أرزبالدجاج والخضر على طريقتي

أم هنية و منصف 2024-01-04

السلام عليكم الأنيقات نتمنى تكونو على خير الوصفة اللي جبت ليكم هي من إختراعاتي القليلة اللي صدقت لياههههه والحمد لله اللي كلاها عندي كيشكرها وكيسولني على المقادير ديالها اللي هما
خضر متنوعة خيزوة بطاطة كرعة بروكولي

الروز مرطب في الما شي نص ساعة

دجاجة مقطعة فايتة مرقداها في الما والخل والملح ليلة كاملة

بالنسبة للعطرية كنحتاجو ملح إبزار سكنجبير خرقوم بصلة قسبور ومعدنوس ضامة الزعفران زيت رومية تومة نسيت مصورتهاش

كنحكو البصلة ونزيدو ليها الربيع والملحة والعطرية والزيت ونخلطومزيان

نصفيو الروز من الما

نقسمو التخليطة على جوج نص نضيفوه للروز ونزيدو حتى الخضرة

ونص ندهنو بيه قطع الدجاج سمحوليا مصورتش هاد المرحلة
كنديرو الروز مع الخضرة يتبخر ونستفو فوق منو الدجاج ونخليوهم يطيبو شي ساعة كيطيبو في وقت واحد

منبعد كنحمرو الدجاج في الفران

وفي التقديم كنحطو الروز بالخضر ونزوقوه بالدجاج اللي حمرنا

أنا قدمتو مع شليضة والموناضة والديسير على فكرة كيجي ر ائع وتقدرو تقدموه حتى في العراضات كنوع من التغيير وبالصحة والراحة

اللهم أدمها نعمة واحفظها من الزوال