الشهر المناسب لبداية الاكل

السلام عليكم اخواتي شنو هو الهر ط§ظ„ظ…ظ†ط§ط³ط¨ ظ„ط¨ط¯ط§ظٹط© ط§ظ„ط§ظƒظ„ للرضع فيدوني راني ام جديدة كل واحد شنو كيقول شي كيقول من ربع شهر شي كيقول حتل ستة اشهر جاوبوني جزاكم الله كل خير

---

hgaiv hglkhsf gf]hdm hgh;g

اختي الشهر المناسب هو ستة اشهر
وتبداي بالتدريج متلا الصوبة الجزر الخص مع شويش الروز مطحونين مع فرماج
الحسوة السميدة مطحونة بالحليب
البنان مطحون حتى هو
دائما بالتدريج

السلام عليكم اختي
ماتتخربقيش هانتين اللي تايبداوا فالشهر الرابع تايكون تحت طلب من الطبيب و لاسباب منها ضعف بنية الطفل و وزنه ناقص مع سنه
اما 6 اشهر هي اللي خصكي تبداي فيها الاكل ماشي قبل
و تاتبداي بماء الارز وماء صلق الخضر
من بعد تاتختاري نوع واحد تجربيه مدة 4 ايام مثلا كل يوم ملعقة ولا 2 وتلاحظي واش كاين شي رد فعل بحال حساسية من ديك نوع الخضر
من بعد تاتجربي نوع اخر بنفس الطريقة ومللي تتلقايهم مادارو والو يعني مزيانين ممكن تدمجيهم
وفاي نوع جديد جربيه بوحديه عاد دمجيه
و احسن الخضر تبداي بيها هي كرعة حمرا وخيزو
و الديسير مصلوق ومطحون تفاح وبوعويد اما البنان متطيبيهش غير معكيه
الليمون عصير خففيه بماء معدني راه مفيد بزاف
الماء تبدايه مللي تبداي الماكلة لولدك
ماننصحكش تبداي بالديسير لانه ايلا ولف ليك الحلاوة مايقبلش ليك خضر وماتضيفيش سكر ولا ملح راه ذوق ولدك محايد يعني متيعرفش شنو اللي بنين وشنو الي باسل راع علاش ماولفتيه
العسل ماتعطيهش ليه اختي اخر دراسات تتقول تايفوتوا السنة ولا اكثر لانه فيه انزيمات تاتضر جهازهم المناعي لانه باقي ضعيف
فروماج طحنيه مع الخضر ولا عطيه ليه فروماجة هايداك بوحديها
و اللحوم و الدجاج بكميات قليلة مسلوقة مع الخضر لكن بداي غير مرة فالسيمانة
الارز و السميدة احسن نوع حبوب ومفيدين بزاف كعصيدة
ايوا نتمنى نكون فدتك اختي والله يوفقك
واي سؤال انا حاضرة

مشكورات اخواتي الله يجازيكم كل خير ام مريم الباتول وجدي راسك غادي نلجأ ليك كل ما حتاجيتك مشكورة

مرحبا بيك اختي عند ام مريم البتول هانتي نوصيك مزلي عليها بالاسئلة كيما درت انا هههههههههههههه راني كبرت بنتي مع بنتها ههههههههههههههههههههههههههههههههههههههههههههههه
الله يخليليك بنيتك

ههههه الله ياودي مرحبا اختي ما كاينين هنا الا باش نفيدوا بعضنا

اهلين ام الغاليين
الله ياودي راه بناتنا خوت كبروا من ايام الكريشة ليومنا هدا و فدنا بعض الحمد لله ومازال

هههه مشكورات اخواتي اخت مريم البتول امتا نبدا نعطي لولدي حليب سليم واش من ست شهور نقطع ليه نان و ندير ليه سليم عطيني رايك فهاد الموضوع جزاك الله كل خير

اختي لا حليب فارماسي تاتعطيه تا لعام حيث اي حليب اخر ماشي معقم و غني بالعناصر بحال ديال فارماسي و مللي يوصل العام ان شاء الله خاصكي تعطيح حليب النمور و لا lait de croissance لانه خاص بالاطفال و غني بالاملاح المعدنية والحديد والفيتامينات بزايد باش يفيدهم اكثر
انا كنت نعطي لبنتي كيكوز تادارت عام و دابا تانعطيها نيدو حليب النمو

مشكورة ختي ام مريم بتول الله يجازيك كل خير

مرحبا باي تساؤل اختي انا في الخدمة