صباح النور لكل ط§ظ„ط¹ط±ظٹط³ط§طھ القادمات و لكل البنات لي باقيين على باب الله الله يرزقكم ولد الحلال اللي يستاهلكم المهم انا اليوم جبت لكم وصفات ملالية للعروسة حيت شفت جارتنا كديرهم لبنتها شحال هدا و كتوجد فيها و انا غير مقابلاها ههههه 
كنتعلم وفاش وصلت نوبتي جربتهم حتى أنا وأجيو تشوفني كيطلعت نهار عرسي بلا تفاخر هههه
المهم اوا نبداو اولا خاصك تكوني جالسة فالدار و ماكتخرجيييييييش أنا خدت كونجي على وعدي او سعدي أو ما ديري لا ماكياج لا والو خاصك تبقااي كيف ما انتي
الوجه:
الحلبة مطحونة
العكر الفاسي
اللوبيا مطحونة
اللوز مطحون
الروز مطحون
الحمص مطحون
الا كانت بشرتك دهنية خلطي هادشي بالحامض و زيدي قطيرات دالماء باش يتخفف و الا كانت بشرتك جافة ديري الحليب
و بقاي ديري هاد الماسك لمدة نصف ساعة يوميا بدون ما تستعملي الصابون فالغسل غسلي غي بالماءو ماء الورد
و فالليل شدي الزعفران و دوبيه فشوية دالماء او العسل و دسريه لوجهك لمدة نصف ساعة حتا هو غسليه بدون صابون
اوا بالنسبة للجسم :
خودي الحنة و ديري ملعقة دالوز مطحون
ومعلقة دالصابون البلدي
و معلقة دعصير الحامض
و معلقة د الداد مطحون
و خلطيهم بالماء دافئ
و بقاي ديريها حتا تنشف و دخلي دوشي غير بالماء بلا صابون بقاي ديري هاد الطلية كيف تانسميوها لمدة 7 ايام عاد باش سيري الحمام و مللي تخرجي و تشوفي راسك فالمرايا ردي عليا الخباار
حيت هادشي كانوا ط§ظ„ط¹ط±ظٹط³ط§طھ كايديروه من زماااان و نهار عرسهم كيطلعو كيف الاميرات ومكدبوش كتولي وحدة أخرى أنا جربتو او بهرني
و الله يكمل بالخير لكل العرايسات و يرزق كل البنات لي باقيين بللي في بالهم يا ربي اوا شي دعيوة دالخير
sv hguvdshj h,hh ]og,,,