تلخيص أفكار موضوع "عندك شي حويجات ماعرفتيش كيفاش تنظميهم؟" ممنوع الردود أو الدردشة

السلام عليكم ورحمة الله وبركاته, تحية طيبة لكااااع الحادكات ديال هاد النتدى الرائع عامة و تحية حاصة لكل مشتركات في موضوع عندك شي حويجات ماعرفتيش كيفاش تنظميهم؟… دخلي معانا (متجدد) https://www.anaqamaghribia.com/vb/sho…#ixzz30GoSyDf9 هنانجمعو الأفكار الرائعة اللي شاركناها مع بعضنا في الموضوع الرئيسي باش تبقا الاستفاده ان شاءلله بدون تعب أو عناء البحث على بركة الله: أنا من بين, و كانسطر على "من بين" هههههه حيت عطااااااااااااااهم الله, الحوايج اللي كانو ديما مخسرين ليا الترتيب و التنظيم ديال داري و بالأخص ديال بيت النعاس, هوما الملابس الداخلية, الفولارات, و النايفيات (هادوك الفولارات الصغار اللي كايتلبسو تحت الفولار) , والحمدلله, الحمدلله كثييييييييييييييييييييييرا , مللي كنت البارح شااااااااانا حملة نظافة, بقيت كانفكر و نجرب و أيضا شفت شي تصاور و لقيتليهم حل الحمد لله هادو الفولارات, كانلبس الفولارات الكبار يعني صعابين في الترتيب حيت إيلا ماحطيتيهوش مقادين دغيا كايتكمشو و كايوليو بحال الكرشة هههههه , أنا هنا طويتهوم بالطريقة اللي كاتشوفو و حطيتهوم مجنبين باش يبان ليا الألوان اللي عندي لتحت و مانحتاجش نقلب و نرون كولشي نفس الشي درتو للفولارات الصغار (هادو ماكانلبسهومش إلا قليل و أغلبهوم جاوني كادو و صافي) الصدريات شريتليهوم شبكة بخمسة دراهم و رتبتهوم كيفما كاتشوفو الملابس الداخلية خديتليهوم شبكات صغار ديال جوج دراهم و طويتهوم رقاق و حطيتهوم هكدا و هادو هوما النايفيات اللي كانو غار مليوحين ولا معلقين ولا مطويين كلا وحده في بلاصة , حتى هوما درتهوم في شبيكة و طويتهوم و هاهوما مثبتين و مرزنين في بلاصة وحده هاد الطريقة نفسها غانديرها إن شاءلله للقفازات و التقاشر , مللي نصايبهوم غانحطليكوم الصور إن شاءلله بالنسبه للفاليزات تقدري ديريهم تحت ناموسيه تعملي ليهم سلوفان وتحطيهم ملابس الأطفال ممكن تديريليهم بلاصة في الكومودينو ديالك وترتبيهم فيه, أولا إيلا ماعندكش بلاصة فيه شري غار هادوك البلاكارات ديال ميكا’ هادوك اللي كايكونو عندهم الطبقات و ديريهم فيه, و شوفي حتى هاد الأفكار إيلا عجبوك بالنسبة للصبابط, أنا ها الحل اللي دايرا للصبابط ولكن هادا غايقد غار جوج دالناس إيلا نتوما كثر خودي واحد أكبر هادي فكرة للي راجلها كايبقا غار يلوح في الحوايج , العلاقة تديريهاليه يلوح فيها اللي بغا, سراول قاميجة تجاكيط,,,,,,, انا كان عندي مشكل ديال الدرور (زيوفة) او شالات باش كاندير الحجاب كنت دايرهم في علاقة ديال الحوايج و لكن ملي كنبغي نجبد شي واحد ديما كيزلقو معاه زيوف خرين و لقيت حل افضل و احسن هو : شريت درهم ديال لاستيك و لصقت فالباب د الماريو بالبينيز و علقتهم فيه نتمنى تعجبكوم الفكرة دابا نصورهم ليكم باش تشوفو ظƒظٹظپط§ط´ كيبامو مرتبين و باينين دمتم في رعاية الله بالنسبة الفالزات تاخدي توب يكون اللون مناسب مع البيت ديالك وديري منو فحال خديات يكونو كبار بحجم الفاليز لي عندك باش ديرها فوسطها وتعلقيهم فوق الماريو منها تحتافضي عليهم من الغبرة ويبقى عندك فوق الماريو مرتب وهاد الفكرة يمكن ديرها حتى المانطات وأي حاجة بغيتي تعلقها وهاد الفكرة ممكن ديرها حتى إلى مبغتش تعلقهم راها كتحافض عليهم بزااااف وحاجة أخرى إلى كانو الفاليز خاويين ديري فوسطم المانطات عاد علقيهم هههههه مني كيجيو الاولاد كلشي كيترون الكتب ديري ليهم هادو القابطات متوفرين فااصغار والمتوسطين وباشكال كتليق بغرف النوم فكرة للملابس الداخلية انا كان عندي مشكل الملابس الداخلية كنت كنطويهم في واحد المجر كبير والى كنت مزروبة وبغيت شي حاجة معينة كنخلط كلشي ولكن لقيت الحل هو كنا قبل مانمشيوا للمغرب شرينا بزاف ديال الصبابط والصنادل وبقاوا الكراطن ديالهم ومنين جئت وبغيت نخمل لقيتهم وخليتهم حتا بانت ليا الفكرة ختاريت اربعة الكراتن زوينين الشكل ديالهم فيهم ورود وألوان زوينة يعني ماحتاجيتش نغلفهم والمجر ديالي كبير هزهم ليا بأربعة بلا مايبقا شي فراغ وحدة عملت فيها السليبات ووحدة علاقات الصدر والجوارب ووحدة الشيلان والطلايات ديال الشعر ووحدة عمل الضونيات والبيرميدات ودابا بغيت نجمع كراتن آخرين باش نطبق الفكرة على حوائج راجلي وسمحوا ليا طولت عليكم فكرة للمخدات والبطانيات الباليزات انا كان عندي بلاصتهم في الماريو ولكن كانو عندي شي مخاد وبطانيات طاوياهم غير في البيت وكنت الى بغيت نجفف كنخاف نقيسهم وصراحة مخسرين ليا الديكور خديت الباليزات عملت وحدة وسط وحدة وعمرتهم بحوايج البرد ودرتهم فوق الماريو جيهت الحيط ( الصراحة مامخصرينش ليا الديكور حيت ماطايبانوش بزاف وحيت عندي الماريو من الفوق غارق مزيان خشيتهم تما ، وعندي جوج بلاصات ديال تعلاق الملابس وفوق العلاق دائرين رف كبير فين كنت نعمل الباليزات قبل خطيت البطانيات والمخاد صبنتهوم وخلفتهم ببلاستيكات كبار وعملتهم في الرفين واحد البطانيات والثاني للمخاد وهكذا البيت زاد وساع وداكشي كلشي اللي مخسر ليا الديكور تخبأ . بواطات البلاستيك والمشكل اللي عندي ديال البواطات ديال الباستيك عندي بزاف فين مامشيت للمغرب كنجيب فيهم الزبدة والزيتون على نواعوا والحلوى وزيد وزيد حاولت طبقت واحد الفكرة خديت البواطات الكبار وحدة عملت فيها العطرية كلها ، ووحدة درت فيها بحال الللويزة الشيبة الزعتر السالمية يابسين ، وواحد جوجات عملت فيهم بكيات ديال السميد الكسكس اللي باش الشعرية الروز ، ووحدة خليتها للبكيات اللي فتحتهم وهكذا تنظم ليا البلاكار واستاغليت البواطات اه وبواسطة عملت فيها داكشي ديال الحلوى الكوك سكر كلاصي الفلون . هذي فكرة للبنات اللي عندهم بواطات خاويين ورغم ذلك بغيت شي طريقة البواطات الخاويين حيت عندي بزاف هادو استاعملتهم وحدين آخرين باقين حيت فينما مشيت للمغرب كنجيب معايا سبعة ثمانية البواطات ههههه بحالا كنصدر ههههههههههه اه فكرة اخرى ممكن تديروا فيهم الخضر باش يبقاوا مدة طويلة والنعناع والكزبرة والبقدونس كنت شفت فبرنامج دار و ديكور شي لعيبات من مغلفين من برا كيجمعو فيهم اي حاجة مبغيتيهاش مليوحة و شفتهم حتا فمرجان هما كارطون و مغلفين ولكن صغار و ثمنهم غالي شويا انا فكرت نجيب كرطونا فحالة ممتازة و نثقب جيهت اليدين بطريقة مرتبة و نغلفها بغلاف بالوان زوينة و تواتي بيت دراري فاش يكملو للعب علميهم يجمعو لعابهم بوحدهم و دفعيهم تحت الناموسية عندي فكرة بسيطة وربما تنفعكم المهم كثرو عليا خوط البيسي المليوحين و كابلليات اليوسبي و خيوط الضوء و شي تخربيق اخر شديت بواطة كبيرة مستطييلة بالغطاية ديالها كانت غير مليوحة و عمرتها بدوك الكابليات و حطيت وحدة على وحدة فواحد القنت من الماريو مكتشدش البلاص و تهنيت من روينتهم كانو شادين المجورا و كلما بغيت شي كابلي كنجبد المجر و نرون يتبع…..