العيش بلا هدف

سلام كيما دكرت فالعنوان كنمر بضروف صعيبة أنا مزوجة وهد زواج سجن زوجي مكبلني مخلاني ندير ولو غي دار والغربة والوحدنية مليت حياتي وبقا عندي حتى هدف كنحاول نخلاق أهداف معاه ولكن ميبغيش يهضر فالمستقبل بقيت حايرة كنفكر علاش أنا عايشة لمن عايشة ولا يقسني الوسواس والاكتٱب حتى حاجة متحلالي متيجنيش نعاس حتى 4 دصباح منفيق حتى 12 نفيق بسيف وكارهة حيت نفس الشي الهدف الوحيد لي دايرة بين عيني هو نتخلاص من هد السجن زوجي كرهتو كنقر القرأن كنطلاب الله يحسن من حالي عيت ومليت واش فنضركم الحالة ديالي محتاجة طبب أم أنها بسبب الضغظ والقمع لي عايشة فيه

---

hguda fgh i]t

اختي غير صبري معندك مدري الا عندك الوليدات صبري مناجلهم متعمريش راسك براجل حاولي تكلمي معاه غير بسياسة مضغطيش عليه قراي القران وكثري من الاستغفار باش الله جبلك الحل

ختي يا ريت كن عندي وليدات بعدا نقول راني صابرة عليهم المشكل اىكبير انه ميولدش

عن طريق : TCT – ONE TOUCH 6012D

لحبيبة ديالي

حاولي على راسك واستعيذي من الشيطان الرجيم

راه كاع حالنا هداك حتى متغربة وجالشة فالدار متنعرف حد متنمشي عند حد ولا تيجيني حد اصلا معنديش الزهر مع الناس تنقول الخير فيما اختاره الله لنا

متنخرجش الا مخرجنيش

لكن شنو غندير

وقتي كله تنعمرو بشغل الدار بعض المرات الشيطان الرجيم تيحاول اوسوس لي واسخني لكن كنتسعذ منو

ونرجع نعمر وقتي بين شغل الدار والدخول للنت والاستماع للشيوخ بحال العريفي محمزد المصري محمد حسان نبيل العوضي وووو لي موثوق فيهم وتيحبوبنا في الاجتهاد من التقرب الى الله لانه تيبسطولنا الطرق

خلي هدفك نشر الخير حتى ولو عبر النت

دخلي المنتديات وخلي نيتك ان اي عمل غديريه حتى ولو رد بدعوة صالحة بظهر الغيب لاخت محتاجة لها انها غتكون خاااااااااااااااااااااالصة لوجه الله باش ربي انولك ثوابها

تسجلي في اكثر من منتدى وحاولي تفيدي بلي عرفك به الله ونويه خااااااالص لوجه الله وعمرك ماتنتاظري شكر من اي حد حتى ولول ماجاووبكوش قولي عند ربي ثوابي واستمري
احضة ونرجع لك

كلامك صحيح الجلاس فالدار نعمة للي تقدرها و كيف قلتي عطا الله مايدار .. انا بعدى عمرني ماحسيت بالقنط واخا كانجلس بوحدي و ماعندي صحابات و الحمد لله اللهم هاكا ولا المشاكيل و صداع الراس

السلام عليكم ا

هانا رجعت لك اختي

عمري وقتك كيف قلت لك
وعوض ماتبقاي سهررانة بالتخمام وتعطي الطوع للشيطان الرجيم حتى 4 ديال الصباح نوضي صلي قيام الليل لي قديتي عليه ولو ركعتين وقراي القران واكثري من الدعاااااااااااااااااااااااااااء بلي بغاها لك خاطرك راكي تطلبي ملك الملك من يقول فيكون يعني حتى حاجة ماصعيبة عليه فقط تكون عندك ثقة في الله سبحانه وتعالى ويقين تاااااااااااااااااااااااااااااااااااااااااام انه مخديش اخيبك وماتستعجليش الاستجابة وتقولي صليت وطلبت ووومزال مابان والو وتياسي وتوقفي ايااااااااااااااااااااااااااااااااكي تعملي هدشي بحال بزااااااف ديال الناس لي الشيطان قدر عليهم

عرفي بان الله تيعطي الخير في القوت لي هو تيشوف فيه الخير للانسان وانه تيحرم الانسان من حاجات لانه ماشايفش فيها له الخير حتى ولولطلبها صباح وليل راه من الخير له انه مايستاجبش له وتذكري داااائما ان الخير فيما اختاره الله لنا مهما شفناه صعيب علينا او معجبناش هذا من الشيطان لالازم نرضاو به ونحمدوه لانه عارف شنو لي ينفعنا اختي

اكثري من الاستغفاااااااااااااااااااااااار خصوصا في الثلث الاخير من الليل يعني قبل من اذان الفجر اقل شي ولول غير بنصف ساعة ولو كان اكثر اكون احسن لا يكلف الله نفسا الا وسعها وخلي لسانك طول اليوم رطب بذكر الله

صدقيني تبعي هدشي غتشوفي لدنيا بعين اخرى ةغترتاحي

ماتبقايش تقارني راسك بغيرك وتقولي علاش هديك هكا وانا هكا وووو

راه كل واحد وكيفاش بغا مولاه اشوفو وكل شئ ابتلاء منه وامتحان لالالالالالالالالالازمنا كمسلميني ننجحو فيه وياااااااااااااااااااااااااااااااااااااربي بامتياز

بالطريقة هدي غتعيشي سعيدة ومرتاحة البال لان الرضا بقضاء الله والصبر على البلاء او الابتلاء راه فضل ونعمة من الله متيعطيهمش لاي حد الا للانسان المؤمن

اما الا بقيتي تسمعي الشيطان الريجن وتتالمي على حالك وماترضايش به غتتعذبي وهانت جربتي وشفتي وحسيتي
زائد مغتغيري وااااااااااااالو من قدرك اوى علاش ماتكونيش العكس الحبيبة وتكسبي الدنيا والاخرة

فيقي الصباح وعملي شهيوات دخلي للمنتدى وكل يوم جربي حاجة ووحاولي دخلي الفرحة لراجلك ونوي هد العمل لوجه الله حتى لولو هو متيتعاملش معك مزيان مشي مشكل لوجه الله

شوي شوية حتى اتغير

كاين اقسام الفصالة والخياطة والقراية ديال اللغات والسيراميك وبزاااااااااااف اختاري لك حاجة ولا 2 وحاولي تشغلي وقتك

يعني عطى الله مايدار غير تعوذي من الشيطان وتوكلي على الله وديري هدشي لي قلت لك وانت تشوفي كيفاش حياتك غتولي حلوة ومنورة باذن الله

نتمنى نسمع عليك كل خير والا بغيتي نبقاو على اتصال بالسكايب معندي حتى مانع اختي

السلام عليكم الله يفرجها علك يارب ويفرجها علينا كاملين

الله يفرج كربك ويزيل همك

قراي القرءان بزاف تقربي من الله تعرفي على الله في يوتيوب كثري من الدعاء جوج ركعات في السحر تولي حياتك جنة جنة وانتي في الارض يعيشك ربي في جنة تحسي بسعادة ميحس بيها حتى واحد من غيرك ديري الي قلت ليك وغادي ترجعي تقولي لية اشنو كين دابة انتي في ابتلاء وربي تيمخصك وتيشوف ايمناك واش قادرة تصبري او لا غادي تسخطي من رضية فله الرضا ومن سخط فله السخط الى تقربتي لله بالطاعات والله اختي ربي حتى يفرحك في قلبك