سؤال على الحجامة

السلام عليكم و رحمة الله و بركات
الله يخليكم بغيت ندير الحجامة, زعمة مزيانة؟ واخا كنرضع معندهاش اثر على الرضاعة؟ و بالنسبة لليتراس اللي كيبقاو واش كيمشيو ولا كيبقاو باينين؟
جاوبوني الله يخليكم

---

schg ugn hgp[hlm

حررررررررام عليكم حتى وحدة ماجاوباتني و خا غير شي دعيوة دالخير

سلام أختي
بنسبة وش مزينة هي راحة كينة في الطب النبوي
أما وممكن درها مرة كترضع من الأحسن سولي لغادي دير لك لحجامة هي لتقدر تجاوبك او بالنسبة لتراس راح مكيبقش
نتمنى يدخلو الأخوات يفيدوك أكثر
الله يجيب لك الشفاء

السلام عليكم اختي. الحجامة سنة كان تيعملها الرسول صلى الله عليه و سلم و تيحث الناس يعملوها لفوائدها في تنقية الدم و دفع الامراض الناتجة عن تسمم الدم. لا شك انها نافعة في جميع الاحوال ما عدا الناس الي ممنوعة عليهم و هدا تيقولها ليك المحجم. انا عملتها على قبل اضطرابات الامعاء و الكسل المعوي و القولون العصبي. نفعاتني مع تغيير نظام غدائي و زيادة على دلك الدم تيتنقى. لكن لازمك تبعي الحصص المطلوبة. كل مرض و الحصص المخصصة له و الاماكن ايضا. سيكاتريس تيبقاو شوية لانه تيعملك جريحات خفيفة بمشرط – زيزوار- و لكن تيمشي بعد مدة 4 شهر او اكثر على حسب الجلد. كاين لي تيتجمع فيسع و كاين لا خاسو الوقت.
المهم اختي في هادشي كله انك تعمليها باستشارة المحجم و يكون المحل معروف و نقي و الادوات معقمة. دابا ولاو تيعملو les ventouses jetables تفاديا لنقل الامراض.
الله يجيب لك الشفاء اختي.

الحجامة مفيدة للجميع وبدون استتناء وانرها كيزول بسرعة سبحان الله

الحجامة غزالة أختي وما كرهتش نعملا كل شهر كا كنت فالمغرب كتحس بواحد الخفة ملي كتعملا فحالي كان جبل فوق ضهرك وزال وحتى الاتار ديالها زال من بعد شهر الحمد لله أنا عملتا عند سيدة كتعمل رقية وكتحجم ودهنتلي الجرح بعسل حر ما مرضلي ما والو الحمد لله أما على الرضاعة وخى تكون كترضع غير متكونش يالله والدة خص يدوز شي شهرين

اختى انا الحجامة كنديرها دائما عمرى 28 الى بغيتى اى سؤال سولينى ..فالعموم هى غزالة عرفتى لو كان كانو كيديروها يوميا كن درتها باى ثمن …انا كسبت صحتى من نهار داومت عليها انا كنت كنديرها كل شهر وليت تنديرها كل 3 اشهر

اختي فين كاينة انتي وفين كديريها وبشحال الحصة الله يجازيك بيخير