اخواتي بلا منطول عليكوم انا كان عندي هاد المشكل عند ولدي،المرا اللي لقيتها نسولها على الدواء ،الادوية ديال الطبيب بلا منحسبها ليكوم،المهم مليت و كرهت خاصة ان ولدي الله يحفظو بدا كيصفار و المكلا اللي كلاها ما كاتبان عليه…….
رجعت لواحد الاجندة قديمة عندي كنت كنسجل فيها شي وصفات متنوعة من التلفاز او المذياع لقيت واحد الوصفة كنت حاكراها صراحة،و هي لدكتور للطب البديل اسمه يوسف الشرفاء..
الوصفة هي:تعصري حامضة،نفس المقدار اللي عطاتك ديال العصير ديري بحالو زيت الزيتون و بحالو سكر.
خلطيهوم مزيان فالليل مثلا وبداي كتعطي لطفلك ملعقة صغيرة كل صباح على الريق.
انا عطيتهالو قريب 10 ايام،المهم ياكل حتى تحسي ان الديدان و البويضات ماتو و غتلاحظي تحسن سواء في الاكل او لون البشرة،اقسم بالله العظيم انها وصفة رائعة جزى الله صاحبها خير الجزاء،وانا لا اطلب منكم الا ان تدعيو معايا ربي يحفظ لي ابني الوحيد و شكرا.
],hx [] tuuuuuuuuhg g]d]hk hghluhx uk] hgh’thg dkhl
المشاركة الأصلية كتبت بواسطة wardamfatha 
نعم اختي،و ما كاين حتى مشكل،حيت جربت هاد المشكل و حيرني بزززززاف بغيت نفيد كل الاخوات اللي عندهوم هاد المشكل و لا ارجو الا ان انفع به في سبيل الله.