اجي قولي لينا تجربتك فالخدمة فالغربة

لبنات كيف دايرين لباس عليكم بغيت نفتح معاكم موضوع باش ناخد فكرة حتا انا بغيت كل مغتربة تقول ظ„ظٹظ†ط§ فين عايشة و اشناهوا نيفو ديال لقراية ديالها و اشنا هي اول خدمة خدمتها فبلاد الغربة نتمنا تفاعلو معايا البنات

---

h[d r,gd gdkh j[vfj; thgo]lm thgyvfm

السلام اختي
انا متزوجة و عايشة فبرشلونة منذ 7 سنوات عندي دبلوم الباكالوريا و دبلوم كتابة الادارة من المعهد المتخصص للتكنولوجيا التطبيقية كنت خدامة فشركة التامين فالمغرب مدة 5 سنوات
هنا فالغربة عمرني خدمت حيث كنت بغيت نخدم بالدبلوم ديالي كالو لي هنا خاصني نعاود ناخد الدبلوم باللغة الاسبانية عاد يمكن لي نخدم عندهم و لكن المشكل الاكبر انهم ما يقبلوش انك تخدمي بالحجاب
داكشي علاش درت بناقص و كلست فداري مقابلة ولدي وراجلي و كتبقى احسن مهنة هي ربة بيت و مرتاحة الحمد لله.
ام ايوب

شكرا ختي علا الرد ديالك عندك الحق كتبقا مهنة ربة البيت اسما مهنة الله اخلي ليك وليداتك و راجلك

شكرا اختي
الله اخلي ليك ما اعز عليك
ام ايوب

تبارك الله عليك ختي كوتر وربي يسهل عليك. أنا 3 سنين ونا فنرويج. عندي لباك ديل المغرب. بغيت ندير فرمسيون ديل ترانسبورت ولى عجبني لحال عد ديك ساعة ندفع المدرسة نقرا وفنفس لوقت نخدم إن شاء الله. الله يسهل على لجميع.

ختي ولله حتا بقيتي فييا ولله ختي هاد الغربة كتبهدل الله يسهل عليك ماصعاب ويفرحك

up موضوع زوين نتمنىالبنات يشاركونا تجاربهم و بالنسبة ليا انا عمرني خدمت اصلا يالله جيت ل ايطاليا و يالله كيف بديت كنفكر فموضوع الخدمة

ana yalah jit lfranssa makamlach 20jours bghit nkhdam mai mazal logha 3andi fiha mochkil bghit chi formation n9ra fiha logha ont3alam chi haja alli tfidni nkhdambiha 3andi lbac dlmghrib odeplome technicien en gestin informatisee ntmanna tnsshoni bchi haja merci

انا في ايطاليا مني جيت هنا قريت على مساعدة في دار العجزة ومن بعد خدمت وبقيت كنقلب على شي حاجة اخرى دوزت امتحان في سوبرمارشي وخدمت فى لكيس كاع يوم وانا نحسب فلوس ههههههههه لكن بمساعدةعائلة ايطاليا

الله يخليك اختي ممكن تقولي ليا فين قريتي علا المساعدة فدار العجزة؟