بيلا اسبانية من اديداتي و بطريقتي الخاصة

oum hedayah 10-18-2019 اخواتي الانيقات اتمنى تكونو في اتم الصحة و العافية اليوم طبخت البايلا اقولت نشارككم بها نتمنى تنال اعجابكم و تجربها ان شاء الله المقادير=250 غرام كروفيت(روبيان)منقي امغسول بالملح حاولو تحيدو ليه داك الخيط الاسود الي في الظهر ديالو راه كيطي نسمة مجهدة + 500 غرام هبرة دالسمك ابيض مقطعة اوصال (فيلي سمك) مثلا فالمغرب ممكن نستعملوهبرة ديال الفرخ او اي حوت بيض مافيه شوك +سمكة من وزن 500 غرام او اكثر حسب الاشخاص حتى هي منقية و مغسولة امقطعة على 3 قطع+حبة طماطم + و2 قرون فلفل حار + حبة بصل+ 6 فصوص ثوم + قزبرة بقدونس نصف كاس زيت زيتون+ربع كاس زيت عادي +ملعقةطعام خرقوم بلدي +ملعقة طعام كمون +ملعقة فلف احمر حلو + ملعقة صغيرة فلفل حار (سودانية) +ملح+عصير نصف ليمونة و زيت لقلي السمكة + 2 كيسان كبار روز بسمتي + 2 كيسان كبارماء الطريقة نطحنواو ندقو القزبور + المعدنوس + الثوم + الحامض (الليمون)نزيدو عليهم العطرية و نخلطو الشرمولة و نشرملو الحوت ديانا كله نخليوه تقريبا ساعة حتى يشرب الشرمولة ناخدو شي مقلى او طاوة الي نقدرو ندخلوها الفران نعملو الزيت الملح انشحر البصلة مشلظة رقيييقة نزول الطراف ديال السمكة انكب السمك الاخر فالطاوة و نخليه يتشحر مزيان مع التقلاب بشوية لا يتفتت السمك ملي يتشحر نزيد الروز مغسول و منقع في الماء تقريبا ربع ساعة نزيد الطماطم مقطعة و قرون الفلفل نحرك شوية نزيد الماء نقاد الملح نخليها تبدا تطبخ نغطيها بورق القصدير انزلها للفرن الي كنت شعلت اخليتو يسخن نخليه تقريبا نصف ساعة مع المراقبة فهاد الوقت نقلي السمكة كيف العادة و تكون النار مهيلة باش تجي مقرمشة نخليها تسقطر من الزيت ملي يشرب الروز و يطيب انحط فوق منو قطع السمك المقلي ا نخرجو الطاوة ديالنا نزينها بالليمون و الخيار ابصحة و العافية جربوها و الى عجباتكم متبخلوش علي بالردود الغالية او شي دعوة دلخير في امان الله نخليكم مع الصور