سؤال للأخت أريج العفاف اللي فادتني بمعلومة تتهم كل أم المرجو الدخول للجميع

السلام عليكم و رحمة الله و بركاته
أخواتي الأخت ط£ط±ظٹط¬ ظپط§ط¯طھظ†ظٹ بأنه كاين مرض تيصيب الرضع بكثرة و هو muguet buccalأو candidiase أو miniliase
بحث عليه عبر النت و نيت فعلا تيصيب العديد من الرضع و هو نتيجة تكاثر مفرط لواحد الخميرة تتكون بالذات ديالنا و أحد أسباب تكاثرها الاستعمال المفرط للمضادات الحيوية
أنا بنتي كانت ملي تزادت داروليها مضادات حيوية لمدة 3 أيام و خرجت بيومين و رجعت للمستشفى 5أيام حيث تصابت بسخانة و 5أيام و هي تحقن بمضاد حيوي قاصح شوية
المهم سؤالي أخت ط£ط±ظٹط¬ واش ملي تيوصل هاد المرض للمسارن و تيخرج مع كريشتها واش تيكون على شكل حبيبات قد الزنجلان و بيضين؟ و بارك الله فيك على هاد المعلومة الجد مهمة حيث بصراحة كون مقلتيهاش ليا معمرني ننتبه

---

schg ggHoj Hvd[ hgutht hggd th]jkd flug,lm jjil ;g Hl hglv[, hg]o,g gg[ldu Hvd] jèiâ

بصراحة البنات خاصنا كلنا ندعيو مع هاد الأخت الله يجازيها بالخير فبصراحة أنا تصدمت لما قريت هاد المقال فجميع الأعراض كاينا في بنتي و أنا مجايبا خبار تفضلو ها الرابط قراوه و تأكدو من أن وليداتكم سليمين من هاد الأعراض https://jacotte26.forumactif.com/t950…-du-nourrisson

أختي العزيزة إلا بنتك فيها هاد الأعراض، ضرووووري ديها للطبيب ، سلفو شي سيارة ، المهم هو بنتك ، ربي يطمنك عليها

آمين يا رب شكرا أختي راه عندنا لكن تتصيب و دابا باباها خدام و فهاد المدينة مكاين حتى مستشفى تون حالة دابا حتى يجي
الله يدير للي فيها الخير
راه واخا لسانها مبيضش بزااف لكن الشك قاتلني خاصة مرة مرة تيخرج هاداكشي بيض مع كريشتها و ديما تتقيء بزااف و ديما كريشتها جارية و ديما مخرج لوراني طايب الله يستر و صافي

العفو اختي ام عبد الله انا بنتي كان بداها مدة طويلة يمكن نقوليك اكثر من شهر و انا مرديتش ليها البال نهائيا كان فمها كيبياض شوية بشوية مدة طويلة قبل منديها للطبيب انا كندير في بالي راه الحليب الي باقي ليها
لكن في الاسبوع الاخير لاحظتها ولات كتبكي شوية بشوية و حتى بالنهار مكانتش تنعس غير تغمض عينيها و هيا تنوض بالغوات انا كنت نقول البرد الي فيها في مصارنها عييت منمسد بالزيت البلدية سخونة و تقول واش تشكت كانت غير البكاء حتى السكاتة مكانتش قادرة تشدها حيت فمها كان ضارها و انا في دار غفلون معرفاش حتى لقيت فمها شوية بشوية كيزيد يبياض تحت الحناك و في الحفرة ديال اللسان و بدا كيخرج مع الشنيفات ديالها
اما بلاصة ليكوش مخليت مدرت ليها اي نوع ديال الكريم جربته و الزيت جربتها والو هيا طايبة و كتقشر و كانت كدير كرشها بحال حبيبات بيضين مخلطين بشي حاجة انا سحابلي عادي
منين مشيت المستعجلات غير شافو فمها قالولي راه فيها les mugetes نعسات ليلة في المستشفى و الحمد لله عطاوها الدواء ديالها و راني مازال متبعاه ليها لحد الآن

شوفي اختي منين ترضعي بنتك تبعي ليها الماء مور الحليب شوفي واش البيوضية تمشي ليها او عقمي يديك بشي معقم و لوي شي فاصمة على يديك و حاولي تمسحي ليها من الداخل لو تزول راه الحليب ويلا مبغاش راه الطفيليات و لازمك تاخديها للطبيب قبل ميبلغ فيها المرض

الله يشافيها ليك و يحفظها ليك من كل شر يا رب

آمين بارك الله فيك أختي أريج الله يرزقك الجنة و يخلي ليك بنيتك

حبيت نسألكم اذا البياض يخص فقط اللسان او كامل الفم لان بنتي ما عندهاش الاعراض الاخرى وهي تنعس مزيان وكرشها عادية فقط عندها لسانها بيض شويه في بعض الاحيان نتمنى تجاوبوني

اختي ام عبد الله ربي يخليك و يحفظ ليك البنوتة من كل شر
لو كنتي شاكة خوديها للطبيب اللهم سلامة ولا ندامة

اختي جازيا راه ماشي ضروري البيوضة ديال اللسان تكون هيا المرض غير ردي بالك لو بيوضة كتمشى ليها في فمها و كتزيد تكبر ديك ساع خوديها للطبيب

الله يحفظ ليكم وليداتكم من كل شر يا رب

;;;;;;;;;;;