بعض النصائح لنستفيد

– باش لعجينة تخمر بسرعة خلطي لخميرة العادية مع خميرة حبوب الجبلية، انت كتعجني أهي كتخمر بين يديك ؛

– لفصل أصفر البيض عن الأبيض بسهولة هرسي البيضة فوق صفاية بعيون كبار، الأبيض كيهبط و الأصفر يبقى الفوق؛

– باش تحصلي على حليب غبرة مذاقو زوين ، زيدي فيه شوية الملح؛

– أومليط حتى لا تلتصق في مقلاة عادية أو طيفال نضرب البيض مع شوية الزبدة لا يلتصق و يعطي مذاق زوين؛

– لنحارب النمل في هاد الصيف ، قرعة الماء فيها الشبة و خل التفاح نحركها مزيان و نرش به أماكن دخول النمل؛

– لنحارب الرطوبة في بلاكار مثلا، نفرش الجورنال ثم نضع الملابس و نديرو علبة بها الجير و نتركها مفتوحة؛

– المقراج باش نحيد منه الكاركير le calcaire ، نتركه فوق النار خاوي حتى يصخن مزيان ثم نخوو عليه الماء البارد الكاركير كيطرطق لوحده و يزول؛

– لإزالة الصدء ، البقعة كندهنها بالحامض مزيان و نضعها على فم المقراج على البخار حتى تنشف ثم نعيد العملية حتى تزول البقعة؛

– لإزالة بقع الشكلاط من فوق الزربية نستعمل ماء غازي + ملح فوق الطبعة و نتركها حتى تنشف ثم نمسحها بمنديل ؛

– لإزالة بقع الدم ، نرقد البقعة في الصابون البلدي مع الماء نتركه ترقد ثم نصبنها عادي؛

– لإزالة الرائحة المجهدة من الخلاط الكهربائي بعد طحن بعض التوابل أو الأعشاب ، طحني فيه الخبز المحمص (و للحصول عليه منين كنكونو كنطيب الخبز في الفران لا بد كيكون شايط لينا طريفات الخبز نحمرهم في الفرن و نطحنهم في الخلاط و نستفيذ من هذا الخبز نمرمد به الحوت او شرائح الدجاج إلخ ؛

– لإزالة رائحة الزفورية من الطرموس نغسل الطرموس عادي و نشلها بماء مخلط معاه خميرة الحلوة؛

– باش تطيبي الغداء أو الماكلة في وقت قياسي ، طيبيها مسوسة حتى تقرب الطيب عاد زيدي الملح؛

– لإزالة الصباغة ، نضع البصلة في الثلاجة حتى تبرد مزيان باش ماتحرقناش في العنين ثم نحكها و نمسح المرآة أو الزجاج بماء البصل

– منين تشري البصلة بكثرة و حتى لا تنبث ، علقيها أو ضعيها احدى الثلاجة مابين الحيط و الموطور الصخونية كتساعد البصلة .

– لإقتصاد أو حصول على ماء لغسيل الأواني، خدي 5 ليتر من الماء + كأس ماء جافيل + كاس مسحوق (تيد ،اوني، إلخ) يخلط الكل والآن عندك 5 ليترو من المسحوق السائل لغسل الأواني؛

– غطسي الكركاعة بقشورها في ماء حتى يطفو فوقها مدة 30 دقيقة أو 45 دقيقة، كيساعد في التهراس ديال الكركاعة كاملة بلا ما كتفرتت؛

– باش إجيك القلي مقرمش أظيفي للخبز المحمص خميرة كيماوية ديال الحلوة؛

– دهني البلاستيكة بالزيت مزيان حتى الجوانب ثم ضعي صلصة الطماطم حتى لا تلون الطاسة بالأحمر ديال لصوص؛

– باش يبقى الفقاس مقرمش ديري مكعب السكر 2 مكعبات في السطل أو الإناء اللى خزنتي فية الفقاص؛

– باش تجيك كيكة كيلمع وجهها ، قبل وضعها في الفرن نرشها بحليب غبرة على وجهها ،النتيجة مضمونة؛

– ضعي قرعة سيدي علي خاوية وسط les bottes حتى لا يثنى و يبقى واقف.