السلام عليكم انيقات المنتدى
بزاف منكم الا ماكانش كلكم كاتبقو كل نهار تفكرو و تخططو اش غاندير للغدا اش غاندير للعشا ؟
انا وحدة منكم ديما حاصلة واخا انا مازال فدارنا يعني كاينة ماما لي كتفك القضية
بالصح دابا قريبة ندير داري و خاصني نعتمد على راسي
فكرت نفتح هاد الموضوع باش نستافدو منو كاملين
و كل وحدة تشرك معانا ببرنامج اسبوعي للغدا و العشا
نتمنى الفكرة تنال اعجابكم و تلقى تجاوب منكم باش يولي هاد الموضوع مرجع لينا و كل مرة نديرو برنامج مختلف على الاسبوع لي قبلو و هاكدا غاتكوني مرتاحة من التفكير طييييييييييلة الاسبوع
يا الله البنات لحدكات شاركونا ببرنامجكم ط§ظ„ط§ط³ط¨ظˆط¹ظٹ المتجدد
و ارجو الا كان الموضوع مكرر يمسحوه المشرفات
في امان الله
hg[],g hghsf,ud gg’fo (y]hLuah) hg]o,g y]h or uah
واش الموضوع خايب ؟
بالنسبة ليا العشا ماتنوحلش فيه تندير ديما شي حاجة خفيفة بحال ليكرتان او ليسوب المهم تيكون فبالي من لغدا شنو ندير للعشا و بعد لمرات فاش تنكون فلكوزينة مسالية لغدا تنسالي حتى للعشا فنفس الوقت تنرتاح منو
هادو شي تصيورات من الشهيوات الساهلين اللي تيوجدو فيساع و متيحتاجش الوقت
الاثنين: لغدا لحم بالقوق و الجلبانة و سلطة خيار طماطمو خس
لعشا: بيتزا حسب الرغبة و عصير
الثلاثاء: لغدا: دجاج مع فريت و سلطة كروم و جزر و مايييس
لعشا: قشاوش الدجاج بصوص طوماط و ازر بالخضر
الاربعاء: لغدا: سمك فالفرن و عدس و سلطة
لعشا: سباكيتي او اي نوع معجنات و سلطة فواكه
الخميس لغدا: كفتة مشوية فالفرن مع سلطة القمح و زعلوك
لعشا: كراتان بطاطا بالبيشاميل و الفروماج مع عصير فواكه او سلطة فواكه
الجمعة لغدا: كسكس بالخضر
لعشا: صدر لا داند مع الفطر و صوص بيضاء
السبت لغدا: طاجين بكويرات السردين مع سلطة الروز و الطون و الماييس
لعشا: ساندويتشات بالكاشيرو البيض و الفروماج مع سلطة خضراء
الاحد لغدا: سفة مدفونة بالدجاج و اللوز و سلطة
لعشا: الخضر لي بقاو لينا من التقدية ديال السيمانة نديروهم سوب مع تميرات
و الاتنين نبداو سيمانة اخرى بتقدية جديدة و هاد الشي لي درنا هاد السيمانة ماغانعاودوهش السيمانة لماجيةة
غنحاولو نديو برنامج آاخر
نتمنى يعجبكم هاد البرنامج و يفيدكم
يا الله عطيونا برنامج آخر
المشاركة الأصلية كتبت بواسطة saadia987 
هادو شي تصيورات من الشهيوات الساهلين اللي تيوجدو فيساع و متيحتاجش الوقت
تبارك الله عليك شهيوات دايزها لكلام و كلشي متول ما شاء الله عليك
يا ريت تحولي تكتبيلينا برنامج اسبوعي ديال الشهيوات لي كتوجدي باش تفيدينا الله يجازيك خيرا
و الطلب موجه للكل الا كل وحدة فينا حطات برنامج غادي نبداو نقلوهم عندنا فشي اجندة و نلقو راسنا اعندنا برامج مختلفة و منوعة و ممكن نديرو 2 او 3 اسابيع عد نرجعو للبرنامج الاول
و طبعا كل وحدة ممكن تدخل تغييرات على البرنامج حسب احتياجاتها واحتياجات الاسرة ديالها