خبيزات او ملويات بالشحمة

العجينة ديال الملاوي عادية كاين لي تيديرهم رقاااااااااااق وكاين لي تيديرهم بحال المخامر ب2 تيجيو وزينين العجينة الالوى نفسها ديال الملاوي بلا خميرة ودلكيها مزيااااااااان وديري كوريات صغار ورقيقهم وملي تعمري وحد غطيها بوحدها اخرى فوقها وطربيهم مزيان باش ايجيوك رقاق

والطريقة الاخرى :

العجينة تديري فيها شوية الخميرة ديال الخبز وتعجني مزيييان وتكون خفيفة خليها ترتاح وحد 5 دقايق وقطعي كويرات شوية موسطين مشي صغار وخليهم ارتاحو وحد 5 ولا 10 دقايق باش تعطيك الطوع

اوى خذي كل كرة وبسطيها وخليها غليظة شوية ماترقيقهاش وديري شوية من الحشوة وعاودي جمعيها على نفسها وكوريها وخليها على جنب حتى تكملي كلشي

اوى سخنيذالفراح ديالك مزيان وتقاي تقرصي ماتقرصيش بزاف خليها غليظة شوية وحطيها على النار غير تتسهد وقلبيها دغيا ونفس الشئ على الجهة الاخرى حتى تشوفها بدات تتحمر وتنفخات صافي وقفي التقلاب وخليها تتحمر يعني في الاول غير تحطيها ثانية وقلبيها وعاودي نفس الشئ للجهة الاخرى 2 مرات او 3 حتى تشوفها خدات قياسها في النفخ عاد خليها تتحمر لك وتكمل الطياب النار تكون موسطة مشي نااااااااقصة باش تجيك منفوخة وهشيشة مشي قاصحة

ان شاء الله نكون قدرت نوصلك الفكرة مزيان

الحشوة :

بصلة مشلظة رقيقة في المقلة + شوية مطيشة ديال الحك + زويتة حتى تذبال + فلفة خضرا مقرضة رقيقة حتى تشحر مزبان + خيزو محكوك + كرعة الخضراء الا عندك + زيدي العطرية ديالك : تحميرة + ملح+ كمون+ هريسة+ خرقوم +ضامة ديال البنة كنور ديال الاعشاب ونقصي النار حتر تشوفي الخضرة بدات تتنزل مزيان اوى زيديذالشحمة ديال من بعد ماطحنيها شوية او دقيها في المهراس او قطعيها طراف صغااااااااااااااار بزاف وصافي غير تصهد زوليها

وصافي تبقاي تعمري الخبيزات ديال