عاافكم بغيت الطريقة ط¯ظٹط§ظ„ تعمال ط§ظ„ط·ظٹطط§ظ† و منكرهش مع الصور بغيت نتعلم ليه محدي مزال ممشيت لعند راجلي حيت كيعجبو الله يخليكم متبخلوش عليا
shu],kd ;dtha kulv hg’dphk ]dhg hgu[g
استغفر الله
[INDENT]
ليوم بغيت نشارك معاكم بهد الطيحان حيت كيجي غزال ولديييييد بزااااااف نتمنى تجربوه 
طيحان كبير بقري 500 غ كفتة بقري 250 غ كلوة بقري قزبر ومعدنوس 5 فصوص ثوم مدقوق ملح,بزار,سكنجبير كمون ,خرقوم,تحميرة,قزبر يابس مدقوق زيت الزيتون ,الهريسة الشعرية الصينية غير شوية بيض مسلوق 
أولا كنغسل الطيحان بالماء والملح والخل باش تحيد الزفورية ونخليوه ينشف مزيان ثم نفتحه بالسكين على شكل جيب ونتركه جانبا ونقطع الكلوة مربعات ونضيف لها 2فصوص ثوم وشوية القزبر والمعدنوس والتوابل ونشحرها فزيت الزيتون حتى طيب ومن بعد نضيفها لكفتة ونضيف باقي الثوم والقزبر والمعدنوس والتوابل والهريسة وشوية الشعرية الصينية وكنأكد غير شوية باش متجيش معجنة ونخلط كلشي مزيان ونعمر بيه الطيحان ونقادوه باش يكون متساوي ثم نضيف البيض وحدة حدا وحدة ونخيطو الفتحة لي عملنا ونتقبه بعود الأسنان ونرشه بالملح والبزار ونلفه فالورق الغداءي ون وضعوه فالصينية وندخله للفرن ساعة على 180د ونقدمه ساخن مع الخضر سوطي للأسف مصورتش المراحل المرة الجاية نصورهم وهدة هي صوره النهاءية 
السلام عليكم ورحمة الله وبركاته يتبث الموضوع بسمة الأمل 18/06/2019 اليوم جبت لكم طبق انا بعدا كنحمااااااااق عليه وهو الطواحن معمرين واكيد الكل كيعرف الفرائد الكثيرة الموجودة فيهم خصوصا الناس اللي عندهم فقر الدم ومزيانين بزاااااااف للمراة من بعد الولادة انا مكنتش كنحمل الطيحان واكيد بزاف اللي مكيعجبهمش خصوصا الى كان بوحدو مشوي او مقلي ولكن ملي جربت ناكلو بهاد الطريقة وليت كنحماق عليه واللي اكلاها عندي يطلبلي الطريقة باش كنطيبو وقلت نحطو لاخواتي حتا هما ومنبخلش عليهم بهاد الوصفة اللي صدقوني كتجي فننننننننة المهم بلا قوة الهضور ندخلو للموضوع ياك
كناخدو الارز نسلقوه نصف سلقة (تقريبا كاس ونصف على حساب شحال من طحال غادي نعمرو انا اخديت على حسب طواحل2 ) ونصفيوه ونخويو فوقو الماء بارد باش الحبات ايكونو باينين نقطعو الربيع والبصلة صغار والكبدة اديال الدجاج او بيبي او لكلاوي المهم اللي كان متوفرلك كلهم كيجيو فالمذاق زوينين نشحروهم فالزيت ونضيفو العطرية ملح ابزار كمون ملي يتشحرو نديروهم فشي طبسيل اللي غادي نخلطو فيه المقادير ونزيدو عليهم الارز اللي صفيناه ثم نحكو 3 ضروس ثوم+ شحمة نقطعوها طريفات صغار ويستحسن تكون اديال الكلاوي نخلطو العناصر كلها وبنبداو نعمرو الطواحن اديالنا غير بالشوية باش ما يطرطقوش ومن الاحسن فاش تمشيو تشريوهم على الجزار قولولو هو يفتحهملكم لانو عندو خبرة اكثر احنا نقدرو نفوتو فيهم ونثقبوهم وهكدا غادي نضيعوهم
ها هما المقادير ملي خلطناهم 
وهنا فاش عمرتهم انا درت 2 غير لي ولراجلي انتوما ديرو على حسب عدد الاشخاص راه واحد كيشبع مزيان الحمد لله 
ملي نعمرهم ندوز للمرحلة الاخرى اه راه بلا ما تخيطوهم الطحال كيجمع راسو بحدو المهم كناخدو الكوكوت نديرو فيها مقدار 2 كيسان اديال الماء المهم جهد ما يتغطاو الطواحل كنزيدو على الما نصف كاس زيت+ شوية ملح وشوية ابزار وشوية هريسة و2 معالق كبار مطيشة اديال الحك 
ملي يغلي المار نديرو فيه الطواحن اديالنا ونخليوهم يطيبو مدة 20 حتى ل 25 دقيقة وما نسدوش الكوكوش نخلويها محلولة حتى تبان لنا المرقة بدات كتعقاد ونزلوها من فوق البوطة 
من بعد ناخدو طبسيل اللي يدخل للفرن ونديرو فيه الطحال ونخويو فوقهم المرق اللي بقا وندخلوهم للفرن يتحمرو وملي نخرجوهم نقدموهم كل وحدة فطبق اديالها مع شوية المرق وبالصحة والراحة
ها كيكايجيو من الداخل 
اوا جربوهم وردو علي الخبر ومتنساونيش بدعواتكم في ظهر الغيب ربي يسر لي امري ويرزقني الذرية الصالحة 
بتاريخ 12-15-2019 ام الحلوين عمرة واحد الطيحان غنمي و لا كن راه بيني و بينكم ما غاديش يكفي العائلة وانا نتبرع بيه غير بوحدي هههه غادين تقولوا كرشي كبيرة هههههههه انتوما الى بغيتوا تبرعوا العائلة شريو لكل وا حد ديالوا و لا ديروا بحالي ههههههههه المقادير : – طيحان غنمي – الكفتة – الشحمة م طحونة – العطرية : ملح – ابزار – كمون – تحميرة – سكنجبير – القزبر مقطع 
الطريقة : خلطوا الكفتة و الشحمة و العطرية فاحوا الطيحان بالسكين و عمروه بالحشو و خيطوا بالخيط ( دروا الطرز الفاسي هههه) ديريه فورق الالمنيوم و دخليه الفران . فتحي عليه يتحمر و كولي بالصحةو الراحة . 
زيدي معاه شي شليظة بحال هادي 
1 طيحال لعجل +300غ كفتة +250 غ كبدة مقطعة اطراف و مصلوقة + زلافة صغيرة شحمة +ربطة كبيرة معدنوس مقطع +6 ضروس الثوم محكوكة + كاس اتاي روز مصلوق +معلقة صغيرة كمون + معلقة تحميرة +ملح +معلقة صغيرة بزار +شوية زعفران + كاس اتاي زيت الطريقة نغسل الطحال مزيان و نديرو له فتحة صغيرة بالموس من الجانب باش نعمروع نخلط الكبدة و الشحمة و الكفتة و المعدنوس و الثوم و الارز و الكمون و التحميرة و الملح و الزعفران و الزيت يخلط الكل جيدا و نعمرو بيه الطحال و نخيطوه بالخيط و الابرة نحط الطحال في صنية مع مقدار كاس اتاي الزيت و 2 كسان الماء و نخله الفران على نار مهيلة. و نسقيوه مرة مرة بالمرقة الللي كتسرب منه اوا بالصحة و الراحة 
السلام عليكم الطريقة كتاخدي طيحان وكتحليه من جهة وحدة الكفتة +البصلة مشلضة+شوية القزبر و المعدنوس شوية التحميرة+البزار+الخرقوم عرق+ الملح لي بغات تزيد روز تسلقو نخلطو المقادير مزيان ونعمرو طيحان مزيان ونخيطوه وندخلوه الفران ونقدموه بالصحة انا قدمت معاه الزعلوك والخيار ومطيشة كل وحدة كتفنن على طريقتها اسالكم الدعاء ظ…ظ„ظپ ظ…ط±ظپظ‚ 40291 ظ…ظ„ظپ ظ…ط±ظپظ‚ 40290
شكرا بزااااااااااااااف اختي على المجهود