بافاروا النعناع والريڭليز والشكلاط يممم مذاق ياسلام للمناسبات الجميلة

العجين
اي جينواز كتسدق ليكم هنا درت بقايا كيكة الشكلاط كانت مسدقاتش ليا وانا نفرتتها وخبيتها

بافاروا النعناع

شوية اوراق النعناع
2 اصفر بيض
3اوراق جيلاتين
معلقة ميزينة
300 مل حليب
100غ سنيدة
250 مل كريم فريش
ملون اخضر
شوية سيرو النعناع

بافاروا الشكلاط

150غ شكلاط اسود من النوع الممتاز
300غ كريم فريش
2 اصفر البيض
20غ سنيدة
3معالق كبار ماء
معلقة ميزينة
3اوراق جيلاتينالعجين

دوزو للطريقة

نديرو الحليب يسخن مع نصف كمية سنيدة واوراق النعناع
فهاد الوقت نضربو اصفر البيض مع الباقي ديال سنيدة وميزينة ممكن نزيدو شوية لحليب باش نرخفوها ونضربو مزيان

ملي يفيض الحليب نحيدو منو اوراق النعناعنزيدوه على البيض بشوية واحنا كنحركو باش يتعقم ونرضوه فوق البوطة نبقاو كنحركو حتى تبدى يعقد واللي كيتسمى كريمة انجليزية
نحيدوه من فوق البوطة نضيفو اوراق الجيلاتين تكون مزڭة من قبل في الماء بارد ونخلطو حتى يدوب
نزيد الجهد لي بغيت ديال سيرو ديال ط§ظ„ظ†ط¹ظ†ط§ط¹ والملون اخضر وانا زدت حتى حلوة الريڭليز كتعطي ظ…ط°ط§ظ‚ زوين

نضربو كريم حتى تولي شونتي وملي يبرد الخليط نضيفو ليه الشونتي ونحركو غير بشوية

ندوزو للطبقة التانية

ملي يدوب الشكلاط نزيدو عليهم ونرد الخليط فوق البوطة حتى يبدا يعقد ونحيدو من فوق البوطة ونزيد ليه اوراق الجيلاتين مفزكة في الماء بارد (((((نفس طريقة الطبقة الاولى)))))

ملي يبدا يبرد نزيد عليه الشونتي بشوية وانا كنحرك ونديرو فوق الطبقة الاولى ونخليه يبرد مزيان عاد نزين باللي بغيت

في الطبقة الاخيرة درت السيرو والماء يغلى مع معلقة ميزينة ملي ختر زدت عليه ورقة جيلاتين

ولكن كنت مزروبة مكانتش طبقة الشكلاط جمدات وهو يهبط لي للتحت
خليتو نشف وغطيت العيب بالشكلاط دايب مع معلقة كريم فريش هههههههه
وهو لي عطى داك الجيلي الاخضر وسط الحلوى كنت بغاه يجي من الفوق ساعة مكتابش ماشي مشكل
المهم جات لذيذة وتستحق التجربة واخا تبان فيها بزاف المراحل راه ساهلة ودغيا كتوجد

وهادو اشكال كنت صايبتهم قبل مع التغير في الحشوات

وهادي نسمة الفريز /الڤاني/القهوة