أم جديدة إن شاء الله و لا أعرف أي شيء عن الأطفال .أرجوكن ادخلن لمساعدتي

---

Hl []d]m Yk ahx hggi , gh Huvt Hd adx uk hgH’thg>>>Hv[,;k h]ogk glshu]jd gyvt hgH’thgHv[,;k h]og, sdg

الله يتمم حملك على خير أحبيبة ، ماتخافييييش سبحان الله الوحدة فينا غير تولد تعلم بوحدها داك الشي من عند الله ، تبقى تبدل للبيبي ديالها ودوشلو وترضعو ، ومن بعد توكلو ملي يوصل 6 شهور ، وتلقى راسها تعلمت كلشي غير هكاك من عند الله ، ملي تولدي ان شاء الله الله يفكك على خير ماغاديش تكون عندك شي مسؤولية كبيرة غير ترضعي البيبي ديالك كل 3 سوايع ، وتبدليلو ليكوش مين يعمر ساهل ماهل غادي يوريوك في السبيطار ، ودوشيلو كل ليلة باش يسترخى ويخليك تنعسي ، ملي دوشيلو ديري يديك اليسرى تحت الذراعين ديالو ، وتشديه واليمين تكبي بيها الماء ويعاونك الزوج ديالك في الأول شوية صعيبة من بعد تبقاي دوشيلو غير بوحدك يجيك ساهل ، وصافي تبدليلو وتلبسيه حويجاتو وترضعيه وتحطيه ينعس ، وتبقاي تلعبي معاه كل نهار شوية وتضحكي معاه وتهضري معاه ، وماتهزيهش بزاف غير للضرورة للرضاعة ولا التبدال ومرة مرة هكدا ملي يبكي ، باش مايولفش الهزان ، صاي غادي يبقى هاد الريتم حتى يكبر شوية 6 شهور وتبقاي ديريلو الأكل ديالو راه المنتدى عامر تبارك الله بالأكل ديال الرضع ، ديك الساعة تلقاي راسك تعلمتي كلشي تلقائيا ، غادي ندورلك على روابط ونديرهم هنايا

الله يتمم حملك اختي على خير و يرزقك ذرية طيبة صالحة معافاة ان شاء الله،كيما كالت ليك اللاخت نبع الحنان سببحان الله رعاية الطفل فطرة فينا،حنى منين كنكونو صغار و كنلعبو دور الام تلقائيا كتعرفي اشنو ديري..ان شاء الرحمن الام ديالك او شي اختك كبيرة او حتى جارتك تقدر تعاونك فالاول و من بعد كلشي يجيك ساهل طلبي غي المعونة من الله تعالى.

اختي كيما قالتلك الاخت نبع الحنا كولشي غادي تعرفيه بالتدريج وغير بوحدك راها غريزة الام اللي نصحك بيه هو انك اللي كنتي غادي ترضعي طبيعي ماتاكليش الليمون اللبن القطاني الكرمب المهم كاع الحوايج اللي فيهم الغاز حيت غادي تاذي ولدك ويبقى يتوجع وراه عادي يكون فالاطفال الغازات فالشهور الاولى غير ترضعيه حاولي تكرعيه واختي نصيحة ماتولفيهش الهزان وماتخلي حد يهزو يبقا يفرح بيه انتي اللي غادي توحلي وغادي تتعدبي معاه غير يرضع حطيه وانتي كاترضعيه هدري معاه وبوسيه ومسحيلو رويستو باش يحس بالامان حاولي تكون اخر رضعة 12 دليل وحتا اخمسة دصباح عاد عاودي رضعيه وبالنهار عادي كل ماطلب يرضع رضعيه باش اختي ماتتعدبيش بالليل وتنعسي شوية انا ولدي تعذبت معاه بزاف وماكنتش عارفة هاد الطريقة ولكن انا عارفة بزاف ديال الاخوات ونجحت معاهم وكيتهناو بعدا على الاقل بالليل حيت صعيب ماتنعسي لا بالنهار لا بالليل فاش غادي تجيبي البيبي هما غادي يوريوك كيفاش تنضفي السرة ديالو حتا طيح بوحدها وراه تقدر طيح من تلاتة ايام حتا 14 يوم والى تعطلات كتر كيكون شي مشكل وفاش يكون ناعس كل خطرة نعسيه على جنب وكاليلو ضهرو بشي فوطة باش راسو مايتسطحش بالنسبة للباس كاتشوفي متلا دائما انتي الى لابسة 2 تريكوات هو كاتلبسيه تلاتة دائما كاتزيديه قطعة على اللي لابسة انتي وهادشي اللي تفكرت والله يفكك على خير الى تفكرت شي حاجة نعاود نكتبلك

شكرااااااااااااااا بزاااااف أ لحبيبات…فعلا نصائح زوينة و معتبرة غانحاول نطبقها ملي نولد إن شاء الله ..ندعي ربي إفكني على خير. أنا سمعت بلي لي تتقرا سورة مريم مني تقرب تولد كتسهل الولادة آش بان ليمكوم واش بالصح؟ أو واش عادة تتحسو بشوية ديال الوجع على مستوى الرحم ملي حبلتتو؟ حيت أنا كيشدني بعض المرات أو ماعارفاش واش طبيعيى أولا لا.

لا شكر على واجب أحبيبة ، حتى أنا كنسمع سورة مريم كتسهل الولادة ، ولكن ماجربتش ، مرات لوسي ولدت غير هاد الأيام ، وجاها واحد الوجع قوي في السبيطار ، وقرات سورة الزلزلة واختفى هداك الوجع نهائيا بقات مبهورة سبحان الله ، حتى سورة الزلزلة كتسهل الولادة ، والتمر في الشهور الأخيرة مزيان ، والمشي بزاف ساعة عل أقل يوميا كتسهل الولادة والبيبي يشد الوضع ديالو الطبيعي
بالنسبة للوجع حتى أنا كان فيا ملي حملت في الأول حتى فاتت 3 شهور عاد اختفى هو طبيعي فايتلي سقسيت ساج فام والجينيكولوك قالولي طبيعي لحقاش الرحم كيتمدد، وهاد الأيام فيا الوجع ثاني بحال ديال الدورة أنا في 18 أسبوع ويومين

choukran lkoum albnat htaan stafdt 3akoum bzf hna mhtain had nasa2ih dyalkoum lah ijazikum bikhir

شكرا بزاااااااف أ ختي بارك الله فيك أ الله إفكك حتى نتي على خير و يزقك الذرية الصاحة. طمئنتيني بعدا شكرا

مرحبا بيك أختي إن شاء الله نستافدو جميع.

نصيحة ماتبقاي تنعس طفلك على واحد الجهة مرة اليمنى مرة اليسرى الله يفكك على خير اختي