صح عيدكم و عيد مبارك حبيت نشاركم بحلوياتي لهدا العيد قاطو الصابلي 
تشويركات بالبيمو و حلوة الترك 
قاطو الملفوف يدوب في الفم 
قاطو الجلجلان 
قاطو الفيريرو اخدتو من منتداكم للاخت لطيفة اكثر من رائع 
عرايش معسلين 
القاطو الاول هو الصابلي كل و حدة وطريقتها في عجينة الصابلي لكن راح نعطيلكم طريقتي مقادير عجينة الصابلي / 250 غ زبدة طرية +250غ سكر ناعم نخلطوهم مليح حتى يصبح المزيج كالكريمة + بيضة كاملة + صفار بيضة اخرى نزيدة نخلطو +01 خميرة كيميائية و 100غ نشاء الدرة و الفرينة حتى تصبح عجينة طرية نحلها على طاولة العمل و نقطع اشكال الي نبغيو انا اخترت الفراشة و القلب و ندخلها للفرن يكون مسخن من قبل و نتركها مدة 10 د او 15 د المهم نخليوها بيضاء كي تشوفيها طابت من تحت نحيها و متخافيش غير تبرد تولي تقرمش . مقادير العجينة البنية : علبة قاطو او مايسمئ بسكوي الشاي الي يتباع في المحلات و نطحنوه + حفنة لوز مطحون+ حفنة حلوة الترك + ملون بني او كاكاو نزيدو نطحنوهم كامل في الروبو و نلمهم بالمربئ انا استعملت مربئ المشماش حتى تصير عندك عجينة سهلة الاستعمال و طبعا حلي العجينة ديالك و باش ما تلصقش استعملي السكر الناعم و قطعي بنفس الطابع الي استعملتيه من قبل و لصقيهم بالمربئ و الي تحب التمر طبعا ممكن تستعمل عجينة التمر . القاطو الثاني و لي هو تشويركات البيمو بحلوة الترك هده حلوة الترك لكن انا استعملت العادية يعني بلا بيستاش المقادير :كاس زيت + كاس زبدة دايبة +كاس حليب + ملعقة كبيرة سكر نخلكوهم مليح بالخلاط اليدوي ثم نبداو نزيدو في الفرينة حتى تصير عندك عجينة متماسكة حليها وقطعي دوائر و في وسط كل حبة حطي شوية حلوة الترك او اي حشو تحبيه ثم شكليها على شكل هلال و اقفليها مليح باش ما تنحلش في الطياب و دخليها للفرن الطيب و كي تشوفيها طابت خرجيها و اتركيها تبرد و احضري المربى و زيديلو شوية ماء الزهر حتى يصبح مزيج خفيف اغطسي فيه التشويركات دياولك و حطيهم يقطرو و تكوني و موجدة البسكوي مطحون رمديهم فيه و زينيهم بخطوط من الشكولاطة و بالصحة و الهناء عليكم ملاحظة بنفس العجينة خدمت القاطو الاخير و الي هو عرايش سوريا قطعتهم بالكاس و درت الحشو 250 غ لوز مطحون + 150غ سكرعادي+ ماء الزهر حتئ تتماسك ونحشي بيهم العرايش دياولي و ننقشهم بالنقاش و نديرهم يطيبو و كي نخرجهم سخونين نغطسهم في عسل بارد او العكس القاطو كي يبرد نغطسو في عسل سخون و نزينهم بشوية بيستاش وهدة الفكرة نتاع العرايش اخدتها من الاخت لينا 11 نقوللها يعطيك الصحة القاطو الرابع و الي هو قاطو الجلجلان اقتصادي و اسهل منو مكاش المقادير :250غ زبدة طرية + 100غ سكر + قرصة ملح و نخدمهم مليح بالخلاط الكهربائي ونزيدو الفرينة حوالي 380غ و عينك هي ميزانك ممكن ما تحتاجيش كل الكمية المهم زيدي غير بالشوية خليها عجينة طرية ثم شكليها على شكل كويرات على حسب مول السليكون الي عندك انا استعملت الكبير و لدلك درت كويرات نتاع 35غ نرمدهم في الجلجلان و نديرهم في مول السليكون واضغطي عليهم بيدك باش ياخدو شكل المول وديريرهم يطيبو كي نشوفيهم اخذو اللون الدهبي خرجيهم و خليهم يبردو و في الوسط نديرلهم لاجولي او نباج +ملون و القاطو راهو واجد اما قاطو الفيريرو فالوصفة موجودة في فرع حلويات اللوز للاخت latifaaa maroc قاطو الملفوف للاخت ام اماني ننقلكم الوصفة مباشرة السلام عليكم اخواتي اليوم عملت حلوى الملفوف لكن بوصفة جديدة تختلف عن الوصفة السابقة وتجي احسن منها ذوقا وشكلا المقادير العجينة: 400غ مرقرين،200غ زبدة ستار،كاس سكر رطب،4بيضات الصفار نعملوه في العجينة والبياض في الحشو،2خميرة،فاني،كيلو فرينة،9ملاعق كبار حليب سائل انا استعملت 500 غ زبدة عادية الحشو: 2كاس نواد كوكو،كاس سكر رطب،4ملاعق كاكاو،4بياض بيض،كمية من الماء الطريقة: نحضر اولا الحشو نخلط النوادكوكو والسكر رطب والكاكاو ونرحيهم في الروبو وهذا لتسهيل عملية بسطه على العجينة نحط في اناء ونضيف بياض البيض وكمية من الماء لازم الحشو يكون مطلوق شوية لتسهيل عملية بسط على العجينة من جهة نحضر العجينة نخلط المرقرين والزبدة والسكر نخلط جيدا ثم نضيف صفارالبيض والحليب ثم الفاني والخميرة والفرينة نقسم العجينة على ثلاث او اربع كرات نستعمل النايليون نرش بشوية فرينة ونبسط العجينة بالحلال ويمكن نمسح الحلال بالفرينة لتسهيل بسط العملية ونرقها على قد ما نقدر كما هو موضح https://
ثم نضع كمية لاباس بها من الحشو ونبسط على العجينة https://
نبدا نلف العجينة غير بالعقل ونحسب 6لفات ونقطع https://
نتحصل على حربوش كما في الشكل https://
بعد ما نكمل العجينة نحط الحرابش في الثلاجة لتسهيل عملية القطع بعدها نقطعهم مربعات وندخلهم يطيبو في الفرن على درجة حرارة 180درجة لما يطيبو من الاسفل نشعل من فوق حتى ياخذو لون خفيف فقط ://
:// بعد ما يبردو تماما نغطسهم في شكولة مذوبة على حمام مائي ونزينهم من فوق حسب الرغبة وهذا شكلهم النهائي https://
وهذا شكلهم من الداخل https://
نتمنى تعجبكم الحلوى وتجربوها
hodvh pg,dhjd gud] hgt’v 2024
حلويات غزالين ماشاء الله بغيت نسولك فين كاتشري دوك ألكويغطات عافاك
غزالين تبارك الله عليك
حليوات فنين ماشاء الله عليك اختي نزلي المقادير و الطريقة باش ميتحدفش ليك الموضوع ينقل الى القسم المناسب
حليوات فنين ماشاء الله عليك اختي
تبارك الله عليك حلويات غزالين
تبارك الله عليك حليوات جزائريين ياك
المشاركة الأصلية كتبت بواسطة المروى 
حلويات غزالين ماشاء الله بغيت نسولك فين كاتشري دوك ألكويغطات عافاك الله يسلمك و بالنسبة للكويغطات موجودين عندنا في محلات بيع لوازم الحلويات يعني احنا في الجزائر متوفرين بكثرة
حلويات غزالين ماشاء الله
شكرا للجميع هكدا شجعتوني باش نحط المقادير لكن ياريت كاش وحدة تفهمني كيفاش ندير التعديل على الصور و نحط المقادير معاهم