السلام عليكم,مشكلتي مع ولدي عندو عام و سبع شهور,بحكم اني موضفة دخلتو للحضانة,وككل لوليدات في الاول ماعجبوش الحال ولكن مع الوقت صافي ولف,و حيت ما كيطولش,كاناخدو غير في الصباح,المشكل هو ملي كانبغيو ندخلوه للدار كايبدا يبكي بطريقة ما كتفهمش و يبدا يتلاح في الارض وما كيبغيش يدخل,اما ملي يدخل للدار حرام واش يسكت,كا يرجع معصب و غير لاسق فيا يبغيني نهزو وما ندير والو,وكايبقا غير يبكي وماعندو خاطر,وحتى ماكلتو قليلة ونعاسو ديما مقطع وكاينوض ديما بالليل كيبكي وملي نهزو عندي كايبقا يزير عليا,وملي نسول عليه المعلمات كايقولو ما كيبكيش وكا يلعب,وحتى انا كنمشي على غفلة كنلقاه فرحان وكيلعب وغير يشوفني كايبدا,وحتى الى خليتو مع دارنا كيكون عادي هوما ط§ظ„ظ„ظٹ لاحضوها,ما فهمتش واش كيقنط في الدار مع العلم انو عندي بنيتا كبر منو بثلاث سنوات وكتلعب معاه,المهم طولت عليكم ومابقيتو فاهمين والو حتى نتوما ياك,انا عياني صراحة ملي كنفتح عنيا وهو كيبكي,حطو راسكم في بلاصتي وحسو بيا وجاوبوني عفاكم
hggd tilhj Na i, hgla;g jtilkd , ju’dkd kwdpm ,wpdm
أنا من رأي أختي أم ربيع، خاصك تزيدي تبحثي باش تعرفي علاش ولدك كيتصرف هاكاك… واخا أنا كنظن أن البكاء ديالو طريقة كيعاقبك بيها لأنك خليتيه فالحضانة، واخا هو مرتاح فيها… آش غنديرو، بين مطرقة العمل وسندان الأطفال!
الله يحسن العوان وصافي!