سلام اخواتي محتاجة مساعدة منكم
غادية نولد انشاء الله شهر 11 اولدي يلاه عندو دبا عام ونص’ بغيت نعرف كفاش خصني نتعامل معاه باش يتقبل فكرة ان ولا عندو خوه امبقاش بوحدو’ بغيت نعرف ادق التفاصيل حيت مبغيتش ولدي يتقلق او يتعقد. راني غير كنتفكر هاد الموضوع كيطيح عليا ضيم اكيبقا فيا ولدي مسكين مزال صغير حتى رضاعة ديالو مكملتهاش ليه حيت حملت بالخطأ
لي عارفة شي حاجة او دازت من نفس التجربة متبخلش عليا بيها الله يعطي لكل وحدة داكشي لي ناوية فخاطرها يا ربي
hgydvm uk] hgh’thg
السلام عليكم الله يفكك على خير ويعطيك ليفرحك،مل تولدي انشاء الله دي معاك للمستشفى اي حاجة عزيزة على ولدك أ قول ليه شوف أشنو جاب ليك خوك ولعبي معاه بزاف لأن المولود الجديد باقي مكيعرف والو.انا ولدي عندو 7سنوات مل ولد خوه جاتو الغيرة بزاف واحد النهار دخل من المدرسة قلت ليه رد البال لخوك دابا نرجع خرجت للحانوت رجعت لقيتو حرقو فديه قلت لو علاش حرقتيه بقا يبكي قالي كتهتم بيه و تلعب معاه كثر مني فالحقيقة بقى فيا بزاف بقا شحال وهو يبكي ويطلب السماحة
اول حاجة ختي خاصك من دابا توجديه نفسيا ، ماشي حتا يجي خوه ما يعرفو منين خلط عليه ، انا ولدي كنت كنوجدو نفسيا و ملي ولدت ما حيدتليه والو ديالو حتا ناموسيتو بقى تينعس فيها حتا عطاها لراسو لخوه، ملي جيبت خوه الصغير ، شريتليه الشوكولا و قلتليه هادا جا مع البيبي، وتنقوليه بوس خوك ديالك و غادي تلعب معاه ملي يكبر و انت ملي تولدي ديما طلعي بولدك الكبير ، بينيلو بانك كتهتمي به كتار من خوه الصغير و مع الوقت غادي يولف الوجود ديال خوه ، ربي يخليهومليك و يعطيك وقفة ساهلة
chokran akhawati 3la htimamkoum, mochkila weldi yallah 3am w nes ma3reft kifach ghadi nwejdou nafsian , kanb9A ngolih rah ghadi ywelli 3Andek khouk momo mais mou7Al wach lmsg kaywsel hit mazal sghir