله كان اكبر او قطعت المنشطات او مشيت نسيت الموضوع او نصبر راسي او جاء الفرج او حملت او فرحت بزااااااااف او هاني كنكتب ليك او ولدي ناعس فوق يدي عندو 3اشهر انا عاودت ليك القصة ديالي باش يكون عندك الامل فالله كبيير مع كتتتتتتتتتتتتتير من الاستغفار هادي هي لوصفة لي تبعت او ربي فرحني العقبة ليك او تفرحي حتى نتي .

الله يفرجها عليك و علي و يفرحنا عما قريب شحال خرجتلك فالتحليلة ؟

شكرا اختي عطتني امل الله اخلي لك ولدك

الله يسر لك امور
و الله يفرحنا في القريب العاجل بذريه الصالحه نصحك بهد الدوا
مففففيييييد جدددددا
اولا هو مكمل غدائي و باضافه فيه حمض فوليك ليكيساعد على حمل و خصوبه و التبويض
اسم دوا ovusitol
تمن كنضن 170 درهم
تبعيه 3 اشهر و يكون خير

عن طريق : lge – LG-D682

ام طلحة هاد الدواء شحال فيه من حبه?الف شكر

شوفي أختي نقول ليك واحد الكلمة والله تم والله إلا ربي بغا ليك الحمل والله مكاين لا بويضات ولا مخزون و لا سن و لا كلام خاوي الناس حملو و ولدو من بعد سنواااات ديال الجري والدوايات والتكرفيس من طبيب لطبيب وواحد النهار حتا لقاو راسهم حاملين طبييييعيا بلا دواء بلا طبيب بقدرة قادر سبحانه أما أختي قضية السن أنا هاديك مكنآمنش بها نهاااءيا حينت شفت حالات كتييييرت حملو في سن متقدمة ومنهم الأخت ديالي ومنهم أنااااا نيت لي كندوي معاك أنا أختي مني ولدت ولدي كانت في عمري 39 سنة وهانا دابة حاملة الحمد لله وقريبة نولد وفي عمري 42 سنة ولمعلوماتك وباش تعرفي بلي ربي كبييييير هاد 2 حمالات لي حملت كيف ديما كتقولي الطبيبة كنحمل حمل معجزة لان راجلي عندو مشكل كبييييير في الساءل المنوي مشكل لي كيف قالو الأطباء يستحييييل ومستحييييل نحمل طبيعي وحتا بالحقن المجهري الأمل ضعيييف وسبحان الله العضيم في حمالاتي بجوج غير يلاه نبداو الاجراءات باش نديرو الحقن المجهري في نفس الشهر حتا كنلقا راسي حاملة من عند الله الطبيبة كتبقا غير كتعجب وحالة فمها كتصدممم مني كنقول ليها راني حاملة و موخرا قالت الحالة ديال راجلك خاصنا نديرو عليها دراسة كيفاش كنحمل والمشكل ديالو عويييييص قلت ليها في خاطري كن كنتي تعرفي بحق الله كن تعرفي هاد الحمل شكون لي كيكتبو لي ولكن أختي لا أنا و راجلي حتا هو كنتوجهو لله بواحد التضرع قوييييي وكنداومو علا صلاة الفجر والاستغفار والصدقة بنية الحمل هدي أنا مسمياها الوصفة السحريه. خوي راسك أختي من دوك الوساويس الخاويت وزايدون مدام أنك كتحملي يعني راه مازال تحملي وتولدي أن شاء الله وما نعرف علاش عندي احساس أن غتحملي وتجي واحد النهار وتعاودي لينا تجربتك سمحي ليا أختي طولت عليك بزاااف والله المعين أحبيبه

خلي اختي ايمانك بالله قوي و بان الاولاد رزق من عند الله سبحانه و تعالى و بان كل هدا نساء الكون لي كيحملو راه ماشي حيث هي صغيرة او عندها قدرة على شيء ….. لا و لا حيث ربي بغا ليها تحمل و تولد و تعاود كدلك انتي اختي فنهار ربي غادي يكتب ليك وليدات فكوني على يقين حتى حاجة ما صعيبة على الله عز و جل
اكثري اختي من الاستغفار و الصدقة و سورة البقرة و شربي لختي ماء زمزم بنية الحمل و الله ربي ميخيبك

لهلا اخطيكم عليا شكرا اختي اجابتك اسعدتني