حمـلة موائدنـا الرمضانية المغربية صحية مية بالمية

بسم الله الرحمان الرحيم ، بلا ديباجـة ولا كثـرة الهضـرة النظرية اللي كووووووكلكم عارفينهـا ..
الموضوع باين من عنوانو ، أنا فتحت هاد الموضوع باش نبقاووا نقترحوا مع بعض ونحطوا موائد
لعائلاتنـا تكون طµط­ظٹط© بلا مانظروهم في صحتهم ولا نظروا جيابنـا ..
كلكم غتكونوا شفتوا في المواقع العربية والمغربية موائـدنـا ط§ظ„ط±ظ…ط¶ط§ظ†ظٹط© وكيف كتكـووون
عـا ا ا ا امرة بأصناف من الأكل وبالأخص المعجنـات والمقالي …
موائـد لا تراعي لا حكم الشرع ومبـادئ الصيام الاساسية ولا راعي حتى الجانب الصحي
ولا المادي ، بحيث ( وخصوصا حنا المغاريبات ـ معظمنا ) كنبقى حط حط حط حط حتى
كنستفوا عشر أصناف في الفطور و4 أصناف في العشا ومانعرف شحال عادو للصحور ، هذا
لا ا قدرنـا نفيقوا نتسحروا لأن الكل مصاب بالتخمة ؟؟؟؟؟؟؟؟؟؟؟؟؟؟

هادشي حرام علينا من جميع النواحي كيف قلنـا سيدي ربي جعل لينا هاد
الشهر الفضيل راحة وعبادة قبل كل شيئ …
وحنا كنشارجيووا الموائد وكأن المجاعة غتجي للغد ليه !!!!! ولا غادين للحرب
وكنعطيووا فرصة لمصاصي دماء الفقراء يبقاووا يرفعوا في الأثمنة كل سنة
مع كل رمضان قرب …
الحاصل من هاد الكلام كولوا ولأني مابغيتش نكثر الحديث بغت الموضوع يطرح إفادة
ماشي فقط نحطوا نقد لأن كاين عدد منا يتدمر من هاد العادات السيئة اللي كنطيحوا
فيها جلنـا ولو بعض المرات ..
هنـا غتكون الحلول هنـا اللي بغيت نقترح عليكم هـو نبداووا نبدلوا للأكل الصحى
بدون جداول قاصية ولا حساب للسعرات وإنمـا بتباع منطق معين اللي نعتمدوا
فيه الهرم المتوازن للأكل الصحي .
فكنتمنى أنكن تتفاعلن مع الموضوع .. ومع أقتراحي لكُن و إن شاء الله غنتسافدوا
جميع وأنا الحمد لله هادي عامين باش بدلت نظام التغدية ط§ظ„ط±ظ…ط¶ط§ظ†ظٹط© في بيتي ..
فممكن نساعد من خلال تجربتي المتواضعة وبأطباق اللي كنحاول دائماً تكون
متوازنة وباركـة علينا من المقليات والسكريات والمعجنـات ….

---

plJgm l,hz]kJh hgvlqhkdm hglyvfdm wpdm ldm fhgldm Hoj fhgHoj

عندك الحق ا ختي و انا متافقة معاك حنا المغربيات عينا كبيرة و عاد الانسان تيكون صايم كيبقى يتشهي
هاد الشهر الفضيل شهر العبادة و خاص اكلنا يكون صحي

إن شـاء الله خليك معانا ، أختي وسنحاول تغيير حياتنا للأفضل بلا ضرر ولا ضرار
ومع ذلك راه مع شوية الذكاء ممكن الإنسان ياكل أكل جميل وصحي ومشهي
الصحـة لا تعنني أنني غنديروا نظام يرهق أحبابنا ومايقدروش يستمروا عليه …
الحمد لله الطبيعة غنية بالخيرات ..
شكرا على تفاعلك وعلى كلامك الطيب

زيديني عليك , لا أحب الطريقة التقليدية ديالنا حنا المغاربة في الفطور . غير صحية بالمرة. يا ريت نقصوا شوية من التبذير ونكتفووا بما هو صحي ولانكثر .

مرحبا بك أختي معنـا لكي نستفيد من بعض للتخلص من الأفكـار
البالية اللي عشـشت في أدمغتنـا عن مفهـوم المائدة الرمضانية
ونرجعوا لجدورنا الأصلية وأكلنا الصحي ونزيدوا عليه ماستفدنا
وما درسنـا .. فلا خير في علم لا ينفع الناس ..
لكنا غنقراووا وندرسوا غير باش نخدموا وما نطبقوش في حياتنا
ما نعلم من كتاب الله وسنة رسوله و العلوم الوضعية حياتنا بدون ولا حتى معنى للأسف ..

موضوع غزال شكرا ليك حبيبة

[]/]

هـذا هو الهرم اللي كان كل الأطباء متخصصين الأغدية كينصحوا بيه
النـاس على أنه هو الهرم الصحى الواجب تتبعه باش يكون يومنا
ضامن لجميع مايحتاجه جسم الإنسان …
وبما أنه فيه تجاوزات كثيرة واللي ممكن تسبب مشاكل للفرد
لمشى عليه حرفيـا ، لأنه بصراة أنا كنعتبروا تجاري أكثر ماهو
صحي .. يعني كاين حشو أشياء وتكثير لا داعي له …
الأن غيروا هاد الهرم وبداووا كينصحوا بواحد أكثر اعتدالا
وهو أصح من الأول واللي هو كنصحكم تستافدوا منه .
واللي هو هذا في الصورة ..

[]G]

شكـرا أختي المتواضعـة كل الشكـر لك عزيزتي على مرورك العطر
أرجوا أنك تتبعي معنـا الموضوع إلى آخر الشهر الفضيل ..

شكراً لك ختي على الموضوع المفيد الله لا يحب التبدير أنا أعن نفسي عكتفي بشكل واحد من العصير وسلطة فواكه بليوغورت وطبعا التمر والحليب معنديش مع لحريرة بزاف مع حد الجو سخون الله تبردها علينا فرمضان وصافي لحاجة ل مغنكلهاش مكنصايبهاش الحمد لله وبالأخص ختك عشاقة ملالة نقص علي شغل زعما هههه…………
لا لضياع أنيقاتي وديك عمر الطبلة وتبقى الماكلة وتعاود تدخل للتلاجة ماشي صحية أبداً المائدة المغربية الرمضانية معروفة نتببعو آداب الرسول صلى الله عليه وسلم فالأكل باش منهلكوش صحتنا زيوتات وسكريات وحرقة المعدة ………طبعا مع التفكير فناس لي معنذهومش باش يكونوا ومغلوبين وكل واحد يصدق على قدر جهدوا والكل محتسب أجره عند الله

بارك الله فيك عـزيزتي ، والله يكملك بعقلك ، فعلا كيف سَتـلينُ قلوبنا للمحتاجين
وحنا ماحاسينش باللي كيضرهم .. رمضان أصبح شهر البدخ لا شهر التعفف
والصبر .. لا بالعكس عاد كنزيدوا نوسعوا الهوة اللي بيناتنا واللي ماعندوش
باش يصرف في الأيام العادية بالله عليكم غيقدر يبقى يقيل كل نهار يشري لمراتوا
في الفواكه الجافة الغالية وأصناف الحوت واللحوم وال ……
وكلشي كيشعل نار في الأثمنة حتى ماطيشة كدير الثاج في رمضان ؟؟؟؟؟؟؟؟؟؟
من منـا يومـا أهدى يتيمـاً لقاه جالس في الزنقة طبق شباكية أو سليلو؟؟؟؟
أو تبرع بقفة لأرملة ؟؟؟؟؟؟
ولا باغين فقط نعمروا أشر الأوعية ؟؟؟؟؟؟؟ هل نأكل لنعيش أم نعيش لنأكل ؟؟؟؟؟