ثوب الجلابة فالكحل

سلام عليكم ورحمته الله وبراكاته الله يخليكم عندي توب ديال جلابة أسود فيه ط ر زات صغار منو سعدوني شنو لون لي نخيطها به الله يجازيكم بالخير يعطيكم ماتمنيتو إلى كان ممكن شي صور ديال شي موديل سمحولي لطولت عليكم

---

e,f hg[ghfm thg;pg dyal flk7al jelaba toub

اختي الأسود كيجيو معاه الألوان كاملينظ…ظ„ظپ ظ…ط±ظپظ‚ 84353

انا من رايي الاسود تخيطيه بالاسود تيجي راقي و زوييييين و ما تيموتش و اللي زوين هو انك تلبسي معاه اي لووووون فالفولار و الصباط و تتجي فنة انا عندي زوج و مخيطاهم بزوج بالاسود ههههههه مبدلة غير الفصالة و الستيل

الا تيعجبك الالوان خيطيه بالتركوا انا سبق وخيطتو بتركوا طلع غزال والا يعجبك سابل خيطيه الكحل

الى كان لامع الثوب شي شويا وكان تيعجبك الاحمر خيطيه بالاحمر ولكن خاص الجلابة تكون جدابة
وانا عندي جلابة كحلة خيطتها بالغوز والبلون كاسي طلعات غزالة لي شافني تيسولني عليها ونقلتها من المنتدى بلاتي نجيب ليك الرابط

عاد يالله كي خيطت جلابة فالكحل وفيه شي زويقات صغيورين منو، وخيطو بالتيغكوا ، وشريت ليه فولار فالتيغكوا والكحل ، جا كيحمق ، دوماج خليتو فالمغرب كون صورتو ليـك


الكحل زوين وكلاس ، واي لون بغيتي يجي معاه

صاحبتي مخيطاه بالبترولي وجاها واععععععععععععر
وديرا ليه الدولار كاملة والعقاد كبار معرفتش سميتهم

معدرة قلبت على الروابط تا عيت ما لقيتوش
المهم درتها بالسفيفة في الغوز والبلون كاسي والغوز حرير لامع
و درت ليها طريزات في الكمام والجلايل والله لي شافها تيسولني عليها ومفهمو فيها والو مع البلون كاسي والغوز متيتفرزش اشمن لون المهم تتبان جميلة

شكرا لأرائكم و إهتمام ديالكم الله يجازيكم بألف خير