بسم الله الرحمن الرحيم
اخواتي الانيقات منين شفت كتير منكم اللي كتعاني من تساقط الشعر قررت نكتب الوصفة ديالي اللي انا من طبعت الحال مجرباها وحتى العائلة نسا ورجال اللي نلقاه كيعاني من التساقط نكتبهالو انا ستعملتها من بعد الولادة شعري ولا حالتو حالة
مكنقدرش نمشطو وشريت المكونات وستعملتهم 3مرات منين لقيت راسي كنمشط وماكانلقاحتى زغبة في المشطة وقفتها ونتوما لي تزيد تستعملها اطول وقت من شهر حتى لشهرين راه يطوليها الشعر ويرطاب وميبقاش متقصف المهم سمحولي الى طولت عليكم ها الوصفة
خذي 2معالق كبار ديال قشور الرمان مطحونين +2معالق كبار ديال حريقة مطحونة +4معالق كبار ديال الجرجير+3معالق كبار ازير+3معالق كبارازير+3معالق كبار زهرة البابونج+4معالق كبار من الريحان+4معالق كبار اللزاز +2معالق كبار كاليتوس +اللي شعرها دهني تضيف الحناء
والان الزيوت اللي غدي تخلطو بهم الاعشاب
زيت جنين القمح 3ملاعق .زيت الازير 3ملاعق .زيت الخروع 4ملاعق .زيتاللوز3ملاعق .زيت الجرجير 5ملاعق.+اللي شعرها دهني تضيف زيت القطران
وزيت زيتون تضيفوه في النهاية الخليط ما خصوش يكون قاصح والاعشاب يكونو مطحونين مزيان
اوا دعيو معايا يحقق لي ربي اللي كنتمناه وشكرا
hgpg hgkihzd ggjshr’+auvv’f ,’,dg ggjshr’ auvv’f
الله يحقق ليك ما تمنيتي.
حيت شعري راه حالتو حااااااالة وراه كيطيحلي بشكل مهول مع الرضاعة
لا الاه الا الله وخلاص
على مولانا يكون الشفاء مع هاد الوصفة
ياك نستعملها قبل كل ما بغيت نغسل؟؟؟
اكرر لك شكري اختي
الله يحققلك كل ما تمنيتي وزيادة
أما بالنسبة للجرجيير فين نلقاه ؟أنا من البيضاء
أختي بالنسبة حريقة واش هي حريجة ؟ 7ariiga ?
أنا في أمس الحاجة إلى المعلومات شكرا جزيلا
ياريت اختي ان توضحي لنا معنى أسماء العشبات اللي حطتيها في الوصفة و جزاك الله عنا كل الخير و حقق لك مبتغاك و كل ما تتمنيه آمين يارب العالمين
حريقة؟ الجرجير؟ آزير؟الريحان ؟
بالنسبة للاخت امة الرحيم استعمليها وقت ما بغيتي تغسلي شعرك و2مرات حتى 3في الاسبوع
بالنسبة للاخت ميرال اختي قشور الرمان انا ستعملتهم وعاودت هدي راها تجربتي وبالنسبة لهاد الوصفة راها ماشي غير اختراع بلا علم انا سمعتها من دكتور مغربي وبالنسبة للجرجير انا كنت كنشريه من عند العشاب كيعطيني زريعتو
حريقة هي 7ariiga القراص :راها معروفة بزاف الى قاستك في لحمك تبقاي كتحكي
واما بالنسبة للاخت منال الجزائرية حريقة هي القراص اما الجرجير كنعرف غير هاداك الاسم
حيت هنا في المغرب عندو شي اسم اخر واقيلة كرنونش المهم الاسم العالمي هو الجرجير والعشاب راه اكيد يكون عارفو اما ازير هو اكليل الجبل والريحان هو الآس