جبت نوعين من الورد ورد احمر وورد بحال ديال قلعة مكونة
المهم الاحمر كان عاجبني وكنسقيه كل ساع ونرش على اوراق الورد الماء حتى ساليتهم ليه كحلته ههههه مبقاش حمر ولا اكحل
وجبت الورد الثاني لبحال قلععة مكونة وراني كنقتلو بالعطش لاحظت في البداية لما كنت نسقيه هو والاحمر بزاف كان كيولي ليه فيه البياض الدقيقي رشيته بماء الثومة وعطشته والحمد لله راه عايش غير هو دار لي جوج وردات غزالييين عاشوا غير يومين وبداو يطيحو الاوراق ديال الوريدات جمعتم خبيتهم حتى ندير بيهم شي ماسك لوجهي ههههه اما النبتة راها باقة في صحة جيدة وكتكبر
لي عندها شي معلومة على كيفية العناية تفيدنا الله يرحم الوالدين
اما الورد الاحمر فمسكين مات وحيدتو من المحبق
hghujkhx fhg,v] ???
ههههههههههههههههههه ممشى معاك باس الحبيبة غير سكتي مكين منخبي عليك تي شتي الوش وييييه نبقى غير في النعناع كي جدي الله يرحمه ماله كان الى دار الغرس كينوض ليه غير بلعمان مع الزرع هههههه
العام ال فات جابت جوج وردات و بقاو ايامات و مشاوو قريت في واحد
المنتدى بان الوردة يخصها على الاقل 6 ساعات شمس و ما تكونش حارة بزاف
و يخص تسقسها مين تنشف التربة و تسمديها و بسماد مناسب انا جربت لها سماد حيواني
و نتيجة كانت جد رائعة بحيث دارت اوراق خصراء جميلة و قوية و انا الان في انتظار تفتح الورود
نتمى نكون فدتك و لاشارة السماد الحيواني يضاف على النبات مين يكون الجو بارد.و شكرا
اختي الاضاءة راه نفس المعلومة عندي وربي يخليك الزين على معلومة السماد الحيواني ان شاء الله نجربها في الورد
o khassek diri lih l engrais kola 15 lyoum ola samad hayawani mera fi chheer
راني يا الحبيبة كنت كنرش بالبخاخ الوروود والاوراق يمكن انا لي كحلتها عليه مسكين اله يرحمه
اما على السماد راني كنسمد كل نباتات لي عندي على الاقل مرة في الشهر ومشكووووووووورة الحبيبة
وعليكم السلام والرحمة
ربي يخليك ويبارك ليك في ما عندك الغزالة
ضحكتيني ههههههههه باينة انا واياك داخلين الزراعة جبهة هههههههههههه
ايوة يا الحبيبة شنو هي زبرتيها امي بتلم عليك وبتقولك مليني حبة حبة هههههههه
اليوم كنت في المشتل وشفت عنده بحال الوردة الغوز سولته شحال كتعيش قال لي غير يومين او ثلاتة يعني راه مدة عيش الورد اصلا قصيرة راه مكابنش العيب
واش ديال العود صافي حيث كاينين واحد الناس عندهم الماعز والغنم كنعرفهم واش ممكن نسمد بروثهم ولا فقط الحصان حيث هما كيديرو روث الغنم للنخل فقط كيقولوا بانه مجهد على النبات ؟