بقلاوة بالورقة، صحية اكثر و بنييينة مع التفاصيل المصورة.

السلام عليكم اخواتي
إن شاء الله تكونو فأفضل الأحوال، اليوم درت ط¨ظ‚ظ„ط§ظˆط© لاول مرة، واش غانڭول ليكوم جات كاتحمق.
شفت الطريقة ديالها فاليوتوب ودرتها اليوم وحيت جات بنيينة ومقرمشة بغيت نشاركها معاكم وأكيد اتحمر ليكم وجهكم قدام مالين الدار و الضياف حتى هوما وإيييلا خليتو ليهم حقهم ^^
ندوزو للمقادير، أما الطريقة انكتب شيء منها والباقي فالصور، وسمحو لي بالعرنسية حيث ماعنديش العربية وكثيرة الهضرة وانا زربانا نوريكوم كيفاش ^^
بالنسبة للمقادير والطريقة:
1/السيرو/القطر:فكاسرول:125مل ماء+320غ سنيدة+1معلقة عصير حامضة على عافية متوسطة حتا يغليو، نقص لعافية ومانبقاش نحرك، ملي دوز 5 دقايق نزيدو عليهم 1 معلقة ماء الزهر، نخليوهم يغليو 5 دقايق ونطفيو لعافية. ونخليوه يبرد. ملي يبرد نديرووه فقرة دزاج. او ليعجبكم
2/الحشوة: انا درت تقريبان 300 غ داللوز حمرتو فالكوكوت غير شوية(ماخليتوش حتا يبدا لون ديالو يولي غامق بزاف.) وحفنة دالڭرعاع. ملي بردو طحنتهوم مزيان وزت ليهم 2 معالق سكر ڭلاصي ومعلقة ماء الزهر وخلطهوم مزيان.
3/ دوبت نص كاس زبدة على عافية مهيلة.(فنافس لوقت فاش كنت كانخلط الحشوة)
4/ دهنت المول بدهنة خفيفة من الزبدة المدوبة.
5/خرجت وراق "پات فيلو" (انا ماستعملتش الباكية كلها فالمجموع استعملت 12 ورقة و3 دلورقات لحلوة اخرى، المهم غاتفهمو مع التصاور ان شاء الله)

ملي درت ليها السيرو دردرت عليها پرالين اللوز مع نسيت ماوجدت اللوز مهرمش والپرالين كان واجد عندي. يمكن ديرو اي مكسرات مهرمشة.

يالله شكون ليبغات ذوق، بالصحة والراحة

ملاحظات:
يمكن ليكوم تستعملو اي مكسرات غي ماتخلطوش الكرڭاع مع كاوكاو
الزبدة تدوبوها على عافية مهيلة
هاد البقلاوة طµط­ظٹط© ط§ظƒط«ط± حيت كايتستعمل فيها اقل كيمة ممكنة دالزبدة، كاطيب فالفران، والورقة ناشفة غير ديك الشوية دالزبدة باش كاندهنوها.
ملي طحنو المكسرات خاص يكونو مطحونين مزيا ان حيت ماحدهوم مطحونين ط§ظƒط«ط± كايعطيو مذاق ط§ظƒط«ط± والعكس صحيح
الورقة ديما تغطيوها بمنديل علاما تستعملوها حيت كاتنشف مع الهوا

نتمنى تجربو هاد البقلاوة، فهي كاتجي مقرمشة وبنينة

وهادا الڤيديو فاين شفت الوصفة. الله يجازي مولاها بالخير
ممنوع وضع فديوهات الا اذا كانت من المجهود الشخصي للعضوة

************************************************** ************************************************** *****

﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَاأَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا(56) ﴾

( سورة الأحزاب )

---

frgh,m fhg,vrmK wpdm h;ev , fkdddkm lu hgjthwdg hglw,vm> hglw,vm h;fv

تبارك الله عليك اختي الله يعطيك الصحة

أالله يعطيك صحة
جات غزالة

الله يعطيك الصحة، بارك الله فيك احبيبة

بارك الله فيك ا الغزالة، الله يحفظك

السلام عليكم
وصفة ممتازة اختي بارك الله فيك ولكن الصور يجب تغيرها وعدم الكتابة عليها بالعرنسية والا الموضوع سيغلق قانون المنتدى

تبارك الله عليك
ما عندي ما نقول تستاهلي التقييييم

شكرا اختي بارك الله فيك، لكن انا معنديش صور اخرى هادوك ليعندي كتبت عليهوم وماعارفاش شي طريقة باش نحيدهوم منهوم! يرجى ترك الموضوع ولو ليوم للمجهود وللإفادة قبل ان يغلق وشكرا

بارك الله فيك، الله ينورك

تبارك الله عليك