حلي النهائي لحب الشباب

السلام عليكم ورحمة الله وبركاته

اقسم بالله ثم اقسم بالله ان النتيجة مبهره واكثر اكثر من رائعه وعن تجربة شخصية

اخواتي هادي شحال وانا كنقلب على الحل لبشرتي الجافة والي كتقشر ديما سواءا صيف او شتا هدا بلا الحبوب الي هلكوني والادوية زادو كملو عليا

المهم في الاشهر الاخيره جاب الله الفرج

بنت عمتي قاتلي وجهك مشوه وخاصك تلقاي الحل قبل ماتعرسي

شويا وهيا تقولي انا عندي ليك الحل جربيه وعلى الله بحيت تا انا كنت بحالك

وعطاتني بومادا جربتها ولغد ليه متيقتش وجهي ولات الحموريه ديال الحبوب خفيفه وتجمعات الحبوبه بنسبة 50 في المية تقريبا

وملي داومتها كل ليله ولا وجهي الحمد لله احسن من الي كان عليه طول حياتي

فوائد هاد البوماد : كتجمع المسام وكترجعها كيف كانت او احسن والحبوبه لو فركعتيها او قشرتيها لغد ليه كتولي كحلا وبعدها كتبرا دغيا , كترجع الوجه رطب وكتهنيك من تقشار ديال الوجه
طريقة الاستعمال : تغسلي وجهك مزيان وتحيدي منو كاع لوسخ الي فيه وملي تنشفيه ديري هاد البومادا قبل ماتنعسي بشي ربع او نصف ساعه تا يتشربها وجهك مزيان وينشف عاد نعسي باش متمسحش ليك في المخدة , انا بقوة الحماس كنديرها جوج مرات في النهار ههههه

ملاحظة : الي عندها بشرة دهنيه معرفت واش تجي معاها او لا , غير باش متقولوش كتلعب علينا انا والله الا والماتني بزااااف

هادي هيا البومادا كتباع في بارافارماسي ولا في محلات كاريفور

ماشي ضروري تجاوبو يكفي تدعيو معايا ربي يسهل عليا اموري في الدنيا والآخرة ويجمع شملي مع راجلي عاجل غير آجل

---

pgd hgkihzd gpf hgafhf Hoj pgn

بارك الله فيك اختي

وهنية عليك ملي تهنيتي من حب الشباب و الاثار ديالو وان شاء الله ديما يبقى وجهك منور

وربي يسهل امورك كلها في الدنيا و الاخرة ويجمعك براجلك عاجلا غير اجل ويعطيك ما تمنيتي فخاطرك

امين يا رب العالمين

ربي يخليك احبيبة سحر الشرق وينولك ما تمنيتي في حياتك
ويرزقك الجنة ان شاء الله على الدعيوات الحلوين بحال مولاتهم

آمين لينا وليك احبيبه

مزال مشريت واحد آخر راني كنستعمل هاداك الي عطاتني بنت عمي الله يعطيها ماتمنات بحيت عطاتني جوج

وقاتلي كيدير 45 درهم

غادي نصيفط عندو ان شاء الله قريب ونأكد ليكم التمن شحال

شكرا اختي على المرور ديالك

بغيت أختي نجرب ولكن كنخاف من أدوية خصوصاً ديل لوجه كن غنعرف وش بصح غيداوي لي حب شباب والله حتى نشريه ولكن؟؟ عموماً كنشركك بزاف او الله يسر لك أمورك wi3tik منوتي فخطرك أمين ياربي

Allah ysahl 3lik a khti o ynwlk ma f balk 9harna had 7ab chbab Allah ychafi ljami3

والله الا عطيتو لخويا جربو تا هو تقهر مسكين بحب الشباب كتر مني ووجهو دهني ونقص ليه بزاف الحمد لله

شريه وجربيه على حبوبه وحده تكون في جنب وجهك وشوفي النتيجه

آمين احبيبة الله يسهل على الجميع
شكرا على مرورك