اول حاجة ط£ط®طھظٹ ط§ظ„ط¹ط±ظˆط³ط© نقولك ألف مبروك و الله يكمل بالخير * بارك الله لكما و بارك عليكما و جمع بينكما في الخير * جبتليكم أخواتي مجموعة من المنتوجات للعناية الشاملة, و تعمدت نختار الحوايج للي يجيو مع كل أنواع البشرة و الشعر باش بلا مندخلو فالإستثناءات, حوايج بساط و فيهم منفعة بإذن الواحد الأحد نتمنى الموضوع تكون فيه إستفاذة و إفاذة منكم إن شاء الله و هاد النصائح جميع الأخوات ممكن يستافدو منها ماشي غير العرايسات بطبيعة الحال على بركة الله نبداو بالشعر ننصحكم أخواتي بحمام زيت فاتيكا راه غزال بزاف و بطبيعة الحال صالح لكل أنواع الشعر حسب المكونات للي فيه راه فيه 3 انواع و أنا كناخد هدا للي فالصورة [URL=https://www.anaqamaghribia.com/pic/]
[/URL بعدما تغسلي شعرك ديريه لمدة 10 دقائق و غسلي شعرك غير بالماء عادي, و التعليمات راهم مكتوبين ممكن تتبعي الطريقة بسهولة ندوزو دابا لبشرة الوجه أنا كنستعمل صابونة * دوف * و البشرة عندي دهنية و موالماني و لله الحمد و الشكر و ننصح الأخوات للي عندهم بشرة دهنية يستعملوها ندوزو دابا للوصفة الطبيعية الأكثر من روعة و بمكونات بساط و توالم كل انواع البشرة بحول الله و قدرته كنستعمل النخالة مع الماء : تاخدي شوية نخالة و تكبي عليها الماء مغلي و تحركيها حتى توجدليك على شكل عجينة, مخصهاش تكون ناشفة و فنش الوقت مفيهاش الماء بزاف راني صورتهاليكم بعدما وجدتها 
المهم تحطيها على وجهك و هي دافية و تخليها حتى تحسي بيها بدات تبرد و تما تكون نشفت شوية, حيديها و دوزي على وجهك بقطنة فيها ماء ورد مرة فالأسبوع كنستعمل كوماج نتروجينا, وراه زوين ينقي البشرة من الرؤوس السوداء و كاع الشوائب, كاين للي يستعملوه يوميا و لكن أنا نفضل غير مرة فالأسبوع و فيها الكفاية و لله الحمد و الشكر 
و حتى كوماج كلين&كلير زوين و ينقي البشرة و من الأحسن تستعملوه فالصباح مللي تفيقو بالنسبة للأخوات للي عندهم البشرة دهنية بحالي او فالليل بالنسبة للأخوات للي البشرة عندهم جافة أو عادية ممكن ط£ط®طھظٹ تستعمليه يوميا و راه غزال بزاف للبشرة 
دابا ندوزو للسنينات و الشفايف عندي ليكم معجون أسنان و مبيض روعة و النتيجة بانتلي من اليوم الرابع و لله الحمد و الشكر 
جربوه و غادي تشوفو النتيجة بعينيكم, أنا بعدا لأول مرة نوصل لديك اللمعة الصافية فسناني بفضل هاد معجون السنان المبيض و سميتو G.U.M و بالنسبة للشفايف عندي ليكم الحل للي يريحكم و تلمسو فالشنيفات ديالكم الرطوبية و اللون وردي, و للي زوين هو مللي تدهنيهم و تخرجي و الشمس ماتأثرش فيهم و مكاين لا سمرار لا تشقق 
بغيتي تدلعي شنيفاتك مرة مرة عليك بهاد الكاكويت الغني عن التعريف و الغلبية يستعملوه غير خاصكم تاخدو الأصلي ماشي هداك للي ب8 دراهم على برا انا كناخدو ب 20 درهم 
ندوزو دابا ل Duvet ننصحكم بالحلاوة و بالنسبة ليا استعملت العديد من الأنواع و مكاينش ما حسن من *فيت* متحتاجي لا تستعملي الثلج قبل ولا بيافين بعد النزع ولا حتى حاجة, تحيدي عادي و تدهني المنطقة بدوك بأحد المناديل المرافقة راه فيهم زيت زوين و تبقاش الحمورية فمدة 2 دقائق لا أكثر, و هادشي عن تجربتي الشخصية و الله اعلم واش كاع للي ستعملوها مرتاحين المهم انا نصحتكم و نتقبل اي مداخلة من الأخوات يزيدو ينصحونا لوجه الله 
و دابا ندزوز للمعقول ديال الصح مزيل العرق ننصحك حبيباتي بهاد مزيل العرق من Forever راه كلمة روعة قليلة فحقو مزيل عرق هائل مللي تستعمليه متزيديش تشمي ريحة فيك العرق و يحيد السمورية بالنسبة للأخوات للي كيعانيو منها و منتوجات فوريفر راها معروفة بالجودة و بالمكونات الطبيعية 
و الرجيلات حتى هوما خاصهم العناية و الإهتمام ط£ط®طھظٹ العروسة, و هوما فالحقيقة حالهم ساهل غير نحيدو العكز يكونو غزالين كنستعمل هاد الكريم خديتو ب 20 درهم و يستاهل أكت فالحقيقة و منصوح بيه طبيا 
سالينا هادي كلو و ندوزو دابا مللي تاخدي دوش و تجي خارجة, و تبغي تدلعي البشرة و ترطبيها أشمن حليب تستعملي ؟ فالحقيقة كنت نستعمل ريت جونسون و لكن حسيت بيه مؤخرا تغير و سولت الأخوات هنا فالمنتدى و كاين للي نصحاتني ب evudence و بما انني كنستعمل العطر من نفس النوع رحبت بالفكرة و ماندمتش و لله الحمد و الشكر استمعلو دابا غير 3 مرات و عجباتني النتيجة بفضل الله سبحانه الصورة مبغاتش تحملي ماعرفتش علاش المهم نحطهاليكم فالموضوع إن شاء الله أو نحطهاليك فالمرفقات إيلا كان فالإمكان المهم إيلا استعملي حليب إيفيدونس و بغيتي توحدي الريحة للي فيك استعملي حتى جيل دوش من نفس النوع انا نفضل صابونة دوف كما قلتليكم وهادا هو العطر ديالها و تكون الريحة فيك موحدة و غزالة اللا العروسة 
و ندوز للمنطقة الحساسة بالنسبة اديك السمورية راها عادية غير مديروش منها مشكل و ط±ط§ظ†ظٹ جربت كاع دوك الوصفات و الكريمات للي مكتوبين فاغلب المنتديات و لكن حتى حاجة متفرح لحد الآن المهم هو النظافة و كلما تتوضاي تنشفي المنطقة مزيان و تستعملي الحلق بدل النتف كما كان سوا الحلاوة او ماكينة النتف راه ماشي فالصالح ديالك اختي هاد المغامرة و اتباعا لهدي النبي صلى الله عليه و سلم * حلق العانة و نتف الإبط * و بالنسبة للحلق استعملي آلة حلاقة نسوية و اكين بزاف النواع و بينهم super-max 
و هنا نكون ساليت و لله الحمد و الشكر اللهم اجعل هذا العمل خالصا لوجهك الكريم و أي استفسار اخواتي انا في الخدمة و مرحبا بأفكارهم و إفاداتكم و رانا هنا باش تستافدو كاملين و هاد الموضوع راه خلاصة تجارب شخصية من ختكم بشارة خير و للي شافت شي حاجة ربما هي ضرتها او مجاتش معاها تقولينا و نستافدو جميع بحول الله و قدرته تعالى و متساونيش بدعيوة صادقة من ظهر الغيب 
vhkd [dj , [fj hgltd] fhgw,v>>>> Hojd hguv,sm ]ogd vhi hijlhlkh ,hp] fhgw,v d[f
جزاك الله خيرا على ما قمتى به من نصائح جد مهمة بالنسبة لاى انتى سواء عروسة ام لا اتمنى ان يرزقنا الله واياك من رزقه الواسع لان هده الاشياء جميلة ومهمة فى حياتنا اليومية ويخصها ميزانية الله انور طريقك الحبيبة انتضر منك اى نصيحة اخرى الله افتح لك بيبان الخير
الصورة ديال حليب إيفيدونس مابغاتش تحمل لا عبر مركز التحميل و لا فالملفات المرفقة حاولت معاها يزاف نحطهليكم لاحقا كلما كانت الفرصة و تمكنت من تحميلها او ناخد صورة أخرى إن شاء الله
المشاركة الأصلية كتبت بواسطة sarajihan1 
جزاك الله خيرا على ما قمتى به من نصائح جد مهمة بالنسبة لاى انتى سواء عروسة ام لا اتمنى ان يرزقنا الله واياك من رزقه الواسع لان هده الاشياء جميلة ومهمة فى حياتنا اليومية ويخصها ميزانية الله انور طريقك الحبيبة انتضر منك اى نصيحة اخرى الله افتح لك بيبان الخير و انت من اهل الجزاء اختي ويلا جينا نشوف للميزانية غادي تجي قاصحة إيلا خديتيهم مرة وحدة و أنا الحبيبة كل مرة ناخد حاجة باش نوازن الأمور. و بالنسبة للعرايسات راها داخلة فميزانية الجهاز هههههههه حتى يمشيو لعش الزوجية و يبقاو يضربو الحساب تبارك الله عليك و على مرورك الطيب أختي و ماتحرمينيش من الإطلالة العطرة ديالك
جزاك الله خير على هاد النصائح المهمة لينا جميع ماشي العرايسات فقط، الله يوفقك اختي والله ايجعلو فميزان حسناتك
مرحبا بالحباب كاملين معلومات الموضوع الأعضاء الذين يشاهدون هذا الموضوع الذين يشاهدون الموضوع الآن: 11 (11 من الأعضاء و 0 زائر) 1. بشارة خير 2. أمال25 3. ماجدة12 4. الهام الريف 5. fatima20 6. حنان أم آدم 7. limatoun 8. lkhadijaa 9. rahbani ilham 10. sarajihan1 11. فتاة مسلمة اللهم اجعله عملا خالصا لوجهك الكريم
المشاركة الأصلية كتبت بواسطة Nariman234 جزاك الله خير على هاد النصائح المهمة لينا جميع ماشي العرايسات فقط، الله يوفقك اختي والله ايجعلو فميزان حسناتك اللهم آمين الحبيبة و انت من أهل الجزاء بورك مرورك الطيب العطر أختي و النصائح مفيدة لكل الأخوات كما قلت و لكن العرايسات ربما يكونو محتاجينها أكتر
موضوع رائع اختي بغيت نسولك اختي منين كتاخدي معجون السنان المبيض من عند الصيدلية ؟ ودي و عبير وردي
تبرك الله عليك وخلاص راكي معتانيا براصك ماشاء الله
تبارك الله عليك بشارة الخير وشكرا على هاد النصائح والمعلومات لي كنت كنفكار فيها علد هاد النهار ههههههههه بغيت نسولك منين خديتي معجون الاسنان وبشحال الثمن ديالو وشكرا