من طرف amanarre
باش حتى حد مايبقا يقول متنعرفش نصاوب pizza و باش تهلاي في مالين الدار و باش تعرفو راسكم عزاز عليا هاني نزلت ليكم هدا الموضوع تنتمنى تستافدو
و مانتنساونيش شي دعيوة بالرحمة للوالد ديالي الله يرحمه
أول حاجة العجينة : درت تقريبا نصف كيلو دقيق مع 2 معالق كبار ربدة + ملعقة نيدو + ملعقة زيت الزيتون + خمارة واحدة + شويا خميرة معجونة وتنخلطو الكل بالحليب
نديرو العجينة في ميكة ونحطوها في التلاجة ساعة ترتاح
من بعد نطلقو العجينة ممكن نديروهم فرديين أو واحدة كبيرة ونقطعوها فاش نبغيو نطلقوها نرشو بالدقيق باش متلصقش
نحطوهم في المقلات لي غتدخل الفران ونتكوها باش ماتنفخش و ندخلوها طيب نص طياب فقط
في هده الأتناء نحضرو الصوص : ماطيشة محكوكة + شويا ديال الربيع + ماطيشة المعجونة + ملح + إبزار+ زيت
كيف نخرجوهم و هما باقيين سخان ندهنوهم بالصوص باش يشربوها مزيان
نوجدو الحشوة : في مقلات نديرو الكفتة مقيومة مع شويا ديال الزبدة و السمن نبقاو نحركوها باش تحل و طيب
شويا ديال الفلفلة الحلوة مقلية منقية ومقطعة مربعات و شويا ديال الزيتون أسود و الفرماج محكوك
نبداو نعمرو البيدزات
مابقا ليكم ماتقولو دابا كلشي غيولي تيعرف يصاوبها
بالصحة و الراحة
pizza jjplr lk l’fod fhgjthwdg , hgw,v
