الاخوات انا كنطلب من كل وحدة حادكة وكتجيها مرقتها ط¨ط§ظ„ط¯ط¬ط§ط¬ بنييينة تقول لينا ط·ط±ظٹظ‚طھظ‡ط§ كيفاش كدير حيت الاغلبة كيقولو لينا كيفاش كيصاوبو الدجاج محمر و الطواجن الى اخره والمرقة في ط§ظ„ظƒظˆظƒظˆطھ ولا الكميلة عمرني شفت شي وحدة كتبات الطريقة ديالها اوا على بركة الله نستافدو من بعضنا الانيقات
hggd ;juvt jwh,f hglvrm fhg][h[ td hg;,;,j ]og j,vdkh ‘vdrjih tags
طريقتي في نصيب الدجاج المحمر هي نفسها لي كندير في أيامي العادية وخا يكون غير فخد كنرقدو في الثوم والعطرية والسمن والحامض مصير و الربيع وبصلة محكوكة وكنقليهم مزيان وكنضيف شي نصف كأس ماء ونخليه إيطيب على عاية مهيلة وملي يدخلو الطياب نضيف الخضر لي بغيت ونخليهم يطيبو وها غدايا واجد
عزيزتي تم نقل الموضوع للقسم المناسب
طريقتي احبيبة عادية :
الدجاجة ولا لي موجود عندك منها : فخد ولا صدر …. تكوني غسلتيه وملحتيه من قبل كيف تتعملي مع الدجاج
انا تنجبد دجاجة ولا 2 تنفصلها حيت غير انا وراجلي في الدار وتنغسلها ونملحها مزيان مع الخل ونخليها 3 ولا 4 ساعات ونشللها ونخليها تسقطر مزيااان عاد تنشرملها
: االافخاد تنشرملهم على حساب الطاجين :
بصلة محكوكة في الحكاكة الرقيقة + 3 ثوم مدقوق+ شوية معدنوس وقزبور مدقوقين + ملح+ خرقوم+ سكين جبير+ قطرات زيت زيتون+ ضامة الربيع والزعفران الحر محكوكين او معكيهم مزيان بين يديك وخلطي مزيااااان وشرملي به الافخاد ديالك وحتى الصدور الا بغيتي طيبيهم طاجين وخليهم في الثلاجة ليلة كاملة باش اشبعو شرمولة وفي الغد قسميهم على حساب الايام في اكياس بلاستيك
اما الصدور انا تنبغي نديرهم قطيبات شرمولتهم :
مرة : دانو مسوس + موطارد+ قطرات عصير حامض + شوية ثومة حبة ولا 2 مدقوقين + ملح+ خرقوم سكين جبير او الكاري غير شوية ماتكثريش منو حيت قوي + هريسة زويتة بلدية ونرقد فيه اللحم من بعد مانقطعهو على شكل كباب او ستيك ونخليه ليلة كاملة حتى للغد عاد تنطيبو
و مرة عاو تندير بصلة مشلظة + ثوم + معدنوس + ملح+ تحميرة+ هريسة + سكين جبير + زويتة وونرقدهم ليلة عاد نشويه
نرجع لك للطاجين ك
من بعد ما تنشرمل اللحم تناخد طاجين او كوكوط تندير بصلة كبيرة مشلظة رقيقة + 2 ثوم مدقوق + زويتة بلدية واخرى على نار مهيلة حتى تنزل شوية تنزيد اللحم ونتبل : سكين جبير+ خرقوم+ ضامة البنة ربيع وزعفران حر + 1 ملعقة كبيرة مطيشة ديال الحك شوية ديال الكاري وحد ربع ملعقة صغيرة وقطرات ماء قطرات فقط ونخلي كلشي على نار هااااااااااااااادية وانا تنحرك ماتنسهاش عليه والا شربات تنزيل الماء غير بالقطرة حتى تنحس باللحم بدا يدخلو الطياب وريحتو طلعت تنمرق ولكن غير القياس ونسد ونخليه حتى يقرب يطيب تنزيد عليه الخضرة على حساب :
بطاطا وخيزو ولا الجلبانة والقوق ولا السفرجل المهم الخضرة التي انت غتخضري بها
مرات تنصبها بوحدها بحال السفرجل والخرشوف ولا الكرعة الخضرا لي غنخضر بها تنردها بوحدها وناخد من المرقة للحم ونخليها حتى تخثر وتعقد وصافي نخضر بها
ومرة تنديرها مع المرقة بحال بطاطا وخيزو ولا جلبانة ولا السفرجل الا مابغيتش نعسلو
صافي تنخلي المرقة حتى تعقد عاد نطفي عليها لالازم تعقد لك باش تجيك بنينة
هجشي لي تندير احبيبة ومرقتي لي كلاها تتعجبو ماشاء الله لا قوة الا بالله
الطياب خاصك الخاطر والتركيز واهم حاجة التقلية ديال اللحم والبصلة في اول مرحلة للطياب
المشاركة الأصلية كتبت بواسطة مريم ام علي 
ايه احبيبة
باش ملي تبغيهم تتنصبيهم نيشان في طنجرة ماتشلليهومش وعاد زيدي تبليهم شوية مرة اخرى او ممكن تجبديهم بوقت وتخليهم في طنجرة حتى يذوبو عاد كملي النصيب عليهم
انا الا كنت زربانة تنديرهم نيشان مانصبرهش عليهم ونزيد نتبلهم شوية + بصلة ولا 2 مشلظة رقيقة ونردهم على نار مهييييلة هما تيتذوبو وهما تيتشحرو وتيكونو شابعين شرمولة وبنان
يعني كندير الاول ف كوكوط الزيت وندير اللحم يتقلى ونضيف عليها بصلة مشلظة وثومه ومطشي مرات نديرها ومرات الا
ومنعد كنضيف العطرية ملح ابزار اسكنجبير وتحميرة وخرقوم
وملي يتقالي مزيان كنمرقو بالماء منكثرش الماء و الماء يكون طايب ونضيف غير ف الجناب منقيسش اللحم
ونجهد البوطة غير تنودلي كوكوط ونقص ليها باش يطيب على مهلو
منبعد كتسديها واحد شوية بلا ما طاب اللحم وضيفي عليها الخضر اللي بغيت مثلا لفت ولا خيرز ولا جلبانه
وبطاطا خليها حتى الاخير حيت دغيا طيب وضيفي معاه قسبر مكرد مزيان وضامة بنة اختياري وشوية زيت زيتون
وصافي وكتخليها حتى تشحر مزيان وتقديمها بالصحة وراحة