السلام عليكم
هاد الحليوات درتهم شحال هادي وعاد كتاب نزلهم. سمحو ليا تصاور شوي مضلمين.
هنايا الحليوات باينين شوي ماكانش الشعا فالبيت.هاديك البسبوسة والكروسطاطا غير نقاد التصاور ونلقى شي وقيت ونحطهم ان شاء الله حتى هوما ساهلين وغزالين.
كاين طµط§ط¨ظ„ظٹ بالكونفتور وصابلي سندويش بالتمر نفس العجينة درتها 2 مرات(يعني كل شكل بالمقادير لي غادي ندكر) جات غزالة وكدوب فالفم.جربت شحال من عجينة دالصابلي ويني هادي عمري مانبدلها لقيتها فكوكل.
فيها رابعة زبدة+ك كبير مايزينة+2 ك مويان(بحال العنبة) سكر كلاصي+1 فلون فاني+2بيضات+خمارة+الطحين ح خ.
صابلي بالكونفتور.عجنتها و درتها فبلاستيكا جمعتها ودخلتها للتلاجة شوي (تقريبا نص ساعة).ملي طابت غربلت عليها السكر كلاصي وهي سخونةوالصباح عاد لصقتها بالكونفتور مسخن مع السكر كلاصي وملون حمر
صابلي بالتمر. سرحتها بالدلاك العادي وعاد الدلاك المدبدب مرة بالعرض ومرة بالطول باش يجيو كاروات و دهنتها بالبيض مطرب وقطعتها دوائر بالمرشم المدور وعاد قسمت الدوائر على 2 وملي طابت عمرتها بالتمر مبخر وزدت عليه شوي القرفة وما زهر وسكر كلاصي والكاكاو باش يجي لونو ناصح وزوين.
الرخامة. ماجاتنيش مزيانة فالقطيع حنت درتها فمول صغير جات شوي غليضة وصعيبة فالتقطاع ولكن غزاالة فالمداق.درت فيها كيلو كاوكاو مكلي ومهرمش+3 طµط§ط¨ظ„ظٹ محكوك+3 م ص قرفة+العسل لي يجمعها.
غريبة المعلكة. ديال (sarati)غير انا دوبلت المقادير.نص كيلو كاوكاو مطحون خضر+نص كيلو كوك+ش ملح+7 البيضات+نص كيلو سكر كلاصي+ 2 م ك كاكاو+3 خمارات
fgh’, whfgd hglj,hqu ]dhgd
شكرا ليك
الله يعطيك الصحة
قي انتضار المزيد
جزاكي الله كل خير راني دونتهم عندهم باش نجربهم
بالصحة