عفاكم قولو لي أحسن طبيب(ة) الجلد في ط¢ط³ظپظٹ و الله يجازيكم بخير
fkhj Nstd
بغيتي الصراحة ما كاين تا طبيبة د الجلد تحمر الوجه ف اسفي كاينة غير ديك اللي قبالة المحطة و انا مجرباها ما كتفهم والو ههههه سيري عند الدكتور السقاط ف الجديدة او الدكتور العراقي الحسيني ف كازا
انا رأي ديالي بحالو بحال ديال الاخت ،اسفي مافيهش شي طبيب مزيان ديال الجلد كاينة غير هاديك للي مقابلة مع المحطة كتخسري عندها فلوس كتيرة ومتدير ليك والو من الاحسن سيري لمراكش فيها اطباء مزيانين ولا طلعي لكازا
لا اختي كاينة وحدة معقلتش دابا على اسمها ماما كتقول مزيانة كانت كتمشي عندها واخا هي شوية غريبة الاطوار بعدا كاع داكشي اللي كانت كدوز ماما عندها عليه عطاتها دواه مزيان الا تفكرت او تاصلت بماما نجي نقوليك سميتها
اهلا اختي شوفي مدام منير هيا يمكن اللي كتقصد الاخت امة الله هاد الدكتورة كانت طبيبة عسكرية ومن بعد فتحات العيادة نتاعها اطوارها غريبة وهيا بوحدها في العيادة معندهاش مساعدة وماشاء الله عليها دواها دقة ببطلة مجرباها شخصيا وكاين من العائلة اللي مجربينها كاينة اختي قبالة اوتيل عبدة حدا المحلات نتاع الملابس في الدول العلوي كنتمنى نكون وضحت لك مكانها والله يشافي
اه بصح كاينة الدكتورة ليلى مونير راها ف شارع كينيدي و لكن كيعاودو عليها شوية هاترة ههههه و الله اعلم انا كنت فيا الحبوب و قالت لي واحد صاحبتي سيري عندها و لكن تحمليها راها شوية عقلها ماشي ف بلاصتو و انا نتخلع و ما بقيتش مشيت عندها هههه داك الشي علاش مشات لي من بالي هي راها كانت ف الميليتير عاد من بعد دارت العيادة و لكن هي اصلا راها ماشي جلدية راها يمكن غير طب عام و الله اعلم نتي سيري جربي على الله و لكن واش ممكن نعرف اشنو المشكل اللي عندك بالضبط ممكن نفيدك حيت ختك بقوة الدليح على الطبة د الجلد ولات عندي خبرة كان عندي الحبوب و لكن كان بشكل فظيع و مشيت عند الدكتورة ربيعة ابصار اللي قبالة المحطة زادت خرجات لي عليه و عطاتني واحد الفنيد خرج لي على سناني وليت كنداوي ف الحبوب و السنان و من بعد مشيت عند الدكتور السقاط ف الجديدة هو التالي ليا ف الحقيقة و لكن بقاو لي الحفاري و ليتراس حتى مشيت عند الدكتور كمال العراقي الحسيني ف كازا هو اللي تقريبا رجع لي وجهي كيفما كان ولكن كيخرج الدوا غالي بزاف و الحمد لله دابة نحمد الله و نشكرو
شكرا بزاااف أخواتي على آرائكم و مساعدتكم،الصراحة حتى أنا شكرو لي شي طبيب في الجديدة مي مع الخدمة والعكز قلت اللهم شي واحد في مدينتي،و يمكن دابا نتوكل على الله ونمشي عند ذ. منير
المشاركة الأصلية كتبت بواسطة مسفيوية بجدة 
اه بصح كاينة الدكتورة ليلى مونير راها ف شارع كينيدي و لكن كيعاودو عليها شوية هاترة ههههه و الله اعلم انا كنت فيا الحبوب و قالت لي واحد صاحبتي سيري عندها و لكن تحمليها راها شوية عقلها ماشي ف بلاصتو و انا نتخلع و ما بقيتش مشيت عندها هههه داك الشي علاش مشات لي من بالي هي راها كانت ف الميليتير عاد من بعد دارت العيادة و لكن هي اصلا راها ماشي جلدية راها يمكن غير طب عام و الله اعلم نتي سيري جربي على الله و لكن واش ممكن نعرف اشنو المشكل اللي عندك بالضبط ممكن نفيدك حيت ختك بقوة الدليح على الطبة د الجلد ولات عندي خبرة كان عندي الحبوب و لكن كان بشكل فظيع و مشيت عند الدكتورة ربيعة ابصار اللي قبالة المحطة زادت خرجات لي عليه و عطاتني واحد الفنيد خرج لي على سناني وليت كنداوي ف الحبوب و السنان و من بعد مشيت عند الدكتور السقاط ف الجديدة هو التالي ليا ف الحقيقة و لكن بقاو لي الحفاري و ليتراس حتى مشيت عند الدكتور كمال العراقي الحسيني ف كازا هو اللي تقريبا رجع لي وجهي كيفما كان ولكن كيخرج الدوا غالي بزاف و الحمد لله دابة نحمد الله و نشكرو أويلي ياختي على هاتره تانا خلعتني ههه ولكن غنتشجع نمشي،كيف كيقولو اللي بغا العسل يصبر لقريص النحل،أما لمشكل ديالي هو الحبوب في الوجه والظهر والمؤخرة أعزكم الله،ديما كينوض لي ويخلي ليتراس،هوعادي ماشي كبير الحمد لله مي مكتقطعش وخا فعمري ٢٧ههه،إوا ياختي عندك شي حل قبل مانمشي عند هاذ الطبيبه،سال المجرب لا تسال لطبيب هههه وشكرا بزاف لاهتمامك بموضوعي
اياه هي هاديك ليلا منير ماشي طاير ليها الفريخ و لكن غريبة الاطوار و لكن راه مزيانة و هي طبيبة جلدية ماشي طب عام اختي كنصحك تمشي عندها و متمشيش لعند طبيب راجل راه لا يجوز مع وجود طبيبة امرأة
اختي انا اخر حاجة درتها و تهنيت منو هي واحد الما سميتو ايري فلويد كتمسحي بيه وجهك قبل ما تنعسي و بالنهار الى كنتي ما خداماش ديريه باش تاكسيليري العلاج و الى بغيتي تخرجي ديري svr 50 حيت كتنقص الدهون ف الوجه هادو هوما التاليين ليا و الله يجيب الشفا اخ نسيت و تغسلي وجهك بواحد الغسول ديال افين ما عقلتش على سميتو و لكن راه لونو اخضر غامق شوية راه مخير للحبوب