إلي دخلت الله يرزقها الجنة و نعيمها

الله يرزقكم ط§ظ„ط¬ظ†ط© أخواتي إلي عندها شي وصفة ديال القبط لولدي عندو سنة و نصف
مكينش شي حاجة ما جربتها ليه من دوا ديال الصيدلية و الأعشاب
الله عندها باش تفيدني ط§ظ„ظ„ظ‡ يخلي ليها كل عزيز

---

Ygd ]ogj hggi dv.rih hg[km , kudlih o]lm Ygn

السلم عليكم ، حتى أنا أختي ولدي قد ولدك او كجه القبط مرة مرة ،إلى بقى ليه كتر من 3 أيام ده طبيب او أنا في دار كنعطيه بوعويد أولا برقوق يابس كنسلقهم شوية او نمعسهم او نعطيهم ليه تقدري تخلطي شوية من هادي وشوية من هادي او عتهمله او حاجة مهمة عطيه إشرب بزااف بزاف او الله إحفضو او يشفيه

9abt

عليك أختي هي بمطيشة مطحونة عتيهلو ف صباح مني يفيق ana هي ألي نفعتني مع ولدي

السلام عليكم
عطيه ا ختي الكيوي , عصير و لا قطعيه ليه طريفات وياكلو , و الله يشافيه ليك

نتمنى الاخوات يفيدوك

عطيه أختي معلقة د الزيت بلدية كل صباح على الريق

انا اختي بنتي من نهار تزادت وهي ديما فيها القبط وكنت كل يومين الى مدارت والو تندير ليها معلقة ديال سيرو ديفالاك فلحليب ودابا عندها عامين ولات تتحط خريط لمصران ديتها عند طبيب الاطفال قال لي سيرو ديال القبط هو اللي تيدير هكا مع المدة وسمى لي المرض ولكن معقلتش عليه قال لي عطيها الما بزاف والليمون والبرقوق والما ديال البرقوق مهم بزاف ومطيشة ونبعد على اي حاجة دير القبط ودابا لحمد لله يوميا تديرها وعادية
الله يجيب شيفا لولدك

الله يشافيه
شربيه معلقة ديال الزيت البلدية على الريق كل صباح
نقصي من الخبز و المعجنات و اعطيه الفواكه و الخضر والسوائل
وخصوصا عصير الليمون
التين اللي هو شريحة غزاااالة للامساك

اختي فهاد البرد الدراري الصغار ما كيبغيوش يشربو الماء غير انت بقاي تعطيه عصير البرتقال كينفع بزاف مع القبض ولا عطيه ليه ياكلو هاكداك و ديري ليه حتى عصير الباربا حتى هو كيحيد القبض الله يشافيه لك و حتى ألنافع ديري شوية فالماء غليان و صفيه و عطيه يشربو ….اختي واحد النصيحة ما تعطيهش كلشي فمرة و لا فنهار واحد عطيه غير حاجة وحدة في اليوم و السلام عليكم و رحمة الله تعالى و بركاته

​انا جربت عصير البرتقال رائع،و سمعت بفعالية كاوكاو اخضر تعطيه شي حبات عالخوا مطحونين لان الولد مازال صغير مسكين،الله يشافيهلك