الطجين التونسي امممم بنين

بسم الله الرحمن الرحيم.
اكلة الطاجين ط§ظ„طھظˆظ†ط³ظٹ ممممممممم رائع.
لبنات السلام عليكم بحكم اني مقيمة في تونس بغيت نقدم ليكم شي وصفات تونسية منهم هادي لكيقولو ليها هما طاجين و لكن ماشي الطاجين اللي كندروا حنا في المغرب لا وانما هي عبارة عن تورتية كتجي فنة و بنينة ووليت حتى انا كنديرها بزاف اوا غير جربوها و متفلتوهاش هههههه لمهم ها المقادير:
صدر الدجاج مقطع طراف صغار او لحم علوش اي(لحم الحولي) ههههه يكون هشيش
بطاطا منقية و مقطعة مربعات صغار و مقلية في الزيت
شوية جلبانة مصلوقة
2 بيضات مصلوقة مقطعين طريفات
8 البيضات او اقل حسب المقادير اللي عندك
3 الفرماجات البقرة الضاحكة
فرماج احمر مرحي
معدنوس مقطع صغير
شوية خميرة الحلوة
ملح بزار شوية خرقوم
تابل و كروية هادي هي العطرية ديالهم و كتعني قزبور حبوب و الكروية مطحونين
بصلة مشلدة
الطريقة;
ناخد الدجاج او اللحم حسسب الموجود و نتبلوه بالملح و البزار و الخرقوم و شوية التابل و الكروية
و يقلى الكل مع بصلة مشلدة و الزيت حتى يتقلاوا مزيان عاد نضيفوا شوية الماءو نخليوه حتى يطيب و ينشف من الماء .
ناخد اناء غارق و نديروا فيه خليط الدجاج بعدما يطيب و البطاطا مقلية و الجلبانة مصلوقة و المعدنوس مقطع و 2بيضات مصلوقين و مفتين و الفرماج البقرة الضاحكة مقطع طريفات الفرماج الحمرمحكوك و الخميرة الحلوة و يخلط الكل عاد نهرس عليهم البيض اللي غيكفي 8 او اقل و نخلط بشوية .
ناخد مول ندهنوه الزيت او الزبدة مزيان و نحطوه فوق البوطة حتى يسخن شوية عاد نخويوا فيه الخليط هاد الطريقة كيديروها باش مني طيب التورتية متلسقش في لطة لمهم ندخلوها الفرن حتى طيب.
مني طيب نخرجوها و نقطعوها مربعات شوية كبيرة وتقدم مع اي سلطة انا كنقدمها مع سلطة مشوية انشاء الله نهبطها ليكم.
لمهم بغيت تشجيعات منكم فعندي المزيد و جربوها وردوا علييا.