حلوة لسان طير اهداء لكل المبتدئات بالتفصيل الممل

السلام علييكم ورحمة ط§ظ„ظ„ظ‡ تعالى و بركاته
مبرووك عواشرك و ط§ظ„ظ„ظ‡ يدخل علينا رمضان ان شاء ط§ظ„ظ„ظ‡ بالصحة و السلامة
وباش متمنيتو يا ربي
بما ان رمضان على الابواب قاديت هاد الحلييوة
لي تعلمتها من عند ماما ط§ظ„ظ„ظ‡ يحفظها و يطول ليا فعمرها
ساهلة وتصلاح لكل مبتدئة باش تزعم وللاشارة هادي اول مرة كنجربها

1/2 كلغ دقيق فورص ممتاز
125غ زبدة لينة
1/2كاس زنجلان
م كبيرة حبة حلاوة
م صغيرة قرفة
قبصة خميرة خبز
قبصة ملح
م كبيرة خل
1/2 كاس ما الزهر
ماء لجمع الخليط
زيت/عسل/زنجلان

نحمرو الزنجلان و حبة حلاوة غير شوية يتصهدو مخاصش يتحمرو بزااف
منين يبردو نطحنوهم مزياااان نخلطو المواد الجافة دقيق و الزنجلان وحبة حلاوة
قرفة ملح خميرة

نزيدو الزبدة و نبسبسو الخليط انا استعنت بالحكاكة الفكرة خديتها من ام البنات
الله يجازيها بخيير عاد نضيفو السوائل

والماء نكملو بيه العجين خاص تكون قااصحة و ندلكوها مزياان نخليوها
ترتاح شي 10 دقائق و نقطعوها كويرات قد البيضة تقريبا

نديرو مقلة تسخن تاع وجدة و الى كانت بحال هادي احسن
ونسرحو الكويرات بالمدلك بالاستعانة بشوية الدقيق و يكونو رقاااق
نصهدوهم فوق المقلة و بالزربة نقلبوهم مخاصش يتبدل لونهم غير نرميوهم
ونقلبو فيسااع و لي صهدناها نديروها فزيف نقي و نغطيو عليها باش متنشفش

منين نساليو كل الكويرات كويرات نلويوهم و نسدوهم بخليط الماء و الدقيق
ونحاولو نرخفو اللويات ميكونوش مزيريين ونقطعوهم بمقص على شكل مائل

نبداو نقليو فيهم و العافية متكونش مجهدة متوسطة غير يتذهبو و نزولوهم

شي دعيوات ل2 موات ديالي ماما و عكوزتي بالصحة و السلاامة
اللهم ادمها نعمة و احفظها من الزوال