تتخمي اش توجدي لعيد الفطر دخلي حلوى غزالة في انتظارك

تبث في 24/02/2019 bent bladi بسم الله الرحمن الرحيم اللهم صل على محمد وعلى آله وصحبه أجمعين السلام عليكم ورحمة الله وبركاته جبت ليكم حليوة تجربها فهاد عيد ط§ظ„ظپط·ط± تتجي غزااااالة كنت شفتها فالمنتدى وصادفات واحد المناسبة خاصة كانت عندنا في الدار وجربتها صدقات ليا فنة المهم ندوزوا للمقادير كيلو كوكاو / يكون محمر ومنقي ومهرمش العسل حسب الخليط شوية القرفة فاني شكلاط للتزين حسب الكمية علبة حليب نيسلي / مطيبوهاش بزاف شي ساعة لاروب باش يبقى اللون ديالها ابيض تيجي حسن من اللون البني تشدي الكاوكاو ديري معاه القرفة والفاني وتخلطيه بالعسل حتى يتجمع فرشي السولوفان وسرحي فوقو كاوكاو وغطيه بالسولوفان وسرحي بالدلاك السولوفان متيخليهش يلصق فالدلاك وتتساهل الخدمة من بعد طبعيه بالشكل لي بغيتي انا استعملت طابع ديال الدمعة وفاش تسالي الطبيع ستفي الحلوة فبلاطو مغشي بالسولوفان ودخليها للفريكو تشد راسها شي نصف ساعة فاش تخرجيها دهنيها بالنيسلي بهاد الشكل حتى تساليها كاملة من بعد وجدي الشكلاط ديالك ديريه في حمام مريم مع الزيت الطريقة معروفة وبداي تغطسي الحلوة وهزيها بالفرشيطة باش تسقطر مزيان وسرحيها فشي طابلة مغطية بالسولوفان وخليها حتى تنشف وبداي تزوقيها شدي جيب ولا ميكة وتقبيها من الجنب وديري فيها الشكلاط يكون سائل شوية وبداي تزوقيها بالطريقة لي بغيتي وفاش تنشف ستفيها في الطبيسل ولا فبواطة وغطيها وهالشكل النهائي ديالها ملحوظة مهمة عنداكم تمشيو تبيتوها فالتلاجة تقولي تشد راسها انا جاب الله بيت غير طبسيل صغير وتشوفي ندات وفاش نشفات بقاو واحد البقع عنداك طيحي في نفس الخطأ اوى كيف جيتكم حاكة ياك هاهاهاها