شكون تساعدين فين نلقى هاد الاعشاب وشنو سميتهم

السلام عليكم الله يعطيكم ما تمنيتو ط´ظƒظˆظ† لي كاتعرف شنو سميت هاد ط§ظ„ط§ط¹ط´ط§ط¨ بالمغربية القسط الهندي السداب السنا مكي لأن واحد السيدة في النت كاتعالج بالرقية قالت لي ديريهم في الماء واقراي عليهم سورة البقرة وغسلي بيهم لأنني مريضة وفين غادية نلقاهم أنا في الرباط الله يسعدكم دنيا وآخرة

---

a;,k jshu]dk tdk kgrn ih] hghuahf ,ak, sldjil yh]d

أختي الله يشافيك و يعافيك. انت في الرباط سيري للسويقة كاينين بزاف العطارة و الا تتعرفي شي واحد ثقة سيري عندو أحسن.

القسط الهندي عندو نفس الاسم راه كاين القسط الهندي أسود اللون و القسط البحري شوية عاطي البياض.

السداب هو الفيجل ديالنا

السنامكي عندو نفس الاسم أو سنا حرام راه داير بحال وراق الحنة

أختي رابحة سيري الله يعطيك ما تمنيتي والله يبعد عليك كل شر

آمين أختي الله يشافيك. فعلا أختي السيدة صادقة. هاد الأعشاب مزيانة للأمراض الروحية و تيستعملوها في الرقية الشرعية. السنامكي باش يغسل ليك الأمعاء من كل أثر سحر أو أي شعوذة و الفيجل تيضر الجن و الشياطين متيحملوهش و القسط الهندي مذكور من الرسول صلى الله عليه و سلم جميع الرقاة تيستعملوه في العلاج. أيضا نزيدك حيت أنا قريت بزاف على الأمراض الروحية و الرقية الشرعية يمكن ليك ترقدي 7 أوراق من السدر في ماء غليان و تغسلي بيه و من الأحسن تكوني قريتي على هاد الماء الرقية الشرعية. و كذلك تدهني جسمك كلو بزيت زيتون حر مقري عليه سورة البقرة تينفر الشياطين و الجن الخ. المهم أختي غير تقراي سورة البقرة يوميا و تشوفي نتائج مزيانة ان شاء الله. مديريش بحالي تقطعي القراية.

جزاك الله خيرا أختي رابحة لأ هاد المرة ان شاء الله غادي نتحزم ونبداها نيشان وحتى انت أختي بداي معايا الرقية وما تقطعيهاش والله يشافينا بجوج ويشهل علينا ربي الكريم غير بغيت نسولك أختي محيت هي قالت لي ديري ديك الاعشاب في ماء يكون كثير ويقسم على ثلاث واحد لرش المنزل وواحد للغسل وواحد للشرب واش ديك الاعشاب صالحة باش يشربهم الواحد أو غير نغسل بيهم وان شاء الله السدر حتى هو دابا نديرو

الأعشاب صالحة باذن الله لكن خسك تكوني قريتي على الماء سورة البقرة و الرقية الشرعية. السنامكي تيغسل المصارن و الجهاز الهضمي و تينقي الجسم من السموم أنا شخصيا تناخدو ملي تيكون عندي امساك خاصة في رمضان. القسط الهندي لا مضرة فيه تيتكال و تتبخري بيه مفيد جدا عنداك يعطيوك المغشوش و الفيجل حتى هو يمكن تشربيه لكن متكثريش منو راه ريحتو قوية بزاف. الله يشافيك و يعافيك أختي الأمراض الروحية كيف ما كانت صعيبة عين حسد سحر مس عاشق الخ. المهم تبعي كلام السيدة لي تدير ليك الرقية و البقية على ربي.