السلام عليكم بغيت وصفات بالفول الطري ارجو الافادة
hgt,g
09/03/2019
السلام عليكم
هاد الطريقة اسرع طريقة لكيطيب بيها الفول
المقادير والطريقة الفول قسبور ومعدنوس وتومة مدقوقين مع الملح الكافي كمون فلفلة حمراء طريف ديال الحامض مرقد وزيت بلدية
اترككم مع الصور
نجمعوا كل العناصر في كوكوط ونضيفو عليهوم كاس ماء
من بعد نسدو الكوكوط ومنين تصفر نحسبولها عشرة دقائق ونفتحو على الفول الى ممقليش نزيدو نقليوه
وهاهو واجد بالصحة والراحة
كنحتاجو لهاد الطبق ل
مطيشة محكوكة شي 2
قزبر ومعدنوس و ليقامة ( الملح + إبزار+ كمون + طحميرة + الخرقوم) وتومة و الهريسة اللي تيبغي الطبق يكون حار
الفول
تشحر المطيشة في شوية الزيت من بعد نضيف لها الفول وليقامة وربيع وتومة محكوكة ونسدو عليها الكوكوط أو نغلقو عليها في مقيلة ونتركها تطهى
وهاهو وجد
إوا مدي إيدك مالك حشمانة دوقي واخة غير شوية
</STRONG>
نحكو عليه مطيشة تكون كتيرة و الربيع مقطع و التومة محكوكة و
الزيت البلدية و السودني و الملح و التحميرة
و الكامون و الحامض طري ماشي مرقد
و نخليوه ختى يطيب و يتشحر و نطفيو عليه
فوقت التقديم نعاودو نشحروه
من طرف : Romaysati
الفول المشرمل
1كيلو الفول
ملح
تحميره
كامون
3 فصوص تومه
قزبر مقطع
ملعقه عصير حامض
نصف كاس زيت بلديه
بعدما نصلقو فول نديروه في مقلاه + ملح+تحميره + كامون+توم مهروس+قزبر+عصير حامض+ زيت نغطي طنجره ندعها تشرمل مزيان
يقدم طبق حسب دوق
