الطورطة للي شاركت بيها فالمسابقة تـــزيــيــن الطـــورطـــات

أنا درت مول صغير 20س وزدت واحد القرص من جنواز لي كنت حتى هي قسماها على 3
منين طابت الجينواز خليتها حتى بردت مزيان وقسمتها على 3 وضفت قرص أخر من الجنواز لي كانت عندي وهكذا رجعو عندي 4ديال

سقيت كل قرص الجنواز بسيرو ديال الفواكه المعلبة

بالنسبة للكريمة منين وجدت قسمتها على 3 وحدة درت فيها البرالين والثانية درت فيها كولي دفرومبواز والثالثة درت فيها الشوكولا بيضاء من بعد مادوبتها مع قليل من الكريمة في حمام مريم ومن بعد ضفت لها الجيلاتين لي كنت رطبت من قبل في الماء ومن بعد عصرتو وضفت للشكولا وحركت مزيان وخليتها حتى بردت عاد ضفتها للكريمة
القطعة الاولى نسقيوها بسيرو ديال علبة الفواكه و نسرحو كريما لبرالين ومن بعد الطبقة الثانية وندير كريمة الفرومبواز ومن بعد كريمة الشوكولا وفي الأخير درت كريمة البرالين وغطيت الطوطة كلها بها
والتزين من الفوق ضفت الملون الأخضر للكريمة وزوقت به من الفووق زعمة درت الربييع ههه
فجناب كما هم واضح تبعت طريقة الأخت العزيزة أم هداية وكذلك زينت بعجين السكر(البيض والعصفور والورود والفراشة) للأخت ريم الله يعطيها الصحة