انتفاخ الثديين من أعراض الكلوميد؟؟؟؟؟؟؟

أنا هاد الشهر كانت عاطياني الطبيبة لكلوميد أو ملي مشيت عندها نهار 13 من الدورة كيفما قالتلي قالت ليا البويضة هاد الشهر ماكبراتش بقات صغيرة أوأنا اليوم نهار 19 من الدورة ديالي أوكنحس بصدري منفوخ أو لاحظت حتى كثرة التبول أعزكم الله واش هادشي من الأعراض الجانبية ديال الكلوميد أولا تقدر لبويضة تكون تلقحات ؟؟ واش تقدر البويضة تكبر في يومين أو توصل للحجم المناسب ؟؟ عفاكم جاوبوني

---

hkjtho hge]ddk lk Huvhq hg;g,ld]??????? hgj]odk

كلشي بيد الله الله يدير ليك الي فيها الخير معنديش فكرة ولكن شربت كلوميد 4 مرات ومرضيتش البال

آه أختي راه من آثار الكلوميد وارتفاع الهرمون وانا من تجربتي من نهار خديت الكلوميد بقاو كيجيوني هاد الأعراض كل دورة وخصوصا عند اقتراب موعد الحيض.

شكرا أختي أم براء أنا اللي خلاني نشك في حملي اللي تاح لي وقع ليا هاكا داكشي علاش ختي أم براء واش كنتي كتاخديه أو كتراقبي التبويض أو واش البويضة عندك كانت كتوصل الحجم المناسب ؟

اختي أشنو المشكل اللي عندك حتى كتاخدي الكلوميد؟ أنا ملي وقع ليا إجهاض رتافع عندي هرمون الحليب شوية 36 أو ملي مشيت لطبيبة أو عطاتني دوستنيكس مدة شهرين حبة في الأسبوع أوماقالتش ليا ملي تاخديه شهر عاودي التحليلة باش تشوفي الهرمون واش تقاد أولا لا أنا بقيت كناخد فيه حتى نزل الهرمون على المستوى الطبيعي 1.9 أو هو ملي كيطلع أولا كيهبط على المستوى الطبيعي كيدير مشاكل في الإباضة هادشي علاش عطاتني لكلوميد

ربي معاك والله يشافيك ويرزقك الذرية الصالحة

آمين ياربي شكرا حبيبة على هاد الدعيوة

أختي الله يرزقك الذرية وإنشاء الله تكوني حاملة وتجي تفرحينا،هو الكلوميد حقيقة كايدير هد الاعراض ،اعراضك بحال اعراض الحمل،كترة التبول أعزك الله،وانتفاخ التدين،والسخونة وكاين لي كتولي معصبة،وكل وحدة والجسم ديالها وكاين لم كيدير لها والو،المهم احسن دليل هو التحليل هو لغدي يبين،ومن اعراضو كدلك تاخر الدورة والله يعطيك لفها الخير،بالنسبة لهرمون الحليب انا كانت قلت لي الطبيبة غير هداك الدواء ديال تنزيل هرمون البرولاكتين راه كافي باش المراة تحمل هو أصلا كيساعد المراة باش تحمل،

اختي اانا خديته للمساعدة على الحمل. ونصيحة مني ماتاخديهش كثير راه كياثر على الجسم ولا قدر الله كيدير كيس عالمبيض.