بنات القنيطرة أنا عرسي الشهر الجاي وشديت بهيجة الشمالية حيث شكرتوها لي فهاد المنتدى لكن أنا مازال محتارة فيما يخص الكوافيرة قالت لي بهيجة بلي عندها أختها كوافيرة وقرات برا وكدير مكياج ومشطات زوينين لكن كاين اللي كيقول بلي واحد الكوافيرة سميتها حياة صالون كنزة هي أحسن واحدة لكن بهيجة قالت لي غدي تبقى معاي الليلة كلها وتبقى تبدل لي الماكياج على حسب اللبسة ب1500 dh شكون فيكم العرايسات اللي شدات لمياء الشمالية في عرسها تقولي كيف دايرة خدمتها وشكون الأفضل هي أم حياة اللي سمعت بلي كتخدم ب 2024 dhوعندي تساؤل ٱخر كاينين كوافيرات كيقولولي بلي المكياج كيدار مرة واحدة أما اللي كيقولو نبقاو نبدلو ليك على حسب اللبسة غير كيخرببقو أنا حرت مبقيتش عارفة ٱش نختار ساعدوني
urgent >>>>>>>>>>>>>>>>>>>>>>>>>>bnat kénitra bnat
الله يكمل بالخير اختي انا من سيدي سلسمان نتمنى من بنات قنيطرة يفيدوك ولكن اختي راه ضروري كيبدلو المكياج على حساب اللبسة كيبدلو العكر و هداك لي فوق العين تيديرو لون على حساب اللبسة
شكرا أختي على ردك لكن كاينين كوافيرات قالو لي العين مكتقاش لأنو كيبقاو ساعة وهم كيصاوبها وكاين اللي كيقول العكس الواحد مكيعرفش شكون غيتيق حيث الأغلبية معديين على المهنة ومكيعرفوش وأي عروس كتبغي تكون في أبهى حلة وتكون أميرة في ليلة العمر أنا سولت في هاد المنتدى باش يساعدوني العريسات لأنو العروس كتكون تالفة و محتارة في الإختيار لكن للأسف حتى واحدة ما ساعدتني المهم مشكورة أختي على ردك
hchouma 3likom 32 mochahada oi makayench rodoud
السلام اختي غير صبري دابا الاخوات يدخلو ويفيدوك
حبدا لو كتبت العنوان بالعربية
حبدا لو كتبت العنوان بالعربية
أختي إلا كان مكياج مزيان علاش غتبداي تبدلي فيه ماكياج العروس تيكون مشارجي كيفاش غدير حتى تمسحو وتعمل ليك واحدآخر من الأحسن شوفي شي كوافورة تعمل لك ماكياج زوين و نتي مني يزول العكر عملي واحد آخر بحدك ونصيحتي إلا كنتي حضرتي لشي عرس ولعروسة طلعات زوينة سيري سولها
chokran okhtti 3ala radek kantssena banat kénitra idekhlou oi ifidouni