سلام البنات كيف انتوما لباس بغيت انسقسيكم أنا عرسي في الصيف انشاء الله أخداما خدما مرتاحا وللاه الحمد أقريبة لدار لغنسكون فيها انشاء الله معرفتشي ملي نعمل ط§ظ„ط¹ط±ط³ واش انكلس في الدار 
أو نبقا خدامة أنا حيرانا راجلي كيقولي ليبغيتي خيفا انكلس في الدار أنقنط أنندم على بلاصتي بصراحة زعما معنديشي شي تمن في الخلصة سكرتارية كنتخلص في الشهر 1000 DH فيدوني الله ايجزيكم
hguvs , hgo]lm hg]ogm
نصيحة مني الى كان زوجك قادر اصرف على البيت واولاده بيتك احسن لك
خصوصا الى ولفتيها ليه من الاول
وعلى كا بان ليا راه المبلغ لكاتشدي ضيف بزاف يعني اللهم تخدمي بيتك وزوجك واولادك لغادي اجيو ان شاء الله احسن عمل لك وتنتاضري الاجر من عند الله
أولا مبروووك أختي الحبيبة سلفا
بارك الله لكما وبارك عليكما وجمع بينكما في خير
بالنسبة للخدمة ديالك أنا رأيي من رأي الأخت حركات
من الأأفضل الى ما كنتيش محتاجة للخدمة تجلسي في دارك وتهتمي بالزوج ديالك وماعمر المسلمة كايكون عندها وقت فراغ
والمفروض نستاغلو الوقت ديالنا في شي حاجة مفيدة بحال حفظ القران وتعلمي شي حاجة جديدة تنفعي بيها راسك و دارك واستاغلي الانترنت قدر المستطاع حيت فيه بزاف مايدار ولكن ماشي على حساب وظيفتك في بيتك والعبادة ديالك
نقولك مثلا القصة ديالي كنت خديت الدبلوم في تسيير المقاولات وقلت نرتاح ليا واحد الشهر ونقاد الضواسا ديالي ونبدا نقلب على خديمة
ساعة ملي جلست الشهر الاول عجبني الحال وكانقول حتى للشهر اللي بعدو وهكدا حتى دازت ثلاث سنوات وأنا في الدار وكون كانلقى ما نخرجش منها ههههه بعد المرات أسبوع ماكانشوفش الزنقة 🙂
لكن اللي خلاني نولف الدار هو الأنترنت كنت كانتعلم من خلاله الديزاين بفضل الله ثم شي أخوات من بلدان مختلفة تعلمت التصميم على ايديهم
وملي خرجت للبحث عن عمل خدمت في مجال الديزاين وماشي بالدبلوم ديالي اصلا وخدمتي ولله الحمد مرتاحة فيها بزاااف بزاااف بزاااااااااااااااااااااااف لأنها هواية ديالي والصالير ديالي حاليا 4000 درهم ولله الحمد
لكن بإذن الله الى سهل عليا الله ويسر زواجي غادي نجلس من الخدمة وهذا الشرط ديالي ههههههه حيت المرأة أعظم وظيفة عندها هي الإهتمام بالبيت ديالها وتربية اولادها تربية صالحة
الهواية ديالي نستاغلها في داري باذن الله عن طريق الانترنت في المجال الدعوي ونتعلم حاجات اخرى ان شاء الله كانفكر حاليا في التصوير الفوتوغرافي الخاص بمجال الإعلان والتقنيات ديالو وأيضا طلب العلم الشرعي وحفظ القران 🙂
اسأل أن يوفقني واياك وجميع بنات المسلمين لما يحبه ويرضاه 🙂
تاني حاجة أنا كنت فنفس الموقف ديلك ،لكن بحكم أن غنبدل لمدينة بزز مني غنخرج ملخدمة
نصيحة لي نعطيك هي متسرعيش ومتغوركش دك الأيام الأولى دزواج ، بقى خدمة دبى باش يالله تجمع شوار ديلك وتوجد نلعرس حيت كاين المصاريف بزاف وملي يجي العرس دي كونجي رتاح وفوج على قلبك ،ورجع نلخدمة ديلك خصوصاً قريبة ندار يعني ماعندك لا طرنسبور لا ولو ،ودوز شي أيامات وعينك مع الحال شفتي راسك قدرة دكمل ومزينة فدارك وخدمة بقى خدامة ،شوفتي راسك مفرطة فدارك وراجلك ،خرج ملخدمة دارك وراجلك أولى من دكشي ،وملي دكون فدار تعلم شي صنعة أو أي حاجة لهي راسك بها ،