العطلة في المغرب

السلام اخواتي مغتربات المانيا ، حبيت نناقش معاكوم واحد الموضوع مهم بزاف ومؤرق بالنسبة ليا ، وهو ط§ظ„ط¹ط·ظ„ط© في ط§ظ„ظ…ط؛ط±ط¨ ، نتمنى كل وحدة تحكي لينا كيفاش كدوزها ، واش عند اهلها ولا عند اهل زوجها ،ولا كيقسموها بيناتهوم ، ويلا مشات غي هي و الوليدات فين كدوزها ؟؟ كل عا م كنوقع فمشاكيل بسبب هاذ الموضوع لان زوجي كيبغيني ندوزها عند دارهم المشكل ان المدة ماشي قصيرة داه ستة اسابيع و ما اطولها . واش نهدر على حقي ولا نسكت و نكلس عند ناسي وندوز ط§ظ„ط¹ط·ظ„ط© على اعصابي ؟؟؟ ظ†طµط­ظˆظ†ظٹ الله اخليكوم .

---

hgu’gm td hglyvf gdh l.hg hgfhvp hgphg hovn fha fdh pjn vhi ak, yh]d uk]d uk]il tdih ih]d ,gh klad ,hggi ,ha kwp,kd ks,g ???? rhg

غلى مابان لي انا بوحدي لي كنعاني من هاد المشكل سعداتكوم ، على العموم شكرا

هههه هادشي فاش لقيتيني كنفكر أنا دارنا ف فاس و عكوزتي فنواحي مراكش و لحد الآن يالاه مشيت مرة وحدة نزلنا فمراكش و دوزنا تما العيد الكبير و مشينا لفاس راجلي رجع حيت قطع من مراكش و أنا بقيت موراه بشي يامات و رجعت من فاس و لكن المشكل هو ماشبعتش من عائلتي حيت ملي رجع راجلي جات عكوزتي و لوسي لفاس صراحة جاو يعزيو فراجل عمتي الله يرحمو و لكن دوزو معاي العطلة كاملة حتى وصلوني للمطار وعاد مللي كنا عندهم لوسي كيقولي هدري مع راجلك باش تزيدو تبقاو معانا مسخيناش بكم و ماكايديرش فبالو باللي موحشة عائلتي و دابا غادي نمشيو من فاس و نرجعو من فاس و أنا يالاه دايرة العملية على رجلي وضروري غانمشيو لعندهم و حتى دابا هههه باغيين يجيو يعزيو فعمي الله يرحمو إيوة الله يدير تاويل د الخير سمحيلي طولت عليك القنطة ومادير هه غير هو فنظري تقسمي العطلة بين عائلتك و عائلة راجلك و راجلك خاصو يتفهم هادشي ونتي تعرفي كيفاش تقنعيه

سلام عليكم ورحمة الله وبركاته
اوا شنو غدي نقولك اختي اكيد كل واحد والظروف دياله عليها اكيد تلقلي اختلاف بزاف ولكن انا من وجهة نظري مدام الاهل ديالكوم بجوج في المغرب خاصكم تقسمو العطلة بالعدل بينتكم متلا تبقاي 3 سيمانات مع رتجلك في دارهم و3 في داركم والا راجلك بغا يبقى في دارهم مزال المهم انت تدي حقك لوالديك حيت حتى هما غيبغيو يجلسو معاك ويدوزو وقيته مع ولادك حاولي احبيبتي تجلسي مع راجلك وتفاهمي معاه بهدووء ورزانه وحسيه انه ماشي كتهربي من عائلتوو بالعكس غير هو بغيتي تكوني حقانية وتريحيه هوو وترتاحي انت

شكرا الاخوات اللي جوبوني فرحتوني بالردود ديالكم الله يفرحكم،، اختي بنت البلد والله العضيم الا انا كنبغي نكون حقانية معاهم ولاكين الغالب الله ، هو كيبغيني نبقى مقابلة ماماه محيت خواتاتو كلهم خدامات، للاشارة راجلي وحيد ماماه من بين البنات،تيقول ليا راهوم موحشين الولد والا بغيتي تشوفي داركوم سيري عندهوم شي عشية ورجعي ، وحتى ماماه كتعمرو عليا باش ميخلينيش نمشي عندهم ،راني قريب نمشي انشا الله وتنفكر بزاف والله مابقيت عارفة ماندير،سمحولي الافكار ديالي مشتتة ، القلب عااااااامر

السلام عليكم أختي كل واحد وضرفو كيف قالو لبنات، أنا إلا هبط مع راجلي نزلو لاول لدارهم إلا كان ليل نبات وغد ليه نمشي نسلم على الوالده ، ونبقى طول العطله هابطه طالعه ههههه تقريبا يوميا كنشوف الوالده، حيت هيا ف وسط لمدينه وحنا كنخرجو يوميا فكندوز عليها ، لكن مني يرجع راجلي ونبقى مع وليداتي كنجمع حويجاتي كاملين ونمشي عند الوالده رسميا وهدي عادتي مني تزوجت ، لكن droufna مختلفه أنا الوالده دياله عادي عندها ويمكن عاد كتهنى مني هههه وهو ماشي ولدها الوحيد، وموافقني ما عنده مشكل. إلا حاجة وحدة إلا كنت مضطره نهبط بوحدتي غير عند والديه ونجلس على أعصابي نجلس ف داري حسن هدا رأي.

عندك الحق اختي حامدة ربها كل واحد و الضروف ديالو ، انا ضروفي فريدة من نوعها، لوستي حتى هي حماتها معندهاش المشكل تكلس شحال ما بغات عند ماماها و انا نبقى مقابلاهم و نمرض فراسي ٌٌتيبان ليا نبقى في داري حسن ليا بناقس من هاذ العطلة هههه الله ادير الي فيه الخير

سلام اختي، انا نقوليك رايي،يلا كنتي مع راجلك في العطلة،قسمو العطلة بين اهلكم،و بطبيعة الحال غتمشيو تساراو فشي مدينة اخرى مغتبقاوش ديما معاهم،انا شخصيا كنبغي شوية الإستقلالية مع راجلي و وليداتي في العطلة ماشي ديما العائلة…..و يلا كنتي بوحدك سيري ديري الصواب مع دار راجلك و جلسي معاهم شي يامات،و ما باقي سيري اختي دوزيه في داركم،راه العطلة ديالك و حتى نتي خاصك ترتاحي فيها،و اكيد غترتاحي فداركم،يمكن راي ديالي غيجيك شوية قاصح ولكن اختي هادشي كيفقسني فاش كنشوف لمرأة خاصها ديما تبقى دير الخاطر للناس و هي تاكل في العصا و تبقى بلا خاطر،بناقص ڭاع من هاد العطلة لينبقى نخمم ليها و دايرا ليا الإرهاق وانا باقي ممشيت ….. سيري اختي كما قلت ليك ديري الصواب و فرضي راسك و الرأي ديالك و الله يكمل ليك بالخير و عطلة سعيدة نشاء الله ليكم

احبيبة مكذبتيش راها دايرة ليا لارهاق من دابا ههههه ،انا اصلا راني حطيت هاد الموضوع باش ناخد فكرة من الاخوات كيفاش كيدوزو العطلة ديالهم واش بحالي ،ساعة بان ليا انا الوحيدة اللي فدار غفلون ههه ، ولكن انا الي حدرت الراس من الاول داكشي علاش ركبوني ولاو كيعمرو عليا راجلي باش ميخلينيش نمشي عند دارنا ،حتى ماما مكدخلش كتقول ليا غي صبري ، انا الصراحة عيييت و الله ،شكرا بزااف احبيبة على النصيحة ،و الله اعطيك مانويتي فخاطرك.

أختي لي كيصلاح لغيرك ماشي بالضرورة يصلاح ليك
لهذا أنا نصيحتي ليك ساعفي مع راجلك وحاولي تتكلمي معاه بالتي هي أحسن
وإيلا كنتي ناوية التغيير راه ماشي بالضرورة يكون فمرة وحدة، ممكن تغيري الأمور حبة حبة
يعني كل عطلة تزيدي عادة جديدة حتى يتوالفو عليها ناسك وراجلك بلا حزازات وصداع ومشاكل
من ناحية أخرى، ممكن تشوفي أن ناسك على الأقل باغيينك وما كيتهربوش منك ومن وليداتك
وهادي نقطة إيجابية تساعدك على التفكير بقلب مفتوح
العطلة كنعطيو فيها من وقتنا ومجهودنا وفلوسنا
يعني حاولي تستغليها بالضحك والمحبة والخاطر
بعدي من شد ليا نقطع ليك باش ما ترجعيش بالمشاكل لي تنغص عليك الحياة العام كامل من بعد
وتفكري أن الناس ماشي بحال بحال
نتمنى ليك عطلة سعيدة إن شاء الله
والعقبة ليا يا رب ولجميع المغتربات