بنات حبيباتي جميع الانيقات هانا جيت هههههههه
هاناجيت و جبت للحباباتي لي في الوصفات لي عملت
تنتمنى تقبلو عليهم
وهادو هما الوصفات
حيت هما تغداو عندي درت في الاول سلطة عادية و تبعتها الدجاج و المونادة ومن بعد هزيت الدجاج و حطيت الروزبالكفتة
و من بعد درت في الديسير الفوندو بالشكلاط و البنان و التفاح والليمون
كانو عندي في الناس الرجال و العيالات
5 رجال
و 7 لعيالات
طبلت الرجال درت ليهم 2 دجاجات في الطبسيل و العيالات درت 3 حيت وكالات هههههههه
المهم نخليكم مع المقادير ونتمنى تقبلو عليهم
وسمحولي على الصور موضحينش مزيا حيت غير ماما لتتصوروانا خدامة ههههههههههه
في الاول نعطيكم طريقة شلاضة راه غير عادية و بسيطة
اه واحد الحاجة هادشي لي صورت راه ديال الرجال هههههه
حيت حطينا ليهم الغدا بكري
حنى العيالات حتى سلينا تجمعنا و شطيحنا و درديكنا عاد كلينا هههههههههه
وقولو ليا رأيكم في الديكور لي عملت للتصاور ههههههههه
شلاضة
عملت فيها فلفلة حمرة +فلفلة خضرا +فلفلى صفرة
+شويا ديال الفرماج الاحمر + حك ديال الدرة+شويا ديال الملحو الابزار و الزويتة +نص حامضة
و زينتها بطروفة ديال لافوكة
قطعت كلشي مربعات صغار الفلفلة و الفرماج
و في زلافة كبيرة خلطت كلشي و زدت الدرة و زدت عليهم الملح و الابزار و زويتة و عصير ديال نصف حامضة و خلطت مزيان
و في الطبسيل لي حطيت فيه
فرشت الخس و حطيتها و زينتها بلافوكا قطعتها طويلة و حطيت واحدالفلفلة صغييييورة حمرة وينة هههههه عجباتي قلت و الله حتى نزوق بيها هههههههه
ومني حطيتها للضياف حطيت معاها معيلقة كبيييييييرة
وطبيسلات صغار و معالق صغار باش كل واحد يهز شويا و يحط قدامو في طبسيلو
اوا دابا ندوزو للعمي الدجاج هههههه
دجاج معمر
اوا شديت دجاجات غسلتهم غسلتهم و فركتهم بالحامض و الملحة حتى ولاو تيقولو ها العار باراكا راه جانا البرد لبسينا خلاص هههههههههههه
ايوا وبيتهم تيتسقطروحتى للصباح
هاد المقادير ديال 5 دجاجات نتوما نقصو ولا زيدو على حساب الدجاج
اوا ووجدت للعمارة ديالهم
شعرية الصينية وكيلو كفتة ديال البقري
و نصف كيلو ديال الكبدة لكم الاختيار بغيتو ديروها ديال الدجاج و لا ديال اللبقرة
انا درت ديال البقرة حيت متنحملش ديال الدجاج
اوا و 2 بصيلات مفرومين
و واحد العلبة كبيرة ديال الشامبينيو
و واحد الكاشيرة مقطعا مربعات لي بغيتي يا حارة يا عادية هي متن الافض تكون عادية حيت كاين لي متيكلش الحار انا حيت عارفة عائلتي كلشي يكوت على الحار هههههه
و شويا ديال الزيتون مقطع دوائر يكون زيتون اخضر
و نصف زلافة القزبر و المعدنوس مفرومين
و العطرية ديالنا لي هي معروفة الا التحميرة مديروهاش
و واحد3 معيلقا ديال الصوجا
و الفرماج الاحمر محكوك
ندوزو للطريقة
تنيدير الشعرية الصينية في الماء طايب باش طلق كيف معروفة طريقتها عند كلشي
و نقطعها صغيرة
تنحمر البصلة لي فرمت في شويا ديال الزيتت البلدية و مليحة
و شويت الكبدة و قطعتها طراف صغار
و قطعت الفطر مربعات صغار
و شديت بانيو صغير عملت فيه الكفتةمع الشعرية+البصلىة+الكبدة+الزيتون +الفطر+ربيع+الفرماج و زدت عليهم الصوجا و العطرية و الملح حساب الدوق و انا راني درت ملعقة كبيرة ديال الهريسة نتوما لي بغيتو و خلطت مزايا
وشديت دوك الدجاجات و عمرتهم مزيان وسديت ليهم رجليهم
و شديت كوكوت و حطيت الدجاجت راه حتاجيت 2 كوكوتات كبار هههههه
ستفت الدجاجات و زدت معاهم شويا ديال الزبدة و مليحة و بزيرة و سديت عليهم حتى طابو تقريبا نص ساعة
و حيدتهم من الكوكوط و ستفتهم في لاطة ودخلتهم يتحمرو
و سلقت شويا ديال البطاطا و اللبويلا
ومني خرجو الدجاجات درتهم في الطبسيل و زوقتهم بالخضرة لي صلقت
و زوقتهم بعويددات فيهم الفرماج و الزيتون كنت بغيت ندير لكاشير في العويدات و نسيت هههههه
اوا دابا ندوزو للروز بالكفتة
هاد الكمية ليدرت حتى هي راه 2 طباسل كباااااار نتوما زيدو و لا نقصو
روزبالكفتة
شديت يا لالة كيلو ونص ديال الكفتة+2 بيضات +4معالق كبار ديال الخبص محمص انا محمصاه عندي في الدار بكمية كبيرةو تنبقى نهز منو
و واحد 2 علبات ديال القشدة الطرية
2 زلافات ديال الروز الصفر
3 بصلات +زلافة ديال المعدنوس ممروم
شزيا ديال الملح و الكامون و البزار
وكوزة محكوكة
زيت
اوا يا لالة درت الكفتة في طبسيل زدت عليها البيض +الخبز+الملح+الكامون+البزار+الكوزة+خلطت مزيان
و بقيت تنهز و ندير كويرات كبار شويا
صخنت الزيت و درت في الكورات باش يطيبو
حطيت الكورات يتسقطرو من الزيت فوق الشبكة
و شديت كوكوت درت فيها البصلة+الزيت+الملح +البزار+و خليتهم يغلاو و رميت معاهم الكفتة +كاس ديال الماء و خليتهم فوق العافية 10 دقائق
و طفيت البوطة بينما بغيت نقدمهم سخنت و زدت عليهم الربيع و القشدة الطرية
وستفتهم فوق الروز سخخخخون يلاه زولت من الكوكوت
هاد الاخير درتو في كوكوت مع الزيت و الملح و الابزار
و الماء و سديت عليه حتى طاب
و شديت ديك لاصوص لي طابت فيها الكفتة لي فيها لقشدة و شي لاخر و درتها في زليفات و قدمتها مع الارز لي بغاها يويدها
دابا ندوز للديسير درت فوندو بالشكلاط
هاد الكمية خرجات ليا 14 وحدة اي 14 طبسيل
عملت فيه
6 بيضات
300 غ زبدة
250 غ شكلاط اسود
170 غ دقيق الفورص
خمارة
شديت الشكلاط + زبدة+في كاسرونة في حمام فاطنة ههههههههه
بغيت نفهم غير لاش سماوه مريم مالهم ميسميوه اسماء ههههههه
بانت ليهم غير هاد السمية ههههههه
المهم
دوبتهم
طربت البيض بالباطور
و زدت عليه داك الشوكلاط لي مدوب مع الزبدة مني بردو شويا عنداك ديريهم سخان راه يطيب ليك البيض
عواد متخرج كيكة يخرج اومليط هههههههه
و تبداي تزيدي الدقيق بشويا بشويا و نتي تطربي
و في الاخير خمارة
تدهني القوالب لي بغيتي تديري فيهم الفوندو بالزبدة
و ترشيهم بالدقيق و تكبي الخليط متعمريهمش بزالف باش يلقاو فين يتنفخو
و دخليه للفرن مدة 10 دقايق
على درجة 180 تقريبا
ايوا و مني يطيبو تكوبيهم في طبسيل و تزينيهم الفوق باللورز مهرمش انا زينتهم بالكاوكاوكن قلت للسي السيد زيد اللوز حتى هو كون زيدني لعند الباب انا وضيافي هههههههههههههه
نتمنى تعجبكم ضيافتي و سمحولي الى طولت عليكم
ونمشي نديرمساج لصباعي ههههههههههههههه
راه عييت بالكتبة
h[d, ja,t, hgqdht gd ]vj guhzgjd
المشاركة الأصلية كتبت بواسطة ask ra 
امييييين حبيبة