تجربتي في البحث عن نكافة في اكادير

السلام عليكم ورحمة الله وبركاته لكل عروس مقبلة على الزواج الله يكمل عليها بالخير ويتمم ليها كلشي كيفما تمنات واكثر من فترة كنت دايرة بحث في المنتديات على النكافات لاختي حيث قريب عرسها لقينا شحال من ظ†ظƒط§ظپط© ولكن رزكزنا على الاسماء اللي كانوا البنات تيشكروهوم وكذلك قاعات اوصالات الافراح خدينا اللائحة وخا اختي كانت مصرة على لحسن انكاف لكن خويا كان عندو راي اخر قاليها لحسن النكاف اغلب بنات العائلة وحتى الجيران خداوه يعني ملي غادي تجيبيه ماغاديش يكون شي جديد حيث غادي يكون نفس السيستيم ومع ذلك مااقتنعاتش بكلامو خدينا تلفون النكافة كريميصة حتى هي كانوا تيشكروها البنات بزاف وبحالها بحال لحسن النكاف من حيث الصيت فمجال تانكافت اول وحدة نمشيو عندها هي كريميصة ، اتصلنا بيها وراتنا عنوانها ومشينا عندها ، دخلنا فتحات لينا واحد البلاكار كله تكاشط طبعا سولات اختي واش انتي العروسة قالت ليها اه وبدات تتاجبد لينا فالتكاشط فرق كبير بين اللي سمعتوا في المنتديات واللي شفناه بعينينا ، التكاشط حالتهوم لا الوان ولا تفصيلة ولاشي حاجة كتحمر الوجه الله اعلم واش حقراتنا بالشوفة ولا شنو بالضبط ، وللاسف ماشي شي وحدة متواضعة، كتكلم وبتعااااااالي ، قالت لينا 8000 درهم وراتنا الكوشات عندها فوتويات صغار داكشي اللي وراتنا وكيتزينو بالورد من الجناب قالت لينا اخر موديل فداك الوقت ناضت اختي بانو ليها شي تكاشط واعرييين قالت ليها وهاذوا وهي تنقز قالتليها لالا هذوك ديال واحد العروسة خلاتهوم هنا باش نلبسهوم ليها في عرسها بعد هذي هضرة مكادخلش العقل ، شكون هاذ العروسة اللي غادي تخلي دهازها عند النكافة ومازال كاع ماتحطوا في الدفوع ,,,, حسينا باللي كلامها ماشي معقول وتعاملها مازوينش وانا نقوليها نتشاورو ومن بعد نتصلوا بيك وهي تقول انا الكليان تنشدو بالعربون وخا يتصل وخا مايتصل . وخرجنا من عندها بالنسبة للقاعات : كنا حذفنا شحال من اسم : قاعة الفردوس بنسركاو – قاعة لحسن النكاف تاسيلا – قاعة النخيل في الدشيرة – وطبعا قاعة افراح سوس هي روعة ولكن للي عندو امكانيات عالية بزاف . وفي حي تاسيلا قالوا لينا فيه جوج قاعات جداد ماشفناهومش من قبل ، مشينا في الاول لقاعة تامونت كاينة في طريق انزكان كبيرة تصلاح للي عندهوم ناس كثار ، وخا مكرفسة شوية وقديمة ولكن احسن من اللي شفتهوم قبل ، كنا كنتاملوا نشوفوا مولاها حيث انسان معقول وحتى في الثمن ، خرجات لينا بنتو ، انسانة مكتختلفش على كريميصة مانعرفش واش الانسان الى شبع فلوس مكيبقاش يراعي ظروف خلق الله ولاشنو ، قالت لينا مليون ونص هاذ غير كرا الصالة بوحدها . تاوينا معاها حتى نزلات لمليون و20 الف ريال وكلما زدنا طبلة يزيد الثمن وقلنا ليها حتى نتشاورو ،، اتصل خويا بصاحبوا وهو يقوليه كاينة صالة في تاسيلا عطانا العنوان ومشينا ليها اول مادخلت ليها صراحة حليت عينيا ، دايرها مولاحا بحال الارتيزانا فيها قاعة التحت وكاينة وحدة الفوق مكونة من جوج صالات ديكورات روعة ، النقا والنظافة حاجة اخرى النتظيم ، المراحيض اعزكم الله نظاف وجداد ، لقيناهم تيوجودا لشي عرس غادي يتقام فيه ، ملي شفنا القاعة التحت قالينا هذي راها بوحدها بابها معزول ، كوزينتها مراحيضها ، لاسويت ديال العروسة كله معزول وكاينة قاعة الفوق اخرى هذيك بوحدها وطلعنا ، كلمة روعة قليلة فيحقها ، الصالة مكونة من جوج اقسام وحدة التحت خاصة بالعيالات للي مابغاش الاختلاط والثانية الفوق ممكن يعملها الواحد للرجال وكطل على التحتانية ، الزرابي كلشي فيه جداد ، فيها قسم خاص ديال مالين العرس دايرين ليهم صالون مغربي للي بغا يصلي يرتاح ينعس ، ولاسويت ديال العروسة فيها بيت للكادوات وبيت للعروس مجهزة وصالون صغير ودوش وحمام اكرمكم الله ، ومراحيض خاصة بالنساء ، والفوق الخاص بالرجال راه فيه كلشي كيتعلق بيهم ملي شفنا كلشي بعينيا واحسن من الصالات اللي شفناهم ظنيت ان ثمنها غادي يكون غالي بزاف واغلى ملي شفناهم ولكن تفاجئنا بالسعر كان معقول جدا جدا ، بالسربايا بالسيكوريتي بالعيالات اللي كينظفوا بلاوازم القاعة من منظفات من الفواطي من كلشي ومولاها طيب طيب وانسان متواضع ، قالينا انا مغاديش نحدد معاكم الثمن بعدد الطبالي الى جاوكوم الناس كثار راه الدراري يزيدكم الطبالي على قد مابغيتوا غير تهلاوليا فيهم حيث هوما اللي كتزاد عليهم الخدمة ، قلنا ولا عليها ،، وقعطعنا معاه الكلمة وعطيناه العربون بدون تردد ، ومن عندو شفنا واحد الجلسة ديال العروسة زوينة قلنا ليه عطينا عنوان النكافة قالينا راه مزيانة ومعقولة حتى هي ملي رجعنا عند كريميصة وخاب ظننا فيها وفي تعاملها بالاخص مشينا عند هاد السيدة ، انسانة متواضعة جدا ، وراتنا حويجاتها داكشي زوين نقي وجديد ، واهم شي الكلمة الطيبة والتعامل الزوين ، وانسانة بشوووشة بزاف كاينة في المسيرة ، والثمن معقول ووافقات عليها اختى بدون تردد قالت لينا صافي النكاف لحسن بلاش مع ان الاثمنة متقاربة ولكن هذي عندها لوينات وحاجات مختلفة على لحسن النكاف . اللي استفدناه اننا دائما كنتخدعوا بالمظاهر ، ملي تنقولوا فلان راه التوب فهاذ الحاجة كنظنوا باللي راه ماكاينش ماحسن منو ،، والعكس صحيح كاينين ناس وخا مامعروفين بزاف او يالله باديين في الميدان تنلقاو عندهوم ماحسن ومستعدين يتعاونوا مع الواحد وخا يكون الربح ديالهوم غير شوية ديال البركة ، احسن من ناس شابعة ماكتهمهاش الظروف المادية ديال الانسان العادي والله يكمل على كاع العريس بالخير

j[vfjd td hgfpe uk k;htm h;h]dv 3liha 3tiw 3tiwni alf hgfpj dyal kher lbnat liha onwan

اختي الله يكمل عليها بالخير وعليا حتى انا ههههه حيت عرسي باقيليه شهر وانا عاد غادي نخرج نشوف النكافة دابا وملي نرجع نقوليكم حتى انا شنو لقيت

شكرا اختي على النصائح والله يكمل عليك وعلينا كااملييين وراه عجبااتني هدرتك بزاااف حييت راااني متاااافقة معااك فكاااع الكلام اللي قلتييه

الله يكمل عليكم بخير اختي عفاك قولي ليا أشنو سميت القاعة أفين او ثمن بشال شديتها أ فين جات؟؟ واشنوا سميت النكافة عتقيني بها والثمن ليدارت معاكم؟ وشكرا على الموضوع

المشاركة الأصلية كتبت بواسطة amira7olwa اختي الله يكمل عليها بالخير وعليا حتى انا ههههه حيت عرسي باقيليه شهر وانا عاد غادي نخرج نشوف النكافة دابا وملي نرجع نقوليكم حتى انا شنو لقيت حتى اختي عرسها باقيليه شهر وشي ايامات ومع ذلك لقات الضموند والريزيف من داب وغير بداي من دابا وجي عاودي لينا شنو درتي المشاركة الأصلية كتبت بواسطة دلوعة نفسها شكرا اختي على النصائح والله يكمل عليك وعلينا كااملييين وراه عجبااتني هدرتك بزاااف حييت راااني متاااافقة معااك فكاااع الكلام اللي قلتييه اميييين اختي الله يكمل على جميع العرايسات بالخير ويفرحهم وشكرا بزاف المشاركة الأصلية كتبت بواسطة meryam36 الله يكمل عليكم بخير اختي عفاك قولي ليا أشنو سميت القاعة أفين او ثمن بشال شديتها أ فين جات؟؟ واشنوا سميت النكافة عتقيني بها والثمن ليدارت معاكم؟ وشكرا على الموضوع القاعة سميتها قاعة الافراح والمناسبات جات قدام ألزا في الحي الصناعي تاسيلا ومولاها سميتو براهيم طمطم <<< الرطاك سابقا والثمن سيري حتى تشوفي راه كايدير bon prix ديال الدراوش والله يكمل عليك بالخير الله يكمل عليك بالخير

شكرا اختي على الجواب والله يكمل بخير

الله يكمل عليكم بلخير ختي و بزاف الناس تيشكرو فكريمصة لعجب واش مشيتو عند البنت ولا الام

عندك الحق أختي حنا ديما مجتمع المعمعة يعني إلا شفنا شي حد دار شي حاجة كنتبعوه حتا انا الصراحة كتبانتلي كريميصة عادية جدا بل كاين حسن منها و ممعروفاتش انا فعرسي كلشي كيقول لي لحسن و كريميصة وانا نمشي نسول على معرفتي حتى طحت فوحدة كلشي تبهر مللي شافو لباسيها و تبارك الله نقية و مسرارة و كتعرف تعامل و دارت خدمتها و زيادة كلشي سولني عليها من بعد العرس و لحد الآن كندير cd دالعرس و كندعي معاها

المشاركة الأصلية كتبت بواسطة روجين السلام عليكم ورحمة الله وبركاته لكل عروس مقبلة على الزواج الله يكمل عليها بالخير ويتمم ليها كلشي كيفما تمنات واكثر من فترة كنت دايرة بحث في المنتديات على النكافات لاختي حيث قريب عرسها لقينا شحال من نكافة ولكن رزكزنا على الاسماء اللي كانوا البنات تيشكروهوم وكذلك قاعات اوصالات الافراح خدينا اللائحة وخا اختي كانت مصرة على لحسن انكاف لكن خويا كان عندو راي اخر قاليها لحسن النكاف اغلب بنات العائلة وحتى الجيران خداوه يعني ملي غادي تجيبيه ماغاديش يكون شي جديد حيث غادي يكون نفس السيستيم ومع ذلك مااقتنعاتش بكلامو خدينا تلفون النكافة كريميصة حتى هي كانوا تيشكروها البنات بزاف وبحالها بحال لحسن النكاف من حيث الصيت فمجال تانكافت اول وحدة نمشيو عندها هي كريميصة ، اتصلنا بيها وراتنا عنوانها ومشينا عندها ، دخلنا فتحات لينا واحد البلاكار كله تكاشط طبعا سولات اختي واش انتي العروسة قالت ليها اه وبدات تتاجبد لينا فالتكاشط فرق كبير بين اللي سمعتوا في المنتديات واللي شفناه بعينينا ، التكاشط حالتهوم لا الوان ولا تفصيلة ولاشي حاجة كتحمر الوجه الله اعلم واش حقراتنا بالشوفة ولا شنو بالضبط ، وللاسف ماشي شي وحدة متواضعة، كتكلم وبتعااااااالي ، قالت لينا 8000 درهم وراتنا الكوشات عندها فوتويات صغار داكشي اللي وراتنا وكيتزينو بالورد من الجناب قالت لينا اخر موديل فداك الوقت ناضت اختي بانو ليها شي تكاشط واعرييين قالت ليها وهاذوا وهي تنقز قالتليها لالا هذوك ديال واحد العروسة خلاتهوم هنا باش نلبسهوم ليها في عرسها بعد هذي هضرة مكادخلش العقل ، شكون هاذ العروسة اللي غادي تخلي دهازها عند النكافة ومازال كاع ماتحطوا في الدفوع ,,,, حسينا باللي كلامها ماشي معقول وتعاملها مازوينش وانا نقوليها نتشاورو ومن بعد نتصلوا بيك وهي تقول انا الكليان تنشدو بالعربون وخا يتصل وخا مايتصل . وخرجنا من عندها بالنسبة للقاعات : كنا حذفنا شحال من اسم : قاعة الفردوس بنسركاو – قاعة لحسن النكاف تاسيلا – قاعة النخيل في الدشيرة – وطبعا قاعة افراح سوس هي روعة ولكن للي عندو امكانيات عالية بزاف . وفي حي تاسيلا قالوا لينا فيه جوج قاعات جداد ماشفناهومش من قبل ، مشينا في الاول لقاعة تامونت كاينة في طريق انزكان كبيرة تصلاح للي عندهوم ناس كثار ، وخا مكرفسة شوية وقديمة ولكن احسن من اللي شفتهوم قبل ، كنا كنتاملوا نشوفوا مولاها حيث انسان معقول وحتى في الثمن ، خرجات لينا بنتو ، انسانة مكتختلفش على كريميصة مانعرفش واش الانسان الى شبع فلوس مكيبقاش يراعي ظروف خلق الله ولاشنو ، قالت لينا مليون ونص هاذ غير كرا الصالة بوحدها . تاوينا معاها حتى نزلات لمليون و20 الف ريال وكلما زدنا طبلة يزيد الثمن وقلنا ليها حتى نتشاورو ،، اتصل خويا بصاحبوا وهو يقوليه كاينة صالة في تاسيلا عطانا العنوان ومشينا ليها اول مادخلت ليها صراحة حليت عينيا ، دايرها مولاحا بحال الارتيزانا فيها قاعة التحت وكاينة وحدة الفوق مكونة من جوج صالات ديكورات روعة ، النقا والنظافة حاجة اخرى النتظيم ، المراحيض اعزكم الله نظاف وجداد ، لقيناهم تيوجودا لشي عرس غادي يتقام فيه ، ملي شفنا القاعة التحت قالينا هذي راها بوحدها بابها معزول ، كوزينتها مراحيضها ، لاسويت ديال العروسة كله معزول وكاينة قاعة الفوق اخرى هذيك بوحدها وطلعنا ، كلمة روعة قليلة فيحقها ، الصالة مكونة من جوج اقسام وحدة التحت خاصة بالعيالات للي مابغاش الاختلاط والثانية الفوق ممكن يعملها الواحد للرجال وكطل على التحتانية ، الزرابي كلشي فيه جداد ، فيها قسم خاص ديال مالين العرس دايرين ليهم صالون مغربي للي بغا يصلي يرتاح ينعس ، ولاسويت ديال العروسة فيها بيت للكادوات وبيت للعروس مجهزة وصالون صغير ودوش وحمام اكرمكم الله ، ومراحيض خاصة بالنساء ، والفوق الخاص بالرجال راه فيه كلشي كيتعلق بيهم ملي شفنا كلشي بعينيا واحسن من الصالات اللي شفناهم ظنيت ان ثمنها غادي يكون غالي بزاف واغلى ملي شفناهم ولكن تفاجئنا بالسعر كان معقول جدا جدا ، بالسربايا بالسيكوريتي بالعيالات اللي كينظفوا بلاوازم القاعة من منظفات من الفواطي من كلشي ومولاها طيب طيب وانسان متواضع ، قالينا انا مغاديش نحدد معاكم الثمن بعدد الطبالي الى جاوكوم الناس كثار راه الدراري يزيدكم الطبالي على قد مابغيتوا غير تهلاوليا فيهم حيث هوما اللي كتزاد عليهم الخدمة ، قلنا ولا عليها ،، وقعطعنا معاه الكلمة وعطيناه العربون بدون تردد ، ومن عندو شفنا واحد الجلسة ديال العروسة زوينة قلنا ليه عطينا عنوان النكافة قالينا راه مزيانة ومعقولة حتى هي ملي رجعنا عند كريميصة وخاب ظننا فيها وفي تعاملها بالاخص مشينا عند هاد السيدة ، انسانة متواضعة جدا ، وراتنا حويجاتها داكشي زوين نقي وجديد ، واهم شي الكلمة الطيبة والتعامل الزوين ، وانسانة بشوووشة بزاف كاينة في المسيرة ، والثمن معقول ووافقات عليها اختى بدون تردد قالت لينا صافي النكاف لحسن بلاش مع ان الاثمنة متقاربة ولكن هذي عندها لوينات وحاجات مختلفة على لحسن النكاف . اللي استفدناه اننا دائما كنتخدعوا بالمظاهر ، ملي تنقولوا فلان راه التوب فهاذ الحاجة كنظنوا باللي راه ماكاينش ماحسن منو ،، والعكس صحيح كاينين ناس وخا مامعروفين بزاف او يالله باديين في الميدان تنلقاو عندهوم ماحسن ومستعدين يتعاونوا مع الواحد وخا يكون الربح ديالهوم غير شوية ديال البركة ، احسن من ناس شابعة ماكتهمهاش الظروف المادية ديال الانسان العادي والله يكمل على كاع العريس بالخير اولا الله ابارك لختك عافاك بغيت نعرف سميت صالون او النكافة لي قولتي فلمسيرة ??? و القاعة شحاال دار معاكم نتمنئ تجوبيني شكرا

واخا ماعندي ماندير بالنكافة و لا الصالة و لكن حبيت نشوف تجربتك كيف دازت و عجبتني بزاف هضرتك و باين عليكم انتي واختك بعقلكم ماشي شي حاجة فيها الخفة تبارك الله عليكم و مزيان الواحد يقيس قبل مايغيس هههههههههه ياك الله يرزقكم ماتمنيتو انتي و اختك و ان شاء الله يدوز نهارها كيف تمناتو و احسن ماتنسايش تصوري لينا شي حاجة خاصة بالمنتدى ديالنا