نفتتح دورتنا الثالثة للعضوات بكلمة شكر في حق كل من شاركتنا التميز للرقي بمنتدانا …..
شكرًا أنيقات منتدانا شكرًا مشرفاتنا الساهرات على نجاح الدورة….
بارك الله في الجميع و الف الف شكر.
اضغط على الصورة لمشاهدة الوصفة
على بركة الله
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|
 |
 |
 |
 |
 |
 |
 |
 |
 |
 |
 |
 |
 |
],vm hguq,hj hgehgem>>>>>>>>>>>>>>>>>>>>>>>>>>>>>>>>>>>ohw fhga,vfhj ,hglrfghj
*طبق جانبي بالدنجال
– 2 حبات دنجال كبار
– 3 حبات ماطيشة
– 1 بصلة متوسطة
– حبات من الزيتون اخضر بلا عظم
– التوابل : ملح ابزار كامون تحميرة سودانية
نغسل دنجال مزيان و نمسحو ونقطعو مكعبات بقشوره وندير ليه شوية الملح ونخليه 5 دقائق
من بعد نصفيه من الماء اللي طلق و نقليه
ناخذ مقلة ندير فيها شوية الزيت و البصلة مقطعة شرائح رقاق ونخليها حتى تدبل
منين تدبل نزيد الزيتون بلا عظم ونخلط الكل ونخليه واحد 5 دقائق
نزيد ماطيشة مقطعة مكعبات و القليل من الزيت البلدية و التوابل ونخلي الكل تقريبا 10 دقائق
نزيد الدنجال اللي قلينا و نخلط وندوق التوابل ونخلي الكل 1 دقيقة
بالهنا و الشفا
* حسوة بسميدة الذرة
– تقريبا زلاقة من سميدة الذرة
– 2 حتى ل 3 معالق كبار ارز
– زيت الزيتون
– الملح
ندير قياس الماء المناسب ونخليه حتى يغلى
نضيف سميدة الذرة و الارز مع الاستمرار فالتحراك مرة مرة
منين طيب السميدة و الارز و يشربو داك الماء اللي درنا – متخليوهاش تجي قاصحة- نزيد القياس ديال الملح و زيت الزيتون
نخويها فزليفات ونزيد عليها من الفوق 3 معالق زيت الزيتون وتقدم مع التمر وبالصحة و الراحة
وبالهنا و الشفا
مع هاد البرد مكاين ماحسن من هاد الوصفة كمقبلة أو مرافقة لللحوم.
المقادير بسيطة و سهلة و متوفرة فكل دار.
2 كيسان حمص طايب بالماء و الملح و ضرس ثوم.
معلقة كبيرة مركز مطيشة.
2 معالق كبار زيت زيتون.
1 معلقة كبيرة قزبور طري + معلقة كبيرةمعدنوس طري مقطعين.
معلقة صغيرة ثوم غبرة + شوية بزار حسب ذوق + نص معلقة صغيرة كمون + ملح+ نص كاس ماء.
أوراق معدنوس للتقديم.
الطريقة سهلة و سريعة:
نخلط مركز طماطم مع الماء والزيت ولعطرية ( من غيركمون ) و ربيع. نشحر الكل 2 دقايق . ثم نزيد حمص و كمون ونخليه فوق النار 2 دقايق أخرى حتى يشرب الحمص العناصر مزيان.
الصور توضح.
نقدمو بالصحة والراحة.
وصفة صحية بسيطة و سريعة. ممكن تتقدم سخونة أو باردة حسب الذوق.
لي عزيز عليها الحار ترش شوية سودانية من الفوق عند التقديم.
صحابات تغماس هههههه ممكن يستعملو كاس ماء و 3 معالق زيت ومتخليوهش ينشف.
نتمنى تعجبكم الوصفة وتجربوها.
صلصة ذوق و مذاق هههههه
هادي واحد صلصة روعة فالشكل والمذاق وفوق هادشي ساهلة وسريعة.
2 كيسان حمص طايب بالماء و الملح و ضرس ثوم.
1 حبة باربا متوسطة مسلوقة بالملح.
1 بيرلي طبيعي.
1 معلقة كبيرة مايونيز.
1 معلقة صغيرة ثوم غبرة.
2 معالق كبار زيت زيتون.
ملح عصير نص حامضة و شوية السائل لي طاب فيه الحمص. ( نسيت مصورتش عصير الحامض وماء الحمص)
الطريقة من أسهل مايكون.
نكب الكل فالخلاط من غير الزيت هو الأخير و نخلط مزيان . نزيد ماء الحمص حسب خثورية لي بغينا.
التوضيح بالصور:
هاهي واجدة بالصحة و الراحة.
يمكن لينا نقدموها مع مشاوي أو خضار مبخرة و حتى مع خبز محمر فالفرن أو آلة بانيني.
وممكن تتاكل بالمعلقة .
تتزين طابلة فالعشاء الرومنسي خصوصا إلى تقدمت فآنية على شكل قلب هههههههه
2 بطاطات مسلوقين+ صدر دجاج (إما مسلوق مع بصلة وثومة وقبطة معدنوس ووريقات الرند أو مبخر مع نفس العناصر)+ ملعقة صغيرة موطارد+ملعقة أعشاب منسمة+كامون +تحميرة+إبزار+شوية سكنجبير+ضرس ثوم محكوك+ملعقة ربيع مقطع+صفر بيضة+خرقوم+ملح+شوية فرماج محكوك يمكن تعويضه بفرماج مثلث أو مربع
خبز محمص مطحون + أبيض بيض
زيت للقلي أو ندخلوهم للفرن
شوربة ببطاطا حلوة والكورجيط
حاجتنا ف 2 بطاطات كبار نغسلوهم مزيان ونخليوهم بالقشرة ديالهم+ 2 كرعات كبار أو 3 + عود كرافس+ 2 بوروات+ بصلة صغيرة+ طريف صغير سكنجير طري تقريبا 1 سنتم + 3 فرماجات+ كاس حليب نكونو فيضناه من قبل + ملح وإبزار حسب الرغبة+ ملعقة صغيرة زبدة أو زيت بلدية
فقط لتنسيم المرق درت جنوح صغير ديال الدجاج أو يمكن إضافة طرف صغير ديال أي نوع لحم
في طنجرة نديرو ملعقة زيت بلدية صغيرة أو زبدة نشحرو فيها البورو والبصلة ونضيفو طرف الدجاج وبطاطا مقطعة قطع صغيرة ومن بعد نضيفو الكورجيط والكرافس وملح وإبزار ونضيفو الما تقريبا 1 لتر ونقطعو سكنجبير قطع صغيرة ونضيفوه للشوربة من بعد 20 دقيقة نطفيو عليها نخليوها تبرد شوية ونطحنوها مع لفرماج نرجوها لطنجرة وضيفو الحليب شوية بشوية نتسناو عليها حتى تبدا تغلى ونطفيو عليها ونقدموها بالصحة والراحة
2حبات كورجيت ( 200 غ)
1 بصلة كبيرة مشلظة.
2 فرماج مثلث.
2ضروس ثوم محكوك.
1 معلقة كبيرة معدنوس مقطع.
2 معالق كبار رقائق شوفان ( من الأحسن حجم صغير)
2 معالق كبار فرماج حمر محكوك.
1 بيضة.
ملح / بزار / زعتر.
نشحر البصلة مشلظة وثوم محكوك فشوية زيت زيتون و ملح.
ملي تذبل البصلة نزيد عليهم الكورجيت ونخليها شوية فوق النار.
نزيد مثلثات جبن ونحرك مزيان.
ثم معدنوس و لعطرية من بعد شوفان ثم حبة بيض بعدما يكون برد شوية مع تحريك دائما.
فالأخير نزيد فرماج حمر محكوك .
نخلط الكل مزيان .
الصور توضح:
من بعد نوجد هاد الخليط:
سميدة القمح ( ممكن ستعمال شبلور) + ملح + بزار + زعتر
نصوب كويرات من خليط الكورجيت. ندوزهم فخليط السميدة أو شبلور. نحطهم فصينية مغطية بورق الطبخ.
نحطهم فثلاجة تقريبا نص ساعة بينم سخن الفران و نديرهم يطيبو.
ريحة طيابهم تتشهي هههههه
طبق اليوم : شربة الكورجيت بالنعناع (ولا أسهل )
– 2 حبات كورجيت مقطع
– 2 حبات بورو مقطع
– 2 فصوص ثوم
– معلقة كبيرة نعناع طري — ممكن نستعملو حتى النعناع ناشف (كمية النعناع الطري كتبقى على حسب نوعية النعناع حينت كاين لي كتكون ريحتو مجهدة وكاين لي لا)
– 2 معالق زيت زيتون
– شوية ملح وابزار
كناخذو الطنجرة نوضعوها فوق النار ونزيدو زيت الزيتون ، ونضيفو البورو والثوم يتشحر من بعد نضيفو الكورجيت والنعناع والملح والابزار ، نشحرو كلشي ونضيفو الماء الكافي
نخليو كلشي يطيب بين 15 حتال 20 دقيقة
من بعد ما طيب الكورجيت كنطحن كلشي ، ونردها فوق العافية 2 ولا 3 دقايق تعاود تغلى
(ممكن نضيفو القشدة الطرية : اختياري طبعا ، انا ما ضفتهاش)
في الوقت لي كانت كتوجد فيه الشربة خذيت باكيط قطعتو ودهنتو بزيت بلدية وجبن جبلي المنسم بالثوم ، ودخلتو للفران يتحمر ، وقدمتو مع الشربة رفقة الحامض
نتمنى هاد الوصفة البسيطة تنال إعجابكم
شربة الحوت بالبسباس
طبق اليوم : شوربة الحوت بالبسباس
– 2 حبات بسباس مقطع (نحتفظو بالأوراق ديالو باش نضيفوهم)
– 2 حبات صغار بطاطا مقطعة
– نص كيلو سمك أبيض
– 2 حبات بصل البورو مقطع
– 3 فصوص ثوم مقطع
– شوية ملح وابزار وزيت زيتون حوالي ربع كاس صغير
– حامضة
في طنجرة نديرو زيت الزيتون ونشحرو فيه البورو مع الثوم
ثم نضيفو البسباس والبطاطا ،
ثم نضيفو قرن فلفل حار (اختياري للي كيعجبها الحار) ونضيف اوراق البسباس ،
نشحرو كلشي ، ونضيفو الماء الكافي ونسدو على الطنجرة تقريبا 20 دقيقة ،
بالنسبة للحوت أنا هنا استعملت الميرلان وبما أنني كنت غادي نضيفو مباشرة ، حاولت نز
تقدرو تستعلمو اي سمك أبيض هبرة
ملي ضفت هبرة الحوت خذيت الحامضة لي عندي حكيتها باش نستافد حتى من القشرة ديالها ، وعصرتها وضفتهم للطنجرة
ورديت الطنجرة على العافية لمدة 10 دقايق
من بعد 10 دقايق طفيت العافية وخليت الشربة تبرد شوية باش نطحنها
ملي طحنت كلشي رجعتو للطنجرة غير طلعات فيه الغلية وطفيت عليه
وقدمت الشربة ديالي مزينة بالبورو والحامض
هاد الشربة كتجي لذيذة بزاف ، ولسعة الحار مع نكهة الحامض كتعطيها مذاق زوين
وبالصحة والراحة
