خبز الدار

• السلام عليكم ورحمة الله تعالى
• كنتمنى تكونو لاباس
• بلا مانطول عليكوم بغيت اللي دخلات تجاوبني الله يجازيها بالخير
• كنعجن الخبز ديال ط§ظ„ط¯ط§ط± ومني كنجي نطيبو فالفران كيبدا يخرجو فيه فقاعات وكيبدا يتبوط ومعرفتش ماللو اللي عرفات علاش تفيدني راني غير مبتدئة ومابغيت خبز الزنقة

---

of. hg]hv

هاد الموشكيل الي عندك سباب لَخميرة اما طايلَه واِما كتكُبِّ عليها الماء طايب تَتْقُتْلِهَ،و امَا مَكَتخَلِّيشْ لخبز يخمر مَزيان،قبل ماتحَطِّ الطحين باشْ تْعَجنِ ديري واحد الزْلِيْفَه فيها لَقْياس ديل لخميرة و واحد معيلقة صغيرة ديال سنيدة و شِ كْوِيَّس ديال الماء دافي،و خليهم حتى توجدي لكَصعة ديالك عاد عجني بيه،و ردي علي لَخبار،الله يْسَمَعنَ خير،الله يعاونَكْ.

أختي لمشكل لعندك ديال لخميرة متخلطيش لخميرة مع لملح وتخويش عليها لماء سخون مباشرة عملي طحين ولملح م سكر عاد زيدي لخميرى شوية وافية وحتي لخبز خليه ياخد حقو دايل لخميرة

شكرا ام ملاك ونجاة الله يسعدكم دنيا واخرة
غناخد بنصائحكم

خاصك تثقبي الخبز بالفرشيط ملي تبغي تدخليه للفرن باش مايديرش لك فقاعات

اختي كما قلوليك الاخوات هو غالبا الخميرة ولا كطيبيه قبل الوقت او الفران بارد ومن الاحسن الخميرة دوبها فشي كاس مع الماء الدافي وقليل من السكر عاد ضفيها الدقيق الى دارت فقاعات راه مزيانة صالحة اما الى كان العكس بدليها

شكرا اخواتاتي طفلة ومنى معروفي
شكرا لاهتمامكن بمشكلتي انا اليوم عجنتها ودرت اللي قلتولي ودابا راها تخمر ودابا نرد عليكن الخبار

شوفي اختي حيث يقرب يخمر الخبز وشعلي الفران وخليه يخن مزياااااااااااااااااااااااااااان وعلى ما يخمر ارمي الخبر للفران حتى انا كان عندي نفس المشكل لكن حيث وليت كنخلي الفران يسخن مزيان ولا كيجي زوين ومفيهش الرقاعي

انامع الاخوات المشكل في الغالب الخميرة الى كانت قديمة