المقادير كنحتاجو فيهم
بيضة كاملة و2 ابيض البيض و2اصفر البيض للتزيين
2بطاطات كبار مصلوقين
كاس سنيدة
ملح
معلقة كبيرة من الخميرة مدوبة فكاس كبير ديال الحليب دافي
قطرات عصير الحامض او الخل باش يحيد لينا الزفورة ديال البيض
و الطحين حسب الخليط
للتزيين
شوية العسل وشوية الكوك
الطريقة
نطحنو البطاطا فطحانة مطيشة ونزيدو عليها البيض وسنيدة والملح وقطرات عصير الحامض والخميرة مدوبة فكاس كبير ديال الحليب ونخلطوهم مزيان ونضيفو الطحين شوية بشوية حتا نحصلو على عجينة رخوة تتلصق فاليدين ندلكوها مزيااااااااااان ونديروها فشي طاسة ونخليوها حتا يتضاعف الحجم ديالها من بعد ندهنو يدينا بالزيت ونشكلوها انا شكلت منها كريصات والشهدة ونغطوها بالبلاستيك و نخليوها حتى تخمر وندهنوها باصفر البيض مع شوية الخل وندخلوها الفرن املي تخرج ندفيو شوية العسل وندهنوها ونزينوها بالكوك
و بالصحة والراحة
hgai]m ,hg;vw f’vdrjd
تبارك الله عليك اختي
